..البـــارت الأول..


\

/
\
أنـآ أشهَـد إن لڪْ غـلآ وهـَو فينـِي،
. . . قصّـة غريبَـة مَدري ويـش أسَمّيهَـآ
أنـا عطِيتـڪْ حَيآتـِي قبـل ~ تعطِينـِي
. . . عطَـآنـِي حيآتَـه وقلـت مابيهَـأ / و إللِي
يحَـآول يوشْـوشْ بينڪْ وبينـِي .، يڪْون
. . . خسـْرآن . . لَـو حَـآول ~ يسَوّيهـآ
\
/



الصـبح الساعــة 11: 30 في غرفة التوأم



أم أحمــد تدخل الغرفة على بناتها وتوعيهـم من النوم..



أم أحمـد: ميرووه .. أمييرة قومـي بسكـم رقاد ..



ميرة: ماما بس شوي والله شوي .. منو هل وقـت يقوم من النوم..



أم أحمــد: شو بعـد منو يقوم هل وقــت كل الفرييج إلآ انتو ما ادري أي رقاد يايلكم..



أميرة: ماماتي اظهري وسكري الباب وراج والله تعبانين البارحه حمد ما خلانه نرقد كنا نسويله شي على اللاب..



أم أحمـد: الله يهديكم .. انتو ما ينفع معااكم الكلآآم .. جان تفتح الستـارة وأشعه الشمس الذهبية نورت الغرفة وسكرت المكيف .. وظهرت



ميـرة تتنافـخ: أففف شو هل بيت ما يخلون الواحد ياخذ راحته ف النوم..



جان تقوم وتروح الحمام (( كرمكم الله)) و تسبح و من بعدها دخلت أميرة..



وظهروا بدله عبارة عن تنورة قصيرة سوده وعليها فيونكة كبيرة على صوب فوشية وعليها كرستالات



وقميص عليه جاكيت لين الصدر اسود ومنتثر عليه كله فيونكات صغيرة وبنطلون فوشــي نازل منه سلاسل.. وتكشخو وحطولهم الجحال وشويه قلوز فوشي وبلشر وردي على خدودهم ورسمو عيونهم.. ونزلـــو لأنه الظهـر بيولهـم ضيوف..



التوأم وهم نازلين وميرو فايدها الايبااد جافوا الكـل مجتمع على طاولة الريوق



التوأم: هـأإي دادي



بو أحمــد: وعليكم السلام ورحمـه



التوأم قفطوا: السلام عليكم



أم أحمـد: ميرو انتي يايـة تتريقين ولآ تلعبين..



ميرة وهي تتأفف: افف أمي نوم ما خليتونا ننام ولآ لعب شو ها.. اخخي



أم أحمــد: خلآص سوي الي ريحج..



ميرة ابتسمـت وقالت: هيــآإأ.. وهي تصاصر أميرة: عيل أمور جوفي شو بنسوي اليوم..



أحمـد: ع شو تتصاصرون .. ع الأقل دخلو حرمتي ف الموضوع..



شيخة: دخليك أحمـد ابعدني عنهم مخططاتهم جهنيمة..



ميرة: افف انتي محد يقولج شي ع طول تبخره .. خليه شوي مخشوش ..>> هل بنت ما تتعب من كثر ما هي تتأفف.. هع



أحمـد يمثل العصبية: أي مب ع حرمتي ..



ميرة: السموحـه يا اخي العزيز وزوجتـه العزيزة هع..



شيخـة: مسموحـة الغالية..



أحمـد: هي جي اباج..



أم أحمـد: فكونا من حشرتكم وين محمـد ما نزل لين الحين.!؟



ميرة تتصاصر أميرة: أكيــد يكلم الحب..



أحمـد: انتي ما تشبعين من المصاصر قوليلنا نحن ع الأقل نبا نعرف..



أميرة ردت ع نفس موضوع أمهـا لأنها تعرف إذا فتحت مجال بيتمون يضاربون ميرة و أحمد: جفت عاد باباتي نحن واعيـن وهو أكيد الحين راقـد..



ميرة: يب يب>> مسكينه متاثرة من المسسن هع .. جفتوا عـاد قتلج بس ما صدقتيني انه بس انا وانتي بنكون واعيـن..



أم أحمد: يعني أنا وأبوج مب مالين عينج..



ويكمل عنها ولدها أحمـد: وأنا ومرتـي مب مالين عينج..



ميرة: أفف خلآص كلتوني..



وينـزل محمـد وييلس على الكرسـي



أميرة: متى بيون العـرب



أم أحمـد: ذكرتيني الله يذكرج بالشهاده بسير أجهز الغدا وبخلي الخدم ينظفون الميلس ويرتبـون طـآولـة الاكـل وأنتو يلآ بسرعه ألحقونـي عـلـــ.....



واتقاطعها أميرة بدلــع: سوري مام نحن بنروح نتكشخ ..sister Lets go



محمـد: شو هالدلع البايخ .. محـد يعرف يدلع كثر حبيبتي..



ميــرة: أي وحـده السادسسة ولآ العاشرة هعع لأنه من كثرهم انت تتلخبط من بينهم..



محمـد: اسكتــي فضحتينا جداام أبوي..



بو أحمــد: شو قلت ..ّ؟



محمــد: ولآ شي سلامتك أبوي..