من الصعب ان نشوف قرار بيوم وليله حل للاسكان ومن الصعب ان وزير الاسكان نشوفه
يطلع قرارت وهي كبيرة عليه ولا هو قادر على الهوامير واصحاب البشوت واللي هو تابع لهم
ولا اتوقع ولا 2030 اننا نشوف حل لمشكله الاسكان حتى 20 % وانا متأكد من كلامي
صحيح الاراضي كثيرة في البلد لكن التوزيع صعب ودبل الاراضي
وبلاش كلام فاضي رسوم ومادري ايش وحبه بندول مؤقته
ويجي بكرا غيره مكانه وعلى الحال الكرسي يدور ولا في حل والدولة ما غير تغير فقط ولا هو هذا حل للمشكله
في رأي افضل حل لمشكله الاسكان ومنها يلغون فكرة توزيع الاسكان
اللي ما يستفيد منها الا فئه قليله جداً وفوق كذ بالقرعه وشروط وسنين وعقود عشان تنتظر اسمك يطلع
الحل هو على عدة نقاط واتوقع الشعب بيرضى بعد كذا اذا ارادت الحكومة الحل
وهي
1 : رفع رواتب القطاع الحكومي والخاص
والحد الاقل يكون الراتب 8000 ريال يعني ثانوي ودبلوم 10000 وبالكالوريوس 12000 وفوق كذا على حسب الخبرة
2 : تعطي الحكومة لكل ربه منزل 2000 الى 3000 ريال
وربه المنزل هي اللي متزوجه ولا تعمل او ارملة او مطلقه ولديها ابناء
3 : توظيف العاطلين والعاطلات في برامج تدريبيه "الزاميه" ومباشرة اذا ما حصل على وظيفة
بعد التخرج ومنها يعطى له راتب حول 2000 الى 3000 الف ريال
4 : توفر الحكومة شقق مدى الحياة لكل فقير او ارملة ومن ينطبق لهم الشروط
وخاصه اذا مافي احد يصرف عليها
5 : خفض سعر الاراضي وعلى حسب المساحه والمكان يعني مثلاً الارض تكون 300 الى 350
ولاترتفع ولكن قد يكون في هبوط بالسعر وهذا وارد غير كذا يمنع بيعها خلوها تخيس عند صاحبها
6 : وضع قوانين حول اسعار الايجارات الشقق وتكون الاسعار ثابته من ناحيه وعلى حسب المكان والمساحه
يعني موب شقه بـ 20 الف وثانيه نفسها يقولك بـ 25 الف
7 : تقليل عدد الاجانب في البلد اذا هم وصلوا 10 مليون المفروض خلال 5 سنوات
يطلع الى 7 مليون والهدف النص
8 : تشديد الرقابة على اسعار المطاعم والمواد الغذائية
والتي ترتفع ليس بسبب التكلفة المواد بل الطمع في اغلبهم
9 : تسليم 50 الف ريال لكل شخص يريد الزواج وهي هدية وليس قرض ومنها حل للعنوسة الحاصل في البلد
أفضل حل عشان الشعب ينسى الاسكان ويدبر نفسه
اما يستأجر ولا يجمع للبيت
لانه بكذا يكون الدخل جيد ويقدر يجمع او يبي يسكن بالايجار
اما الوضع الحالي اقل راتب 3000 ما تسوي شي لا سكن ولا زواج ولا مستقبل
لانه اخر احصائيه تقول رواتب السعوديين بالغالب بين 4 الى 6 الف ريال
لاحد يقول صعبة ومادري ومبالغ ترا هذا كله ولا نص من اللي تعمله دول الجوار من ناحيه الدخل
واللي يجي يقول اقتصادنا طايح هذا يضحك على نفسه
اقتصادنا من افضل الاقتصادات بالعالم واعتقد الرقم واحد بالوطن العربي رغم نزول البترول
وعندنا مداخيل لو اذكرها هنا يمكن ما تكفي وبتمل من قرائتها
وفوق كذا نصدر للدول الخارجيه وخاصه لدول الجوار
يعني الارباح لهذة الشركات الحكومية والخاصه بشكل ما يوصف
ولو تاخذ الحكومة ضريبه منهم كان طلعوا مليارات تدعم البلد
لكن الدولة ما دري ليش ما يفرضون عليهم نسبه مثل دول الجوار وخاصه دبي ولا هذا اعتراف منهم اننا موب محتاجين دخل للدولة
غير كذا موب شايفين حل للاسكان والمصيبه مثل ما نسمع واللي تم دراسته خليجياً
ان الضريبه سوف تفرض بعد سنه او سنتين أي كل شي له ضريبه
اكل ولا شرب ولا ايجار ولا شراء سيارة وجوال ....الخ
حتى يمكن الشوارع اللي تمشي فيها
واذا كنا على الحال من ناحيه الدخل والسكن والفقراء والعطاله
هذا خطر للشعب واخطر من تعاطي المخدرات
والدولة لازم تحل الوضع من الان وليس ترفيهه ومسارح ومكتبات في 2030
وهذا اشوفه مثل الميت دماغياً ويقال يمكن يصحه 2030 وانت ماتدري
هو بيصحه وكيف بيكون اذا صحه ولا انا اموت قبل ما يصحه
والعمر طويل الى 2030
المواضيع المتشابهه 
أفضل حل في نظري لوضع الاسكان اذا ارادت الدولة ايجاد حل تصريفي للسكن ( عطنا رأيك ) 
العرض الشجري
