قصص - روايات - حكاياتلطرح القصص والروايات الخيالية و الحقيقه و الكتابات الخاصة " ذات العبرة و الفائدة ",
القصص والروايات قصص واقعية و روايات - قصص واقعية، قصص عربية، قصص أطفال، قصص حب، قصص غراميه، قصة قصيره، قصة طويلة قصص روايات ادربيه طويله قصص واقعيه قصص روايات قصص حب قصص رومانسيه روايات رومنسيه قصص واقعيه قصص و روايات حب ,
في البداية أحب أعرفكم على الشخصيات..............
أبومحمد +أبو فهد +أم وليد =أخوة
ـــــــــــــــــــــــــــــــــــــــــــــــ
**عائلة أبو محمد,أم محمد, محمد 27سنة شاب طموح أخلاق وقلبه مليان طيبة وحنون وخاطب بنت عمته شذى ,فيصل 26سنة شاب وسيم ومحبوب عند الكل, فواز 23سنة يدرس بالجامعه وكله مناقر مع أخته ندى ,ريم 22سنة تدرس بالجامعة بنت ولا كل البنات جمال وذوق وأخلاق,ندى 19 سنة أول سنة لها بالجامعة تخصص علمي ....
أيضا أم مشاري أخت أم محمد عنده مشاري 25سنة,رنا
21سنة .
ــــــــــــــــــــــــــــــــــــــــــــــــــ ـــــــ
**عائلة أبو فهد , أم فهد , فهد متزوج وهودايما مسافر بحكم شغله زوجته منال ,خالد 25سنة شاب حبوب وقلبه طيب,مها 22سنة بنت ملاك تدرس بالجامعه علم نفس .
ــــــــــــــــــــــــــــــــــــــــــــــــــ ـــــــــــ
** عائلة أبو وليد , أم وليد , وليد 24سنة طيب وقلبه كبير ,شذى 22سنة تدرس علم نفس مع بنت خالها مها ومثل ما أنذكر أهي مخطوبه لمحمد , أمل 21سنة تدرس بنفس الجامعة .. حبوبه.
ــــــــــــــــــــــــــــــــــــــــــــــــــ ــــــــ
~*¤ô§ô¤*~الجــــــزء الأول~*¤ô§ô¤*~
(( نبدأ.....................
أشرقت الشمس على نهار جميل وعلى سنة دراسية جديدة ..... 1428هـ
أم محمد : ندى يالله قومي ما صار هذا نوم
ندى بتعب : يمه بس خمس دقايق
أم محمد : يالله عاد الساعة 7 قبل لايروح السايق عنك
ندى: انشالله كاني قعدت
أم محمد : يالله قومي خلصي وأنزلي أفطري
ندى : انشالله << راحت ندى تسبحت وصلت ولبست وتكشخت لأول يوم دراسي لها بالجامعه
ندى : صباح الخير
الكل : صباح النور
فيصل : شفيكي مالك خلقنا
ندى باستغراب: أنـــا ..........<< لـّمحت أبتسامته>> . حسبي الله ونعم الوكيل... على بالكم بتمشون الكركات عليّ..عاااد من الصبح ..صدق ما تستحون
وتسمع هرن السواق وتطلع وهي تطالع فيهم بنظرات ..<وهم يضحكون
أبو محمد : شفيكم عالبنت أنت وياااه
فواز: يبه أنا ماتكلمت هذا فيصل
أبو محمد : فيصل أركد ياوليدي شوي
فيصل : انشالله على هالخشم << وهو يأشر على خشمه
أبو محمد :يالله محمد مشينا
محمد : انشالله<<قام بعد ما خلص فطور وراح الشركه مع أبوه
............بعد ربع ساعة...........
فيصل :يالله يمه تامرين بشئ <<فيصل يشتغل في بنك
أم محمد : سلامتك ياالغالي
فيصل : الله يسلمك
ريم : فيصل.. فيصل ..
يلتفت لها : شفيكي من وين طلعتي
ريم : أبيك توديني الجامعة الله يخليك
فيصل : علشان هاالمذله رح أوديكي
ريم : يابعد عمري هالأخو
فيصل : يالله بلا كلام زايد
أم محمد طالعة من المطبخ : ريم قعدتي كان نمتي شوي نسيتي أنك تعبانه .. تبيني أحاتيك
ريم : شسوي بعد .. صاحباتي يبوني أروح
فيصل : مطولين يالله ولا بمشي صدق اللحين
(ويطلع أهو وأخته .. ويوصلها وبعدين يروح البنك)
ــــــــــــــــــــــــــــــــــــــــــــــــــ ـــــــ
مها وهي طالعه مع بنت عمتها شذى ......
