يارب , هلجنون

الموضوع الأصلي: يارب وش هلجنون الي سكن دمي || الكاتب: دلع ورد || المصدر: منتديات

المصدر: منتديات شمس الحب - من قسم: قصص - روايات - حكايات

ملاحظه:الروايه راح تكون بوليسيه و راح تكون غامضه بنفس الوقت
الجزاء الاول
اذا كنت ذيب فأنا بنت وسط ذيابه
سمعت ببنت تتحد العالم بنظره
نشيت من الحلم الى يتكرر لى دوم تميت ارتجف وانا احس انى راح اختنق فتحت اول سده و خذت البخاخ و قربته من حلجى و سويت و فريت نفسى على الشبريه اطلب منها الراحه و انا مغمضه عيونى لحظات و رديت افتحها:استغفر الله العظيم
تميت استغفر و اتعوذ بعدين قمت تسبحت و صليت بعدين لبست لبس المدرسه ويا العبااه و وقايه سوده و طلعت من الغرفه و انا شاله الشنطه على ظهري ما فيها غير كتاب واحد عشان اذاكر فى السياره و لابسه على عيونى نظارتى الشمسيه و مسويه شعري ذيل حصان و البى بى فى ايدى و نزلت تحت ،، نزلت اخر دري و سمعت صوت اكرهه من كل قلبى
:ما شاء الله ناشه بوقت اليوم
قال هاى الجمله و هو يطالعنى بنظرات خبث و تفحص
( اسمى شموخ عمري 17 سنه 3 ثانوي امى و ابوى مطلقين من زمان و عايشه عند امى و زوج امى الى دوم يتحرش فينى)
انا احط الوقايه على راسى و التفت له:ياله صباح خير ما نقدر ناخذ راحتناا
بطنازه:حد قالج لا تاخذين راحتج
(خميس عمره 49 ريال خبيث و خمار و حياته كلها فسق و تزوج امى عشان لفلوس)
انا اطالعه بشمئزاز:كيف اخذ راحتى بوجود الغرب
قلت كلمتى و سرت صوب باب الصاله ابى اظهر لكن طاحن اغراضى يوم سحبنى خميس لملطبخ
خميس يثبتنى على اليدار و يطالعنى بنظرات خبث:و الله و كبرتى و احلويتى و لا منو يصدق ان انتى شموخ الصغيره الى تخافين من ضلج
انا احااول احرر نفسى:قوم عنى يا لوصخ يا علك
خميس يقاطعنى:اشش عيب ادعين على ابوج يا حلوه
شموخ:تخسى الى انت ها الى ناقص
ابتسم خميس و قرب ويهه من ويهى حسيت انى بزوع و ضربته على ركبته بقوه و ركضت و انا اشل اغراضى من تحت و انا اقول:حقير راح اى يوم تندم فيه يا ولد ال....... يا الساافل
و طلعت اركض برع و ركبت السيااره وانا اتنفس بسرعه و قلت حق راجو:يلاا شو تتريا انت بعد تحرك
راجو:جين مامااه
تحرك راجو و طلع من البيت و حسيت براحه شوي ساندت راسى و كل جسمى على الكرسى و غمضت عيونى من الخوف بعدين قلت بصوت يرتجف:راجو سير الشيشه
راجو:جين مامااه
عند الشيشه كانت الشيشه زحمه وايد مب جنه الناس فى الدواماات احين عدلت وقايتى و طلعت قصه من جدام شويه و سرت صوب الشيشه و انا شاله محفظتى و البى بى مالى فى ايدي من اول ما دخلت كانت الشيشه زحمه و الشباب فى كل مكان و شكلهم مال جامعاات شليت سله صغيره و سرت صوب المشروباات و ترستهاا من البيبسى و بعدين اشتريت لبن كرتون و اشتريت جيتس الحار 8 كيس ما خليت شى ما اشتريته حقى و حق ربعى وقفت شوي و انا احس بنظرات شخص على من اول ما دشيت التفتت و جفت واحد عيونه خضرا و طويل و عريض الجسم و ابيض البشره و لابس لبس الشرطه كان شكله عذاب يا ناس بس رغم ها تظاهرت انى معصبه من نظراته:نعم اخوي مضيع شى عندي
ابتسم ابتسامه جانبيه خله قلبى يخفق و خلانى اعصب زيااده منه:خيرر ليش تطالعنى مضيع شى
ما تكلم و زادت ابتسامته انا قلت من اول ها اجنبى و لازم ارطن ويااه و انا مب متفيجه عشان ارطن ويا حد عطيته ظهري و ابتعدت عنه و انا حاسه بضيج من نظراته
.................................................. ............
