حالياً طبعاً اغلبكم معطل وخاصه موظفيين الحكوميين
اما احنا قطاع خاص لنا الله دوام الى يوم الثلاثاء ويوم السبت دوام بعد العيد
الزبدة جلس هندي معي بالعمل يسولف معي عن التجارة قبل شوي وانها رزق وانها تقدر تطلع عماله ومادري ايش
رح شفهم في الشوارع وخاصه البنقاليه
وجلس يضحك علي يقول انت سعودي ولا عندك تجارة ويقول لو انا مكانك كان طلعت
ويقولي انه اخوة فاتح اربع بقالات في الرياض وجميع أهلة يتوارثون في العمل في هذة البقالة
ودخله ممتاز حتى قدم له عرض للعمل لكن رفض مادري ليش
المهم يقول انت عاجبك بهذا الحال وعلى الراتب قلت وش تبي اسوي
قال لا زواج ولا تجارة قلت من وين الفلوس قال اذا قلت كذا ما تقدر تتوفق في أي شي بالحياة لازم تتعب في البداية
واحاول اقوله التجارة في مخاطرة قال اذا بتفكر كذا موب متزوج ولا انت عايش والرزق على الله
قسم بالله حطمني وحسيت نفسي اجنبي وهو السعودي هههههههههههه
صدق والله الاجانب لاقنيها هنا في التجارة والسعودي ما غير ينتظر مقسومه من الاجانب وان كانت طفسه اللي يجيه وتحصله مستانس عليها
لكن هم يطلعون اضعاف اضعاف هالمبلغ
المواضيع المتشابهه 
حسيت اني اجنبي يوم يكلمني هندي معي بالعمل عن فوائد التجارة .! 
العرض الشجري