شذى : هذا أول يوم بعد
مها: يالله هاذي أخر سنة ... أمشي نروح الكافتيريا
شذى : مشينا ........."ويروحوا ويقعدون في أحد الكراسي الفاضية
مها : هاااا وش أخبار الخطيب
شذى والحيا ذابحها : الحمدالله
مها : كل هذا حيا .. الا وين أختك أمل
شذى : ما أدري عنها تلاقيها مع رفيجاتها
رغد : مرحباااااااا <<رفيجتهم من أيام الثانوية
مها وشذى: هلا والله
مها : وينك ما تنشافين
رغد : كاني معاكم .. شخباركم
مها وشذى : الحمدالله
شذى :شخبار خالتي
رغد : الحمدالله
..... رن جوال مها...
مها : الو
خالد : الو هلا والله بالغاليه
مها : هلا فيك مو من عوايدك هالترحيب
خالد : هااا متى تخلصين
مها : بعد ساعتين
خالد : أوكي بعد ساعتين أكون عندك
مها : أوكي ..... يالله بااي
رغد : ليش ساعتين أنا بعد شوي بطلع
مها : يعني ما تعرفيني رح أروح أسلم على صاحباتي ويبيلي ساعة على ما ألقاهم
رغد : موب للهدرجة
مها : الا للهدرجة ..ما تشوفين الزحمة .. ماأحب أول يوم
رغد : ههههههه حتى أنا أكرهه
مها : الأخت وين رحتي << أتوجه الكلام لشذى
رغد : هههههههههه عند محمد بعد وين
تقوم شذى وتضربها على راسها : تأدبي
مها ورغد : ههههههههههههههه
ــــــــــــــــــــــــــــــــــــــــــــــــــ ـــ
يدخل خالد مع أخته : السلام عليكم
أم فهد وأبو فهد : وعليكم السلام
تروح مها الى أبوها و أمها وتحبهم على جبينهم
أبو فهد : بارك الله فيك
أم فهد :هاا شخبارك مع أول يوم
مها : الحمدالله أنا ما أحبه بس خلالالا ص اليوم أنتهى ههههههههههه أقصد نصه
أم فهد :ههههههههه يالله علشان الغدا
مها : انشالله
"راحت أهي وخالد وغيروا ملابسهم ونزلوا تغدوا "
ــــــــــــــــــــــــــــــــــــــــــــــــــ ـ
شذى وأمل : السلااااااااام عليكم
الكل : وعليكم السلام
"تروح شذى وتقعد على الكنبه وأهي تعبانه "
وليد : شفيه الحلو تعبان
شذى : ما فيني شي بس تعرف أول يوم شكثر متعب
وليد : أهااا
شذى : يمه جوعانه كثيرررررر
أمل : حتى أنا
أم وليد : انشالله .. يالله قوموا أنا قلت للخدامة تجهزه أكيد اللحين جهز
أبو وليد بعد ما ترك الجريدة من يده : يالله قمنا
ــــــــــــــــــــــــــــــــــــــــــــــــــ ــــــ
بعد الغدا في بيت أبو فهد الكل تفرق وظلت مها مع أخوها خالد.
حب خالد يقطع السكون اللي بينهم :شفيكي
مها وأهي تطالع التلفزيون :أبدا بس مالي خلق أسولف اللحين أرتحت
خالد :وليكون بتظلين قاعده معاي وأنتي كذا
مها : أنت شفيك ما رح تسكت ولا شلون
خالد : نسيت أقولك كلمني فهد اليوم ويسلم عليك
مها موب مصدقة وببتسامه جانبيه : لاصدقتك . ياالكذاب حنا اليوم بالجامعة بع متى بتفضاله هااا
خالد أنرسمت علامة أستفهام بوجهه : بسم الله اسألي بالأول مو عالطول تحللين بمزاجك يالغبيه
مها : أجل شلون
خالد : اليوم دق عليّ تعرفين أول يوم وحركات حاب يسأل عنا ((قالها وهو شوي ويفجرها ضحكه....
