|
نفسي للي عمرها ماقد عصتني نفسے اللے عمرهآ مآ قد عصتنے..!! طاوعتنے لــڪ وقلبے لــڪ هديتهـ..!! لـ: وحيدة زماني عــوؤودهـ مجددة لكم أحبائي و قرآء قصـصـي الأولـى و الثـآنـيـة و من سيقرأ هذي الرواية أضـع بين يديكم روآيـة جـديـدة بـ عـنـوآن ::: نفسے اللے عمرهآ مآ قد عصتنے..!! طاوعتنے لــڪ وقلبے لــڪ هديتهـ..!! بـدآيـــة بنتفـق عـ كــل شـــي مـن الـبـــدآيــــــة ::- الــشـــرؤؤط هـ،ـــ،ـي::- * الروايـة نوعـآ مآ فيهآ ... جرعة من الـجـرآءة فـ لا أقبل أي انــتقادات عن هذه الجرآءة .. * لا اقبل بالردود الـتــي تحتوي على " طولتي .. وين ما نزلتي؟؟... نزلي بسرعة .. جآآري الانتظار" * أريــــد انـتــقـآدآتـكـم عن الشــخصــيـآت و انطـبــآعـاتكم عـنهآ. * ع كـــل بـارت أنزلـــهـ أبــآ توقـعـــــآتــــكــــم ... * تنزيل البــارتـآت كـ التـالــي:: حسب الردود يعني في البداية 3 ردود و كل ما يزيد عدد المشآهدة بيزيدن عدد الردود و جي .. هيه و بـعـد كـل يومين بنزل أو يـــــــوم ... ~ |
نفسے اللے عمرهآ مآ قد عصتنے..!! طاوعتنے لــڪ وقلبے لــڪ هديتهـ..!! ’,’البارت الاول ’,’ اطوي همومي وسط قلبي واستعيـن=الطيب .. آداريه / واللاش.. احقـره ما دامني مركي على الضلع المتيـن=اللي يبـي فرقـاي .. محـدٍ يجبـره تعبت من ذااا اللي بجرحـه يستهيـن=وانااا اتدارى كل جرح (ن) .. واستره نشيت من الرقآد .. اطآلعت ع يميني لين الحيين رآقد ما شالله ع جماله .. جمال و شخصية الله يحفظك لي لين آخر العمر .. نشيت من ع الشبرية منحرجة اليوم ثاني يوم لزواجنآ.. اتذكرت ليلة البآرحة كآآآآنت عذآب همساته و لمساته كله ع بعضه عذآآآب الله يخليه ليي ياااااارب ... توجهت صوب الحمام "عزكم الله" و اتسبحت و تلبست و حطيت لي مكياج خفيف و سويت شعري ذيل حصآن .. أوعيه و الا لا؟.. شكله مرتآح بالرقدة بس يعني بيلس روحي ... اممم خلني اسير المطبخ اسويلي جاهي .. سرت المطبخ و طلعت أشياء الشاي.. اممم و أنا اسوي جاهي بكلمكم عن نفسي .. أنا اسمي عليآ عمري 22سنة مخصلة جامعة .. كنت ادرس فـ جامعة الامارات تخصص أدارة و اقتصاد و طبعآ ادرسها بس جي لاني ما ابا اشتغل و لا حطيت فـ بالي حتى .... و مافي قوة بتجبرني ع الشغل خخخ.. و أنـــا جريييئة وآآيد هههه ... أووووه خلص الجاهي بشربه و عقب بسير اوعي ريلي ... ريلي اسمه خالد و مثل ما قلتلكم جميييل ... زوآجنا كان زواج تقليدي يعني الاهل و انا ما اعرفه و لا يقربلي بس امايه و امه يتعارفن ... لين الحينه ما رمست ويآه وايد يعني ما اعرف شي عنه ... اسمع صوت الباب منوو؟!!.. بسير أجوف منو ... خآآآلد!!! من شويه كآن رآقد مسرع ما نش .. لا و شكله كان متسبح عليآ " منحرجة": خآلد خالد" طالعني و هو ساكت .. بس رفع حاجب واحد" عليآ: طآلع؟ خالد: ليش انتي شو تشوفين؟ صدمني ردهـ.. خيبة تونا متزوجين عليآ: اشوفك طالع خالد: خلآص عيل " و ظهر" استغربت ليش تغير آنا ما سويت شي عسب يعصب و لاشي ... يعني شو بتم بروحي فالجناح أبآ اطلع .. شو هذآ ما عنده دم ما يحس ... عآآآد أنا ما اعرف ايلس بروووحي لازم يكون وياي أنس .. اذا استمر ع هالاسلوب بقوله نرجع العين ابا نآآآآآآس ... يلست اطالع التيلفزيون ماادري بس وقت طويل ... سمعت صوت فتح الباب .. توه شرف حضرته .. خآلد: السلام عليكم عليآ: و عليكم السلام و الرحمة.. هآ عسى استانست فالطلعه؟ خالد" يلس عدالي": انتي شو مشكلتج؟ عليا" تجرأت": مشكلتي انك طالع و مخلني بروحي .. حوّطني عالاقل خالد" بجديه": عليا اسمعيني .. اسمعيني عدل مفهووم؟ عليا" خفت": مفهوووم خالد: انتي ما يعيبج شي و بنت جمال و أخلاق بس أنا فـ قلبي وحدة غيرج و عشان اتزوجها لازم ازوج انتي بالاول عليآ" انصددمت .. كيف ما فهمت؟!!": و ليش تتزوجني عشان تتزوجهآ؟! خالد: عشان امايه ما تبآها و قالتلي جآن تزوجت اللي انا اباها بيوزك اللي تبآها عليا"عصبت": و أنآآ الضحيه ؟؟!!! خالد: عآد ضحيه ما ضحيه انا ما يخصني ما بقى غير شوي ... ثلاث شهور و بطلقج و السبب بيكون مني بنجذب بأي جذبة لا تخآفين سكت ما عرفت شأقول .. لين الحين مب مستوعبة الكلآم .. شو يعني يتزوجني عشان يتزوجها .... و ليش يتزوجني دام انه يبا يطلقني ؟؟ و البااااارحة ليييش حسسني انه يبآآآآآآني؟؟!!! عليا" من دون تفكير": و البآرحة؟! خالد: اعتبريه ما صار شي .. كانت غلطة طيش انسيها عليا" وقفت عشان ما انفضح قدامه .. سرت الغرفة و صححت .. صحت أيآمي اللي بتي عند هالشخص ..." مر أسبوع كآآن بطيييئ و ثجييييييييل علينا نحن الاثنين ... انفصلنا عن بعض هو يرقد ع الكنبة و انا ارقد ع الشبرية و طبعآ كانت فكرته انه ما نرقد ويآ بعض .. اليوم بنسير بيت أهله ... فالسيارة خآلد: أمايه بس اللي تعرف بالموضوع يعني لا تاخذين راحتج وايد وياهن و عبالج يعرفن عليا: ما يهمني خآلد: بلآج؟ عليا: بتلاقى ويا خويتك عند أهلك؟ خالد" عصب": احترمييي نفسج و لا تقولين خويتك عليا: عآآآد أنآ كييفيي فترة صمت عليا: ما قلتلي! خالد: هي مب من الاهل ... أصلا لو من الاهل جان ما تزوجتج سكت عنه... صعب الاحساس بانك عآلة ع شخص الله يلقعك يا السبااال ... وصلنا بيتهم ..و دخلنا .. نزل خالد من السيارة و انا نزلت عقبه عند الباب خآلد: هووود " دخل" دخلت ورآه مثل البديقارد ... خالد: السلام عليكم عليا"بصوت واطي": السلام عليكم خالد" بنفس نبرة صوتي": و عليكم السلام .. يعني احد سمعج؟! عليا: انا سلمت ع الملائكة مب ع الشياطين مثلك " و بعدت عنه شوي" سار خالد و سلم ع أبوه و امه و 3 حريم و ولد و بنتين .. و سرت و سلمت عليهم شراته خالد: شحالكم؟؟ ابو خالد: بخير و سهآلة .. و من صوبك ؟ خالد: يسرك الحال بو خالد .. شحالج امايه؟ ام خالد: بخير ربي يعافيك و شحالك انته فديتك؟ خالد" ابتسم": بخير الحمدلله .. شحالكن خوآتي؟ خواته: بخير الحمدلله عليا: شحالكم؟ ابو خالد: بخير ربي يسلمج .. شحالج بنتي؟ عليا" ارتحت لابوه مب شراته عافانيه الله": بخير الحمدلله عمي و بعد السلام يلست عدال خآلد بالغصب بعد ما قالتلي امه .. أما هو ما علق و لاشي وحدة من خواته: يا مرحبآ بالمعايس تو نور البيت خالد" طآآآف" استحيت من خالد اللي عطآ اخته طاف ف تدراكت الموقف عليا: منور بوجودج فديتج نفس الاخت: يا عيني ع الذوق مب خآلد .. انا سارة اصغر خواته قدمت سارة كوب الجاهي لـ خالد و بعدين أنا خالد يوم عطته ما قال تسلمين و الا شي .. اما انا عليا" اخذت الجاهي": سلمت سارة : و من قال سالم .. بلاك خلود؟ خالد" حطا كوب الجاهي و طلع برع" ابو خالد: بنتي تدرين شو فيه؟ عليا" بلعت ريجي احرجني .. حطني ف موقف لا احسد عليه": ما ادري ما كان جي وحدة من اخواته مب سارة: يعني ما تعرفون خالد كل ساعة ب مزاج سارة : خلونا منه .. اسمعي عليا هذا ابويه " اشرت ع ابوها" و هذي امايه" اشرت ع امها" وهذي العودة مريم و عندها ولد و بنت ولدها الاكبر عمره 5 سنين و البنت سنتين و هذي اللي عداله هنودة متزوجه من كم شهر بس و هذي بنتي عنود عليآ"ابتسمت": تشرفنا ويلست اسولف شوي عندهن هند: قومي علاية براويج غرفتج سارة: انزين اعزمينا هند: و الله مب غرفتي عشان اعزمكن عليا" وقفت": يلا كلنا بنسير انجوفها و فالبداية عرفني عن اقسام البيت كان بس قسم امها و ابوها تحت و غرف الضيوف أما فالطابق اللي فوق .. قسمي و غرفة سارة و غرفة هند و غرفة مريم كانن عدال بعض و غرفة زيادة مب لحد ف غرفتي مريم: توو ما نورت الغرفة براعيتها عليا" ابتسمت بخجل": منورة بوجود زوارها و يلسنا نسولف شوي .. كآن جو ممتع و تداخلت وياهن وآيد لانه طبعي اجتماعي ... دخل علينا خآلد و كلهن وقفن هند: عيل نحن نستأذن خالد: يعني دخلت الشياطين و طلعن الملائكة مريم: حشآك يا خويه بس تعرف عيالنا بروحهم و بنسير لهم خالد: زين زين مع السلامة و طلعن عليا: أسلوبك مرة مب شي مع خواتك خالد" اطالعني بنص عين" عليا: هيه و الله جد خالد: بتكرمينا بسكوتج انتي و الا لا " و انسدح ع الشبرية" عليا: من وين ياي؟ خالد: لا يكون بعد بتحاسبيني!! عليا: أنا ما قلت جي بس كنت ابا اعرف وين كنت رايح خالد: زين صخي ابا ارقد عليا: الحين الساعة 11 ؟؟ شل اللحاف و تلحف به كامل بدوري سرت صوب التسريحة أجوف شكلي و زدت شويه مكياج عليا: خالد متى بنسير نسلم ع أهلك خالد: شكلنا اليووم ما بنرقد عليا: لا يعني ماشي عزيمة خالد" فر اللحاف بقوو": شووو يعني مااا ارقد عليا" حطيت يدي ع حلجي": خلآص سكت خمس دقايق |