من اول ما دشت الشيشه و طاحت عيونى عليها فقدت تركيزي عيونها الحاده و المرسومه الواسعه العسليه ذبحتنى شرات السهم اصابت قلبى و من ظهرت فجاءه حسيت نفسى الحقهاا و اتبع تحركاتهاا لين لفت على و شكلها معصبه منى
البنت معصبه :نعم اخوي مضيع شى عندي
ابتسمت ابتسامه جانبيه و حسيت انها عصبت منى زيااده :خيرر ليش تطالعنى مضيع شى
ما تكلمت و زادت ابتسامتى يا ناس صوتها حلو شرات صوت حريم اول جفتها تمشى و هى تضرب ريلها بالارض معصبه منى سرت صوب الهندي الى يحاسب و عطيته بيزات عن اغراضى و اغراض البنت الى جفتهاا دفعت 500 و ما خذت منها شى عشان اغراضهاا و سرت اوقف صوب الباب مال الشيشه
(اسمى راشد عمري 25 سنه اشتغل فى التحريات و احياناا البس لبس الشرطه رغم انى احب البس لبس عادي ابوي كان مصر انى اشتغل فى شركته لكنى ما احب شغل الشركات احب الشرطه بطريقه قريباا من الجنون)
رفعت راسى جفتها وقفه صوب المحاسبه و شكلها معصبه حدهاا
.................................................. ....
شموخ
:احلف انت بس منوو ها الى دفع عنى
الهندي بخوف:مامااه انتى ما فى صرخ
انا:مامااه فى عيونك شوو تجوفنى حرمه ام عياال قولى منوو عن ادخل ايدي فى عيونك
الهندي يأشر وراي بخوف:هااداا مامااه
التفتت و اناا معصبه جفت هااك الى كان يطالعنى اويه بخصوص الغرشوب جى يدفع لى ها الى نااقص ما قدرت استحمل سرت صوبه و انا معصبه حدي :اى انت شوو تتحر نفسك
بعدين قلت:اوووه بعد لازم ارطن لك
ابتسم:لا مب لازم
اجمدت اطرافى و تلون ويهى بلون الاحمر من الفشيله ها طلع عربى يعنى شو ها الغباء يا شموخ واحد لابس لبس شرطه و بيطلع اجنبى حطيت ايدي فى المحفظه و طلعت البيزات 250 ثمن الاغراض و مديت ايدي له
:ماله داعى هديه منى لج
خلاص وصلت حدي انا فى عمري ما تجرأت و رمست ويا حد غريب لكن هاا تجاوز حده وااايد و اناا ياله اقدر استحمل غيري فريت البيزات على ويهه و عيونى حمره من الغضب الى فينى:احترم نفسك انا مب من البنات الرخااص الى تشتريهن تفهم و محد طلب منك تدفع شى مب لك صج قله ادب
رديت صوب المحاسبه و خذيت الاغراض و طلعت من الشيشه و اناا اشتعل نار و عادي احرق اى حد جدامى احين
.................................................. ...
راشد
لو قلت لكم انى معصب فهاا الشى شويه انا راشد بن جاسم ال..... تسوي فينى جى طلعت من الشيشه و انا معصب ما راح اسكت ابداا جفتهاا صوب سيارتهاا اف جى و الدريول جدام اقتربت منهاا و اناا ما اجوف شى اسرعت فى خطواتى يوم جفتهاا بتركب السياره و مسكت ايدهاا و لفيتهاا لى بعصبيه :كيف تتجرأين و تسوين جى كيف ارمسى(اصرخ)ارمسى كيييييييييييف
كانت ترتجف بين ايدي و نظراتهاا جامده و بارده قالت ببرود:هدنى
انا اقترب اكثر:ما سمعت شو قلتى
هى تطالعنى بعيون زادت احمرر و انا اقترب منها لين لزقت فيه:قوم عنى هدنى
اناا ارفع حواجبى و صدقونى استمتع بها الشى:و لو ما هديتج شو بتسوين
.................................................. .......
شموخ
:و لو ما هديتج شو بتسوين
غمضت عيونى بقوه كان قريب منى و انفااسه تختلط بأنفاسى و الكل يالس يطالعنا تعرفون كيف كان الموقف حسسنى انى رخيصه و فقدت اعصاابى دزيته من صدره بقووه و صفعته بقووه و بعدين رفعت صبعى له:راح تندم الكل راح يندم محد يعرف منو شموخ(دزيته)نذل حقيرررر مثلك مثل غيرك