اتمنى كل التوفيق للعسكر المرابطين في الحدود وهم حماة الوطن
لكن خلونا واقعيين الجميع مسوين حملات من فترة طويلة ضد البنوك
وخاصه عن اعفاء قروض العسكر لدى البنوك
بصراحة البنك موب ذنبه ان يجي شخص مع كل التقدير والاحترام له وانه حامي البلد في الحدود
ان ياخذ منه قرض ويجي بعد فترة تطالبون البنك في اعفائهم
صحيح ارباحهم بالملايين لكن هالبنوك تجارية وبعضها له اسهم من مستثمرين
يعني من سابع المستحيلات ان نشوف بنك يسقط اعفاة المقرضين
واذا طلع شي من عندة نزل قيمة الفايدة لا اكثر
لانه البنوك تاخذ ولا تعطي حتى لو ريال ناقصه تطلبه منك
وان كنت اتمنى اليوم تسقط على جميع العسكر
لكن الواقع شي اخر وبالعقل
لكن ليش ما نشوف الحملات هذة توجه للحكومة في رفع رواتب العسكر
وخاصه اللي في الحدود مثلاً للدبل او النص اقل شي وخاصه في الفترة اللي هو فيها هناك
والحكومة قادرة هالشي وتعرف قيمة العسكر وهم يدافعون على ارض الوطن
لكن مثلاً لو سددت عليهم قروضهم هذة محاولة دعايه لاخذ قروض من البنوك مرة اخرى
والدخول في متاهه لاتغلق
المفروض احنا تكون رواتب العسكر اعلى وراتب من حيث القطاعات الحكومية
بعضهم في مكتبه مثلاً وزارة الزراعة ولا الصحه ودوام لاشغل ولا مشغله
وراتبه من 15 الى 20 الف ودوام 5 ساعات في رمضان
والعسكر راتبهم ما تجي من 5 الى 8 بالكثير وهو مهدد بالخطر والموت
دول الخليج وبالتحديد قطر والامارات والكويت رواتبهم اعلى من راتب العسكري السعودي
واللي يقهر راتب جندي ابو ثانوي في قطر يصل الى 15 الف واكثر
خلونا واقعيين ووجهوا حملاتكم للحكومة لرفع رواتب العسكر
ولا تحلمون تشوفون بنك يفتح باب على نفسه لن يغلق
ما ضحكني بالموضوع الا يوم شفت فايز المالكي يطالبهم في هالشي
ويقول بسوي دعاية لكم مجاناً اذا اعفيتوا المقرضين
مايدري ان البنوك تشتريه هو وحسابه ولا هم بحاجه لدعايات ينزلونها
واذا ما اعجب موضوعي هذا من بعض الاعضاء او المشرفين
فهذة مصيبة
لاني اذكر سبق نزلت موضوع اطالب في رفع رواتب العسكر وقفل وتوقفت !!
المواضيع المتشابهه 
ليش تطالبون من الناس " البنوك " ولا تطالبون من ابوك " الحكومة " .! 
العرض الشجري