عليا: خالد شو رايك نظهر؟؟ خالد" بضيج": انتي ما تعرفين تسكتين نص ساعة ع بعضهن؟؟؟!!! عليا: انزييين شسوي ما اعرف اسكت لازم ارمس خالد" اشر عالباب": ما تعرفين اتسكتيين اظهري برررع عليا" وقفت بشموخ": بظهر يعني ميته وراااك شو " و طلعت بسرعة " خيبة جبرييت محد يروم يرمسه حتى خوآته .. انزين شو مسوي بخواته احسهن يخآفن منه ... خقآآق وآآحد حتى ما يهز شعره مني من الخوووف ... نزلت تحت و جفت ام خالد روحها يآلسة عليا: مرحبا عموه أم خالد: مرحبتين الغالية عليا: شو عموه يالسة برويحاتج؟ أم خالد: هيه فهالوقت ايلس بروحي فالبيت محد ييلس عندي غير أحيانا بناتي يمرن علي و الا العصر ما بتجوفيني عليا: يعني اطلعين و تحوطين و جي أم خالد: هي اسير و اسلم ع ييرانا و اسولف وياهم عليا: حلووو حتى أنا عموه أبا اسير وياج أم خالد: لالا انتي عرووس ما ظهرين عليا" مالت علي من عرووس": يعني لين متى ما اظهر؟ أم خالد: ههههه شكلها الطلعآت تعيبج عليا: وآآآيد بس ما كنت اطلع في بيت هليه وآيد اون منقود أم خالد: هيه نعم منقود يا غير المعرسة هي اللي تظهر وين ماتبا بشور ريلهآ عليا: و انا معرسة يعني عآدي أظهر ام خالد: اتريي اسبوع ع الاقل.. و اصلا هن بينج هني يسلمن عليج عليا : ونآآسة أم خالد: ههههه الا خآلد وين؟ عليا: راقد فالغرفة أم خالد: الله يهدآه الحين يرقد! عليا: انا قلتله ما يسوالك ترقد الحين بس هو عنيد أم خالد: لا من ناحية عنيد عنيييد وااااايد بعد عليا: هههههههه أم خالد" وقفت": بخليج عيل بسير أشوف الطبّاخ شو سوآ ع الغدا عليا" وقفت": بسير ويآج عموه .. الحين لازم اعاونج أم خالد: و الله ما تشبرين ويايه توج أول يوم ويانا و نشلغج حشآ ما قمتي عليا: ههههه عموه يعيبني أنا الطباخ و جي أم خالد: أنا بس بجوف شو سوآ و برد لج مب متأخرة عليا" حسيتها ما تباني اسير وياها": ع راحتج عموه و روحت عمووه... أووف ملل من الخاطر شسوي ؟؟!.. خاطري أطلع و اسولف ويا احد محد فالبيت غير عموه و الحينه سارت .. اممم بسير صوب خالد الا ما اخليه يرقد .. روحت قسمي دخلت الغرفة كآآنت مظلمة و بآآرد .. خيبة ما واحى لك تسوي كل هذآ.. بندت المكيف و فتحت الستآرة .. جفته يتجلب ع الفرآش ياكـ الموت يا تآرك الصلآة ... ركضت برع الغرفة و أنا اوايق عليه .. قام و شغل المكيف و سكر الستارة .. اتريت فترة و عقب بندت المكيف و فتحت الستارة .. ردت ع ورا ... شهقت ... مسكني من ذراعي خآلد: انتي شو بلآج علي اليوووم هآآآآآآ؟؟ عليا: سير عند خويتك أحسن لك خآلد" صرخ": لا تقوووولين خويتك هذي بتكوون حرمتي عقب ثلاث شهوور بعد ما اطلقج و افتك من ملاغتج عليا: يوووم المنى ميييته ورآآآك أناااا ... خالد: جايفة روحج انتي وآآيد عليا : هاهاها لي 22سنة أجوف روحي فالمنظرة ما يبت شي يديد خالد" رص علي من ذراعي": أناااا هالاسلوووب مرة مااا ينااااسبنييي تسمعيييييين؟؟؟!! أم خآلد " دخلت علينا": خلووود هد البنية فضحتنا عندهآآآ بعد عني خالد و هو يتطالع امه ... عسى بس تهزبك و تكسر راسك قدآمي ياااارب أم خالد: اسمحيلنا يا بنتي بس هو شوي عصبي اراويك يا خالد من و عليا عليا" سويت روحي أصيح": عمووه هذي مب أول مرة يسووويهآآ خالد" متفاجأ": أناااااا!! عليا" فيني ضحكة ميودتنها": هييه عيل أنا .. يعني ما تذكر فـ دبي شو سويييت ضربتني و كسرت ضلووعي أم خالد: لا بركتن فيييك من ولد جآآن فضحتني عندهااا ... عنبو ما تستحي تضرب بنت جي مب ريآآل !! خالد: امايه هذي جذابة ام خالد: و لييش تجذب هآآ لييش؟؟ خالد" سكت" أم خالد" بتطلع": و الله يا خلود جان سمعت انك ضربتها ما تلوم غير نفسك و هذآ انا حذرتك " و طلعت" ييت أبا اطلع ورآها .. ما احس الا بايد تسبحني .. كنت بصرخ بس حطى ايده ع ثمي .. خالد: الحيين أنا كسرت ضلوعج .. تبيني اراويج كييف اكسرهن عدل عليا" خايفة": توووبة مااا اعييييدهآ خالد: توبة و الا هب تووبة ... اراووويج " رفع ايده يبا يصفعني" اطالعته بنظرآت خووف و ترجي .. انصدمت انه لف عني و سار و انسدح ع الشبرية خالد: ان عدتيها بدفنج مب بس بضربج عليا: انشالله "و شردت برع" نزلت تحت .. أووف ملل فضييع .. شو أسوي .. لقيت أم خالد مثل مكانها اللي كانت يالستنه عليا: عموه ليش ما تتصلين بوحدة من بناتج اين يلسن عندنا أم خالد: هههه مليتي عليا: شوي .. و انتي ما تيلسين الله يعطيج العافية المطبخ و هني و هناك ام خالد: ههههه لا تصكيني بعين عآآد عليا: ههههه ماشالله عليج و الله أم خالد: اسمحي لـ خالد يا بنتي بس هو معصب من شي و بيهدآ انشالله هه ع بالج ما اعرف بشو مضايج ...يباها يعلها .. استغفر الله شو ابابها الله يهني سعيد بسعيدة بس خآلد ممل .. أوكي تحبها اعتبرني شرآت خواتك أي أحد تسولف وياه مواضيع سطحية رآضية و لا احس بهالملل الفضيع ... عند صلاة الظهر أم خالد: عليا ما بتسيرين توعين خالد عشآن الصلاة ؟ عليا" بعد بتقابل ويآه الله يعين": الحين بسير عموه و سرت الغرفة .. دخلتها ... أول مرة أحس بخوف ما ادري لييش؟؟.. وقفت عدال البآب عليا: خااااااااااااالد يلس يتجلب ع الفرآش خالد: قسسسم بالله ان ما طلعتي يا عليووووه انج تشوووفييين طلعت من الغرفة من الخوف و عقب شوي رديت يعني بس عشآن حلفته هههه عليا: خااااااااالد قووووووم صلااااااااااااة أمممممك تقوووولك وقف خالد و شردت برع القسم .. يلست فالكراسي اللي فالصالة اللي فووق اتريآهـ عشر دقايق تقريبآ و عقب ظهر خالد: تترين موتج؟ عليا: و الله ما يخصني امك قالتلي .. يعني اقووولها مضاربين شو؟!.. تباني اقولها عادي ما عندي مشكله " وقفت" خالد: و الله يا عليا ان رمستيني بهالاسلوب اني اروايج خالد منوو و شو يطلع عليا" استعديت للشردة": عآآد الله و خآآلد .. يعني منو تطلع شرآ الباقين " و شردت تحت و هو يربع ورآي" خالد: الحين انا شرآ الباقين اراويييج دعمت فـ واحد ووقفت منحرجة ...!!!!! !! !! . . |