مها : والله أنك كذاب .. اللحين أخوي مسافر .. وبيتصل وبيخسر مكالمة عليك أنت بدل ما يدقها على الوالده..لا ومتصل علشان شنو علشان يسأل عن الجامعة والله تعرف تألف قصص
خالد :هذا جزاي أبيك تتكلمين وتسولفين معاااي
مها مبرطمه : مشكور....... بس كنت تكذب ولا لأ
خالد : أيه كذبت ......"وبنبره حاذه".... عندك أعتراض
((قامت مها من الكنبه ...... بتطلع ....))
خالد : وين
مها : بروح أنام تعبانه
خالد : فكه منك
مها أكتفت بنظرة جانبية وراحت الى غرفتها ورمت نفسها على السرير ونامت
ــــــــــــــــــــــــــــــــــــــــــــــــــ ــ
(الليل ..." المغرب"......)
أبو وليد : يالله يا وليد
وليد : انشالله يبه " طلع معاه وراحوا المسجد
أم وليد :أمل وين أختك
أمل : مدري عنها تلاقينها بغرفتها
أم وليد :أكيد تعبانه
أمل : وأنا يعني اللي مو تعبانه ...... الكل تعبان
أم وليد : خلي عنك هالكلام وتعالي معاي المطبخ
أمل : أنشالله
ــــــــــــــــــــــــــــــــــــــــــــــــــ ــــ
(في بيت أبو محمد.....)
أم محمد قاعده تكلم تلفون في الصالة ..وندى تشاهد التلفزيون ..وفواز يلعب بالجوال......
فواز حب يناقرها شوي : شفيكي من قناة الى قناة حطي شي وخلصينا
ندى : أنت من كلمك هااااااا
فواز : زعجتيني بصراحة
ندى: لاتحاول تكلمني ..سامع
فواز : أنا أحاول أكلمك !!
ندى :..............
فواز : ياحمارها قاعد أكلمك
ندى فتحت عيونها على الأخر: مافي حمار غيرك يا غبي
أم محمد بعد ما أنتهت من المكالمة : شفيكم فشلتوني
ندى : هذا ولدك
فواز يطالع في الجوال ولا كأنه مسوي شي ...."
أم محمد :الله يعيني عليكم كبار وللحين على سوالفكم
((تدخل عليهم ريم)).......
ندى : هلا والله بنور البيت
ريم :أحم أحم
فواز :يعني الحين على بالك رح تغيظيني هااا
ندى:والله اللي على راسه بطحة يتحسسها
فواز رافع يدينه : الحمدالله ما فوق راسي شي
أم محمد :هههههه أركدوا عاد ماخلصنا
ريم : ندوى ماودك تطلعين
ندى : وين أروح
ريم : السوق ..بيت خالتي .. أي مكان
ندى : أستحي على وجهك عااااد من أول يوم تلاقي الكل ماله خلق حد
ريم : انا لله و بعدين ذبحتوا اليوم بكلامكم
فواز : والله أختك اليوم مو طبيعية مالها خلق نفسها حتى ههههههههههه <<يبي يستفزها
ندى : نطق ولد أمه ....
فواز : شفتي يمه قاعده تسبك ...
أم محمد: خلني أقوم طلعتوا أقروني
فواز : الله يساعدك على أولادك يا أم فواز
......>>بهالوقت دخل أبومحمد و أم محمد <<.......
أبو محمد و محمد: السلام عليكم
الكل : وعليكم السلام
أبو محمد: ألا وين أمكم وأخوكم فيصل
ندى : أمي بالمطبخ وفيصل بغرفته نايم
أبو محمد : أذا العشا جاهز خلهم يحطون
ندى : أنشالله ......"قامت معاها ريم"
يروح محمد ويقعد جنب فواز
محمد :شقاعد تسوي أكلت الجوال .....؟
فواز : حاط نغمات آوه ه ه عجيبه....
محمد : أحلف سمعنا سمعنا......
فواز :نسيت روحك تفتكر بس أنت اللي قاعد بالصالة
ألتفت محمد ولقى أبوه قاعد بنفس الكنبة اللي قاعدين عليها بس بعيدين عنه.....
محمد : أوه نسيت أجل خلها بع العشا ok
فواز مبتسم : ok
"أجتمعت عائلة أبو محمد على طاولة العشا وكلهم كانوا موجودين لحضتها ....
ــــــــــــــــــــــــــــــــــــــــــــــــــ
المواضيع المتشابهه 
قصة روحي تناديك رومانسية ( سعودية ) 
العرض الشجري