نفسے اللے عمرهآ مآ قد عصتنے..!! طاوعتنے لــڪ وقلبے لــڪ هديتهـ..!! ’,’البارت الثاني ’,’ (( "انا" قوي الباس ماني بمسكين !! واموت في شي اسمه "تحــــــــــــدي" )) دعمت فـ أبو خالد .. ووقفت وانا منحرجة .. نزلت راسي أبو خالد: هههههه عيال تتراوغون شوو! خالد: احمم لا بس جي أم خالد: شو يهال تتراوغون .. ؟؟هاا ابو خالد: خليهم ع راحتهم معآريس و أنا ورا أم خالد .. أسوي حركات غيآض لـ خالد و هو مفووول أم خالد: خالد صليت؟؟ خالد: الحين ساير المسيد أبو خالد: عند ربي خير توك بتسير المسيد .. ابويه صل هني و تعال بنتغدآ خالد: هههه انشالله " و روح و شاتني ع ريلي من دون محد يجوفه" عليا: آآآي أم خالد: بسم الله شفيج؟ اطالعت خالد اللي ساير قسم امه و ابوه يصلي هناك .. و طلع لي لسانه يغايضني .. انقههرت منه عليا: ماشي عموه بس هالسآحر ضربني أم خالد: خلي عنج ما لمسج عليا: و الله شاتني أبو خالد: عادي يمكن يتحسب ريلج كوورة عليا + أم خالد: ههههههههه و يلست أم خالد ع السفرة و عدالها ابو خالد أبو خالد: تعالي بنتي يلسي عليا:ها لا بعدين بتغدآ أم خالد: شو بعدين لالا الحين تعالي أبو خالد: بلاج انتي ع البنت .. تبآ تتغدا ويا ريلها أم خالد: ههههه عيل جي السالفة عليا: لا مب جي السالفة شوي و يدخل علينا خالد عليا: خيييبة مسرع ما خلصت صلاة خالد" اطالعني بنص عين و يلس ع السفرة عدال ابوه" أم خالد: يلا ما عندج عذر تعالي تغدي خالد" من دون ما يتطالعني": يمكن تسوي ريجيم عليا" عصبت منه": و الله انا جسمي حلو مب شرات جسمك خالد: هيه ترآ جسمي معضل .. ان زدتيها كلمة اعطيج بكس يلصقج فاليدار أم خالد: هي ع طاري البكس .. ترآ ولدك اليوم ضارب حرمته و قبل ضاربنها ابو خالد: برايه يمكن يتحسبها واحد من الشباب خالد: ههههههه هيه هذا الكلام السنع أم خالد: منو مبزنه غييرك ابو خالد: يحقلي ولدي الوحيد .. أحد قالج ما تبين لي غيره!! خالد: لا و الله لا تبين أحد غيره و لا اثنين انا اكفي أبو خالد: آآ ياللوتي عايبنك الدلع خالد: هييه عيل حد ما يعيبه الدلع أم خالد: أقول انته و انته صخو و عليا تعالي تغدي و لا عليج من احد لا ريجيم و لا شياته سرت و يلست عدال ام خالد و بديت اتغدآ ابو خالد: هآ شكلك مزعل حرمتك؟! خالد: هي اللي مزعلتني ابو خالد: كيف كيف؟؟.. ها عليا كيف تزعلين ولدنا أطالعت خالد بغيض .. شكلهم يبون يغصصوني باللقمة عليا: ما زعلته بس هو دلوع جفت خالد يبقق عيونه ... كان فـ خاطري ضحكة ع شكله بس سكت بعد ثوآني خالد: أقول صغري لقمتج .. اللقمة الوحدة اللي تسوينها فريج كله ياكلها الكل: هههههه انحرجت من اللي قاله .. و قمت عن الغدآ عليا: نعمة دايمة " و سرت المغاسل" يلست اغسل ايدي و اتذكر كيف كانت اهانته و يوم كانو يضحكون .. كانت اللقمة صغيرة لقمته اصلا ضعف لقمتي كرهتك حيوواااان وااااحد خالد: زعلتي؟! اتروعت من صوته و مسحت دموعي بسرعة خالد" تم يغسل يده": ما كان قصدي بس كنت اضحك عليا: ......... خالد" نشف ايده بالكلينكس و عقب لفني صوبه و حط عينه ف عيني .. حسيت برجفة": ما كان قصدي احرجج و الله.. يلا عآد تعالي بغديج برع عشآن ارآضيج عليا: يعني وايد همك زعلي .. خووز عني خالد: هه طبعا ما يهمني بس امايه حلفت علي اراضيج و الا انتي ما تستاهلينه ع هالاسلوب عليا: خوووووووز خالد: زوولي ميت ورآآج " و بعد عني" ربعت صوب القسم و انا ماسكة دمعتي ... و أول ما وصلت صحححت ... صدق أهاني جدام أمه و ابوه .... بعد فترة طويلة تقريبا هديت و انسدحت ع الكنبة .. مب متعودة ارقد الظهر.. شسوي.. غبية لو موافقة اطلع اتغدآ ويآه أحسن ليي... لا بس ما بذل روحي لـه .. أذن العصر و صليت و عقب بدلت ملابسيه و تمكيجت .. صدق طلعت عروووس و اتعطرت و عقبها نزلت ... وصلتني أول شي ريحة الدخوون .. و دخلت الصلاة لقيت خوات خآلد كلهن و عيالهن عليا: الحين تقولن لي اسامي عيالكن هند: هذا الولد ولد مريم و اسمه محمد و هذي أخته اسمها فطامي و هذي بنتي مثل ما قلتلج اسمها عنودي و سارة من كمن شهر معرسة ما واحت تسوي أحد سارة : و لا بتسوي بعد أم خالد: عيني خير يا بنتي شو هالرمسة ساة : أبا اخلص دراستيه لاحقة ع العيال عليا: كم باقلج؟ سارة : سنتين عليا: هآنت ما بقى شي.. و لاحقة ع العيال بعدنا صغار ع عوار الراس أم خالد: هي خلن كل وحدة فيكن تلعب براس الثانية .. أنا ابا اشوف عيال ولدي خالد و ابا اشوف عيال سارة لا تقولن بعدنا و لاحقين عليا: هههههه عموووه عقب سنة سنتين جي انشالله بتشوفين عيال ولدج أم خالد: شو شو .. شو هالرمسة اللي اسمعها زين خبرتيني عشان اخبر خالد ما يسمع رمستج و بعدني بخبره مايد سارة: أماااايه انا و مااايد متفاهميين " بترجي" لا تقووليله شي مريم: عآد هو يباها من الله الكل:هههههههه |
سارة : قراااار نهاااائي ما بييب عياااال لين ما خلص دراسة أم خالد: و شو هالريل اللي بيترياااج.. ما بتلقينه الا حاطلج وحدة ثانية فالبيت سارة : شو هالافكااار؟!!!... ماايد مستحيل يسوييها أم خالد: وااايد قالن مستحيل و سوها ريالهن تذكرت خالد اللي بيعرس بعد ثلاث شهور... بعدني لين ثلاث شهور .. بعدني عرووس صغييرة .. الله يسااامحج أول شي يا عموه و الله يسامحك يا خآآلد و شوي دخلن علينا حريم بعد السلام أم خالد: حيآج أم مايد يا مرحبآآ أم مايد: الله يحيج و يبقيج .. مبروك عليكم العروس اليديدة أم خالد: الله يبارك فيج.. شحالج سلامة؟ سلامة: بخير و سهالة و من صوبج؟ أم خالد: بخير يسرج الحال.. متى اتربين انشالله؟؟ سلامة: هههه هذا شهريه الاخير أم خالد: ماشالله هانت هانت ... يا غير قولن لهالخدية ما تسمع الرمسة أم مايد: مب بس هي تقول هالرمسة حتى مايد أم خالد: حتى محفظه ريلج مسودة الويه الكل:ههههههههه سارة : خلونا ع راحتنا سلامة: لا بالله جان خليناكم ع راحتك عشر سنين بلا عيال وقفت اقرب الفوالة صوب أم مايد و سلامة أم مايد: ماشالله عليها عروسكم يا أم خالد أم خالد: هههه اختيار ام خالد هب شوي الكل: هههههه انحرجت من رمسة ام خالد ليتج ما اخترتيني و الله ... بعد ما كلن من الفوالة قهويتهن و عقب يلسنا نسولف أم خالد: اسميكن ما تفيدن .. العروس تقهوي و انتن شو شغلتكن؟ مريم: يا كثر ما اشتغلنا امايه .. هذي عندج حرمة ولدج و بتعاونج هند: هيه و الله الحينه نحن مسؤولات عن بيتنا مب بيت اهلنا ام خالد: تسمعينهن يا ام مايد ام مايد: ههههه عندج هذي الا نفس الرمسة سلامة: اماااايه مب دوووم أم مايد: عآد تقولينها .......: السسلام علييكم كلنا وقفنا أم خالد: ياااا مرحباااا بأم سالم يا مرحبأ أم سالم: المرحب باجي البنت: السلام عليكم و الرحمة الكل: و عليكم السلام و الرحمة سارة: ميووه اشتقنالج ميا" اطالعتهن بنص عين.. و مشت تسلم" ميا: يا مرحبا بالعروس عليا: الله يرحبج ع فضله ميا: عآد متى بتغبرين.. هذيل اللي هني كلهن عليهم غبااار عليا: لا م عليج كل ما اغبر بيدد روحي الكل: ههههههه هند: احمم انا بقهوي عموه يلست عدال مريم عليا: مريم منو هذيل ما عرفت و لا وحدة فيهن مريم: هذي أم مايد ام ريل سارة و اللي عدالها سلامة بنتها و حرمة ولد خالتي و اللي عدال امايه أم سالم تكون حرمة عمي و أم راشد ريل هند و اللي عدالها ميوه بنتها مب متزوجه بنت عمي عليا: أهآ توني استوعبت مريم: يااا شطآآرة عليا:هههه و انتي منو؟ مريم: أنا متزوجة ولد خالي و ولد عمتي بنفس الوقت عليا: فهمتها عبالج غبية .. خالج معرس بـ عمتج و يابو ريلج مريم: هههههه شاااطرة و اسم ريلي خليفة عليا: اساميكم حلوووة من وين تيبونها؟؟ مريم: هههههه من الدكان .. بالعقل ويين ... اسم خالد حلو عليا: وععععع مب حلو .. خلج شوي شاطرة اسم ريلي كيف بيكون!! مريم: خلاص فهمت سؤال غبي عليا: اقول مريم ازقري بنتج فطامي ابا اقرصها ع خدها حلات خدها مريم: قل اعوذ برب الفلق .. لا تصكين بنتي بعين عليا: لا اطمني عيني ما اتصيب ... ماشالله يلا ازقريها مريم: فطااااااااااامي تعاااالي عليا: صميتي اذني فطامي: ماااااابااااا ابا اجوف بباي مريم: كيفج بس عندي حلاوة ميا: أفا يذا العلم عندج حلاوة و لا تعزمين الكل: ههههههههه سلامة: عاد انا اتوحم ع حلاوة سارة: و انا ما عندي مشكله لو بحمل بس عطيني حلاوة هند: و انا عنودي مطفرتني تبا حلاوة زين وفرتي علي فطامي: لأ هذا حلاوة مالي مريم: خييبة كلتني مااا عندي حلاوة و لا شي الا اباها تيي فطامي: يعني ماما انتي طلعتي جذاابة ميا: بالظبط مريم: آآيالسبالة الكل: ههههههههه و يلسنا جي ضحك ناس تسلم و ناس تطلع صدق استانست ع لمة الحريم .. امووووت فييهاآآ ع الليل .. تحديدآ الساعة وحدة فالليل فالصالة تحت سارة : يلا خلاص انا بسير مايد توه طالع من عند ربعه و بيمر علي عليا: ما يلستي وآيد سارة: خييبة كل هذا و ما يلسست وايد .. باجر بنسهر فـ بيت مريوم روحها فالبيت عليا: مريم هي الوحيدة المستقرة فبيت بروحها سارة: هي و الا الباقيات عند أهل ريلهن عليا: حلو .. احسن من بيت بروحك سارة :بالعكس حلو تكونيني ببيت روحج تعزمين اللي تبينه و جي خالد: أقوول بسج فلسفة و اطلعي ريلج يباج عليا + سارة: بسسم الله سارة : ع الاقل سلم ياخي خالد: أقوول يلا سيري لا اطفريني سارة" بصوت واطي": الله يعينج |
| الساعة الآن 07:38 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir