|
رواية خبر عيونك بسم الله الرحمن الرحيمـ اعزائي ، يسعدني ان اعرض عليكم روايتي الثانيه تحت عنوان ~ خبر عيونك اني اسبح في بحرها ~ روايه رومنسيه ْْ ْ حبيت انبه على نقطه : ما احلل اي احد ينقل روايتي بدون ذكر اسمي لأنه روايتي فاطمه وفيصل لقيت في كثير منتديات نقلوها و نسبوها لأنفسهم واتمنى تعجبكم و اتقبل النقد برحبه صدر واذا صار تفاعل انشاء الله اكملها ~ |
البارت الأول حديقه بيت ابو فارس : * يوم الجمعه ، الساعه ثمان الليل فارس : الجو اليوم حلو جوري : مم ايه ، بس برد شوي فارس : ادفييج ؟ جوري ، وهي مستحية : لا بس اعتدل الجو " فارس قرب جوري له وشال الجاكيت الا عليه ولبسه جوري ، وجوري حطت راسها على كتف فارس و غمضت عيونها " جوري : فارس ، طالع السماء فارس وهو يطالع السماء : انشاء الله ، وش فيها ؟ جوري : طالع النجوم اللي فـ السماء فارس : وش فيهم ؟ جوري : عدهم فارس : وحده ثنتين ثلاث هه ما يخلصون جوري ببتسامه خفيفه : احبكـ قدهم " فارس قرب جوري لـ حضنه اكثر و باس راسها " *~*~*~*~* جوري : بنوته قطععه ، طيوبه و حبوبه ، عمرها 18 سنه ، " فارس ولد عمها بينهم علاقه حب و مخطوبين لبعض من يوم هم صغار " فارس : " ولد حلو ، حبوب ، رومنسي ، جميل : عمره 23 سنه " ~* ~ * ~ * *~ فارس : جوري ، طالعي الرمل اللي تحتج ؟ جوري وهي تطالع الرمل : وش فيه ؟ فارس : شوفي كل حبة رمل في الأرض جوري : وش فيهمـ فارس : عديهم جوري بدلع : ما اقدر فارس : وليش ؟ جوري : وايد فارس : احبج قدهمـ جوري : احبـ........ بس قطع عليهم صوت ام جوري تصارخ جوري ركضت و فارس ركض وراها جوري : يما ، شفيكم ؟ ام جوري : اتصلي لزوج اختج نوره شوفيه وينه ؟ جوري بخوف : اوكي ، بس شصاير ؟ ام جوري : نوره طاحت علينا ما ادري وش فيها جوري بتوتر : هاا ، انزين انزين " جوري اخذت التلفون بتتصل بس في احد سحب التلفون من عندها " جوري : فارس !! فارس : انتي من صدقج بتتصلين للـ رجال بتكلمينه ؟ جوري : ايه وش في... فارس يقاطعها : عطيني الرقم ، انا بكلمه ، شنو ما وراكم رجال ؟! جوري : لا مو جذي ،،، " و عطته الرقم " *~*~*~*~*~*~*~ " فارس يكلم ام جوري " فارس : محمد جااي في الطريق ، انا ما حبيت اخرعه قلت له نبيه ضروري ام جوري : زين سويت فارس : جبتوا لها دكتور ؟ ام جوري : والله ابوك اتصل في دكتوره بس للحين ما بيين ~*~*~*~* ~*~*~*~ " جوري قاعده مع بنات عمها " ريم بنت عم جوري + اخت فارس : جوجو نامي عندنا الليله ؟ جوري : ما ادري يمكن امي ما ترضى ريم : انه بكلمها جوري : اوك مها بنت عم جوري + اخت فارس : واااوو جوجو يعني بتنامين عندنا اليوم ريم : انه بروح اسأل امج جوري : لا اول بسأل فار.... " و سكتت " ريم : هممم ؟ جوري : لا اقول انه امي الحين متوتره علشان اختي نوير فـ خلوه لـ بعدين ريم : ههههه زين زين ، امج متوتره لو تحارسين موافقه الحكومه قصدي فروس مها : هههههاااي شعنده ابو الشباب يسألونه بعد ههه جوري : يا السخيفين ، وين باقي البنات مها : من ؟ جوري : بنات عمي راشد و بنات عمي محمد ؟! ريم : مشوا اليوم من وقت جوري : غري..... " بس قطع على كلام جوري دخول اخت فارس " هدى " هدى : ها شعندكم وش تقولون ؟ مها : نسولف هدى : اي سوالف المراهقين هه هه ريم : ليش جايه غرفتنا ؟ هدى : عدال حبيبتي بس شفت جوري قلت اسلم عليها مها : الا يقول ما شافتها من شوي هدى : شخبارج جوري ؟ جوري : هلا حبيبتي ، بخير الله يخليج ، وانتي ؟ هدى : لين من شوي كنت بخير بس الحين تغيرت نفسيتي مها : اقول يا البومه اطلعي برا هدى : ههه ، الا اقول جوري وين فارس ؟ جوري : ما ادري عنه ، للأسف ما يعطيني موجز عن روحاته وجياته هدى : لا بس لأنه من شوي شفتكم ويا بعض جوري : اي ، والحين ممكن تسوين لي طريق بروح اشوف اختي هدى : اختج الدكتور عندها الحين وجنب الحجره زحمه ف نصيحه لا تروحين اخاف يصيدج اختناق من الزحمه هاهاهاها " و طلعت هدى " هدى : اخت فارس عمرها 22 سنه ، مو متزوجه ، محاصرها الماضي " جوري : وش هذي ، يا ربي نرفزتني ، جم عمرها ذي ؟ اللي يسمع اسلوبها يقول وحده عمره 15 او 13 مها : هذي حماره جوري : يلا بروح بشوف اختي مها + ريم : اوكي " مها : اخت فارس ، طيوبه ، عمرها 16" " ريم : اخت فارس ، حبوبه و طيوبه ، عمرها 18 " ~*~*~*~*~*~* راحت جوري وقفت جنب الغرفه اللي فيها اختها " وبعد مده طلع الدكتور " احمد زوج نوره : ها دكتور شفيها الدكتور : انت زوجها ؟ احمد : اي نعم الدكتور : تعال شوي معاي احمد : خير فيها شي ؟ الدكتور : زوجتك حامل ، الف مبروك ، بس روح المستشفى سوا تحليل علشان تتأكدون احمد : هاا الدكتور : يلا مع السلامه " بس مشى الدكتور الكل اتجمع على محمد شافوه يضحك بروحه الكل : شفيها ؟ محمد : هههه لا لا مو مصدق جوري و في عيونها تجمعت دموع : ، اختي فيها شي ؟ " فارس بس شاف جوري تصيح راح وقف يمها " محمد : نورره حاامل ههههههه الكل : مبروك فارس : يلا مبروك حبيبي جوري ابتسمت وما حست الأ بـ يد سحبتها على صوب بروحهم فارس : جوجوي جوري بدلع : عيونها فارس : اخخ جوري : سلامتك من الأخخخ فارس : متى نتزوج و تحملين و تجيبين لي بـيـبي حلو مثلج ؟ جوري وهي منزله راسها و بدلع : ما ادري فارس : اذووب على اللي يستحون جوري : ابي انام اليوم مع مها و ريم فارس : في بيتنا ؟ جوري : ايه فارس : ممم اوكي ، اسألي امج اول جوري : انشاء الله فارس : يلا تعالي ننزل الحديقه ********************************************** في الحديقه ~ محمود ولد عم جوري : جوري شخبارج ؟ جوري : هلا محمود انه بخير ، وانته ؟ محمود : انه صرت بخير يوم شفت القمر قدامي جوري : هههه تسلم محمود : الا شلونك فارس ؟ فارس : شكلك توك منتبه اني واقف ، محمود : مسامحه ولد عمي بس ضوء القمر غطئ عليك جوري : ههههه فارس بدون نفس : انه بخير ، جوري دخلي داخل جوري : بس بنتظ.... فارس يقاطعها : جوري قلنا دخلي داخل " جوري مشت ، و فارس طالع محمود بنظرات ومشى " " محمود ولد عم جوري وفارس ، يحب جوري ، يحقد على فارس ، و عمره 25 سنه " ***************************** " جوري قعدت في صوب بروحها في الحديقه ، فارس شافها وقعد جنبها " فارس : جوري ، ليش ما دخلتي داخل جوري : بس جذي فارس : زعلانه ؟ جوري : لا بس شنو ها الأسلوب اللي تعامل فيه محمود ؟ فارس : لا عجل تبيني اسمعه يغازلج و اسكت جوري ابتسمت ابتسامه خفيفه : ما غازلني فارس : لا مسكين ، ظلمته جوري : ايه فارس : شكله عجبج الوضع روحي له " ومشى عنها " جوري وهي تمشي ورا فارس : اوو فارس تعاال فارس : جو.......... " وسكت" فارس سمع صوت هدى اخته قريب ، قرب من مصدر الصوت هدى وهي تتكلم في التلفون : هلا حبيبي وحشتني اموااح جوري حاولت تهدي فارس لكن فارس راح ورا هدى و سحب التلفون من يدها و سكر فمها بيده فارس سمع الصوت مو غريب عليه ...... : الو الو حياتي شفيج فارس : من ؟ .......... : ....... فارس : اذا انته رجال تكلم ، من انته ؟ طوط طوط طوط طوط " تسكر الخط " طالع الرقم شافه رقم محمود ولد عمه !!! ******************************************** فارس : هدى روحي غرفتج وانه بلحقج هدى : بس بع..... فارس يقاطعها : قلنا روحي غرفتج " راحت هدى غرفتها " جوري : انه بدخل داخل فارس : لا تبينين لأحد شي جوري : ولا يهمك فارس : اوك باي " ومشى فارس بس في صوت وقفه " جوري : فارس فارس : نعم جوري : لا تقسى عليها الله يخليك فارس : يعن...... جوري تقاطعه : وغلاتي عندك تعاملها بهدوء " فارس هز راسه بمعنى اوكي ، ومشى " ******************* " في غرفه هدى " فارس : ليش تكلمين صبيان ؟ هدى : هو واحد فارس : انا ما سألتج جم عددهم سألتج ليش تكلمين ؟ هدى وهي منزله راسها : ...... فارس : ناقصج شي ؟ لو ناقصج حنان ؟ هدى : كاهو انته وجوري فارس : انا جوري مخطوبه لي من زمان ويوم حبيتها رحت خطبتها رسمي بس انتظر تكمل دراستها و باخذها ، ولو كان اللي تكلمينه يحبج صدق كان طق الباب هدى : .......... فارس : وما دورتي تكلمين الا محمود ، خلصو الصبيان ؟ هدى : لا تسوي شي لمحمود فارس : تحبينه ؟ ، انا بخليه يخطبج هدى : لا لا لا لا لا ما ابيه فارس : عجل ليش تكلمينه ؟ هدى وهي منزله راسها : بس هو يتسلى وانه مثل الشي فارس : وانتي شلون تسمحين لواحد حيوان يتسلى في مشاعرج ؟ هدى : .......... فارس بعصبيه : هدى عطيني التلفون هدى وهي تصيح : لا فارس فارس : هدى لا تعصبيني ، اعطيني التلفون " فارس خذا التلفون و طلع " ************************************ غرفه هدى : " جوري كانت تطق باب حجره هدى بس هدى ما انتبهت وبعدين جوري دخلت " هدى تكلم روحها وهي تصيح وفي يدها صوره: ياربي فهد وين رحت عني خليتني بروحي ليش خليتني ؟! ، اشتقت لك هدى تكلم روحها وتصيح : فهود اشتقت لك لكل شي فيك ، صوتك ، ضحكتك كل شي ، متى ترجع ، انزين طمني عنك مو حرام اللي تسويه ، انه ضعت بدونك دخلت جوري انصدمت من شكل هدى وجاها فضول تعرف من ذه فهد ؟ ! جوري : هدى شفيج ؟ هدى : هئء هئء ، جوري انه تعبانه جوري قربت من هدى و مسكت يدها جوري : شفيج هدوي قولي ؟ هدى : وحشني فهد ، تخيلي ما يسأل عني الحين ، انه تغيرت شخصيتي من راح صرت حقوده حقيره ما ادري ما ادري ابي فهد اشتقت له ، انه كلمت محمود لأني ما ادري ابي انسى فهد بس ما اقدر ما اقدر في كل لحظه اذكره جوري قربت لـ هدى و حضنتها هدى وهي تصيح : تعبانه جوري : من ذي فهد ؟ هدى بعصبيه : وانتي شنو يدخلج ها تبين تتشمتين فيني ليش دخلتي غرفتي بدون استأذان اطلعي برا جوري : هدى هدأي اعصابج هدى : برااا برااا جوري طلعت برا وهي مستغربه من اللي يصير في هدى وزعلانه عليها *************************************** اسمعك كمل كلامك بعد احبك ايش قلت " تلفون جوري يرن " جوري : الو ......... : هئء هئء هئء جوري : هنووي شفيج حبيبتي هناء صديقه جوري : محمد بيسافر جوري : متى ؟ هناء : بكره جوري : يا حبيبتي هدي اعصابج ، اكيد بكلمج يا عمري وانه ادري تحبينه و هو اكيد يحبج وما اتوقع يطول كثير واذا بيطول كم شهر وبيرجع و اكيد بكلمج وهو مسافر بس بخلص شغله و بيرجع هناء : يعني ارتاح ، و اذا ما كلمني جوري : لا يا عمري بـ .......... وقطع على كلامها ريم ريم : جوجو شعندج عند غرفه هدى ؟ جوري : لا بس كنت ماره ورن تلفوني و وقفت اتكلم ريم : اها ، اوكي بعدين نزلي تحت اكو احنا قاعدين مع فارس جوري : اوك جوري : هنوي تطمني يلا يا الدبه مسحي دموعج هناء : اوكي هههه يلا جوجو بروح اكلم حمود و انتي روحي لـ فارس جوري : اوكي باي ************************ " ونزلت جوري الحديقه " مها : جوجي جوري : عيونهاا مها : بتنامين عندنا امج رضت جوري : ههه والله زين لأ فارس : مها و ريم مها وريم : نعم فارس : يا حظكم الليله القمر بكبره بنام و ياكم جوري وهي مستحيه : انته القمر فارس : لا انا النجوم اللي تدور حولج و تحميج مها و ريم : وييع الحين انتوا قمر ونجوم فارس : اقول جوجو قومي بروحنا شوي خل العذال يحترون >> مها و ريم شالوا الجواتي اللي عليهم و قطوهم على فارس >> *********************************** انتهى البارت توقعاتكم للبارت الجاي |
تعريف سريع با الشخصيات : عندنا في الروايه خمس عائلات رئيسيه 1. وليد عنده ولد واحد اسمه محمود و زوجته ميته مسجل نص حلاله بأسم محمود 2. خالد عنده ولد واحد اسمه صقر و بنتين نوره و جوري ، رجل قاسي نوعاً ما طبعه كريم بس تهمه الفلوس كثير 3 . راشد عنده ولد اسمه احمد متزوج نوره بنت عمه + ثلاث بنات : دينا و غاليه و منار 4 . محمد : عنده ولدين : نواف وبدر وبنتين : نوف وشهد 5. ناصر : عنده اربعه صبيان فارس وفراس و فواز وحمد متزوج منار بنت عمه وثلاث بنات هدى و ريم و مها ملاحظه : وليد + خالد + راشد + محمد + ناصر = اخوان " جميعها عائلات متفتحه نوعاً ما لكن تبقى لها عاداتها و تقاليدها " [/color] وتفضلوا اوول باررت |
البارت الثاني فارس وجوري : جوري : تصبح على خير حبيبي فارس : وانتي من اهله ، تحملي بروحج جوري : وانته بعد ، احبك فروستي فارس : اعشقج جوجوي جوري : يلا اكو عمي طلع لا يشوفنا باي فارس : اوكي ، احلمي فيني *************************** الساعه 4 الفجر تحديداً غرفه ريم " ريم : احببه جوري : والله قام حظك يا بدر اكو شيخه البنات تحبك من قدك بعد ريم : ........ جوري : انزين ليش ما تقولين له انج تحبينه ؟ ريم : ما ابي اقوله جوري : ليش عاد ريم : يحب وحده جوري : ما تدرين من ها الوحده ؟ ريم : ما يرضى يقول لي جوري : يقعد وياج هو ؟ ريم : ايه كل مره يجي يقعد يسولف لي بس كأنه اللي يحبها ما يدري تحبه لو لا جوري : ريوم يمكن انتي اللي يحبها ريم : لا لا ، الا اليوم وش رايج نروح المزرعه جوري : اوكي ليش لا ، يلا بنزل اشرب ماي ريم : جوجو جيبي لي وياج اكل " ونزلت جوري " ***************************** جوري و هي تدور ثلج للـ ماء قطع عليها صوت فارس : فديت اللي واقف انا جوري : فارس ؟ ، شمقعدك لـ ها الحزه ؟ فارس : وانه اقدر انام و حضرتج شاغله تفكيري جوري : هههه انزين يا روميو قول لي الحين وين الثلج ؟ وليش نازل المطبخ ؟ فارس : الثلج في الخزان ، وانا كنت نازل اسوي لي كوفي جوري : انزين يلا الحين بروح قبل لا يقعد احد و يشوفنا فارس : اوكي جوري : الا فروسي باجر بروح المزرعه مع ريم فارس : وليش انشاء الله ؟ ، هناك كله صبيان جوري : الله يخليك فارس : الله بخليني حتى لو ما قلتي جوري وهي ماده البوز : اف كرييهه فارس : هههه بس روحوا ************************************** " بعد مده ، في غرفه ريم ~ " ريم : عاد تصدقين يبي لي اروح جوري : ايه حتـ....... " بس صوت تلفون جوري قطع عليهم " تفرقنا السنين ونجتمع و الجرح ........ ( مسج لـ جوري ) " سحبت جوري تلفونها و فتحت المسج " المسج : هل تسمحين لي " ملكتي " أن اسبح في بحرِ عيناك لأنها بحرٍ عمييق كلما نظرت اليه اغوص في اعماقه ~ فـ هل تعلمين : بأنه عيناكِ ترحل بي الى عالمٍ اخر ، لا يسكنه سوى انا و عيناكِ فـ آآآه من عيناكـِ " سيدتي " * فارس * ملاحظه : المسج بقلمي ~~~~ ريم : من عند فروس جوري : ايه ريم : عفيه راويني *********************************** يوم ثاني الصبح الساعه 9 ريم : جوجو ما خلصتي ؟ جوري : كاني البس ثيابي ريم : اسرعي شوي " بعد عشر دقايق طلعت جوري ، وكانت لابسه فانيله سوده يدها طويله و جينز اسود و بوت احمر و رافعه شعرها بطريقه حلوه وحاطه لها ميك اب خفيف " ريم : وااوو ، حلوه جوجو جوري ببتسامه خفيفه : عيونج الحلوه ، يلا نمشي **************************************** بعد نص ساعه تقريباً وصلوا المزرعه .. ريم : عاد تدرين انـ...... " بس قطع على ريم ، صوت بدر " بدر : ريييم ريم : بددر بدر : هلا ريم : هلا بدر : شخبارج جوري ؟ جوري : بخير ، اخليكم بروحكم شوي ريم مسكت يد جوري وهمست لها : لا تخليني بروحي جوري : يلا بروح لخيلتي " و مشت " *************************** بدر : شخبارج ؟ ريم : بخير ، وانت ؟ بدر : بخير دامج بخير ريم : شخبار حبيبتك ؟ بدر : ها بخير ريم : اها بدر : ....... ريم : تكلمها بدر : لا مو وايد ، بس توني شايفنها ريم : متى بدر : هاا ، من شوي ريم : اها بدر : تخافين توقفين ويايي بروحنا ريم لا مو جذ..... بدر يقاطعها : عجل ليش مسكتي يد جوري يوم قالت بتمشي ؟ ريم : لا بس استحي بدر : " ولد عم ريم و ولد عم جوري ، صديق ريم من ايام الطفوله ، طيوب ) **************************** في شركه العاصي للمقاولات " تحديداً مكتب فارس ، قاعد مع محمود " فارس : اظن فهمت وش اقصد ؟ محمود : ايه بس اختك ه.... فارس : اختي لا تجيب طاريها على لسانك ، وصدقني لا اشوفك تكلمها محمود : وش بتسوي بعني ؟ فارس : خلها مفاجأه احسن محمود : استأذن فارس : نورت و شرفت و اسمعني ، جوري اذا سمعت او شفت انك قربت صوبها بدفنك وانته حي محمود : عاد الا جوري ما تقدر تبعدني عنها هه و اللي ما تواصله بيدك واصله برجولك " وطلع " السكرتيره : استاذ محمود الملفات جاهزه محمود : انا بروح المزرعه الحين ، بعدين اشوفهم ************************ " في المزرعه " جوري تكلم الفرس : يا حبيبت....... " بس قطع عليها صوت ......" محمود : شكلج وايد تحبين الخيل جوري : ايه محمود : شخبارج ؟ جوري : بخير محمود وهو يطالع في جوري : طالعه حلوه ؟ حسافه كل ها الجمال حق فارس جوري : عفواً شنو تقول ؟ محمود : لا ب....... " بس قطع عليهم صوت ريم " ريم : يلا جوري نمشي محمود : السلام لله يا ريم ريم : هلا ، يلا جوري جوري : يلا " ومشوا " ريم : وييع ، عاد تدرين ما اطيقه ، ما ادري شلون عمي وليد جابه جوري : هههه |
************************* بيت ابو فارس : " مها تتكلم في التلفون " مها : اوو فيصوول بلا دلااعه فيصل : هههه مها : احبك فيصل : اموت فيج مها : فديتـ..... " بس قطع على مها دخول ريم و جوري " مها بأرتباك واضح : اوكي حبيبتي بعد اكلمج باي " وسكرت الخط " ريم : من تكلمين ؟ مها : رفيجتي ريم : لا تجذبين جوري تقاطعها : الله يهداج ريم ، يمكن صج رفيجتها ، شفيج ؟ ريم : لأني متأكدة مو رفيجتها يعني تتخشش في الحمامات نص الليل و تتكلم في التلفون يكون رفيجتها والحين من دخلنا سكرت مها : اوو قلنا لج رفيجتي ، ما تفهمين ؟ ريم : قولي من احسن ما اقول لـ فارس يطلع سجل مكالماتج وان طلع صبي يكسر عضامج مها : بس هذا فيصل و يكون حبيبي ريم : اقول مشي بوزج تاخذينه مها : جوري احبه جوري : مها ، الحب مو حرام بس الحرام انه نحب با الطريقه الغلط اللي ما تتناسب لا مع دينا ولا عادتنا و لا تقاليدنا ، و اذا تحبينه صدق تمسكي فيه ************************************************ في مطعم ........ صقر : شرايكم نواف اليوم يدفع بيزات العشى نواف بمزحه : ويش انا الا ادفع بس بس ما نبى عشى فواز : ههههه نواف : انا اجمع حق الحب دينا بدر : ههههاااي اقول اسكت لا تسمعك بروحها تموت فيك نواف : مع الأيام بتحبني و بتشوف فراس : عداال يا بو دينا نواف : بتشوف ان ما خليتها هي اللي تجي تقول تتزوجني صقر : اي ليش لا ؟ فواز : اكيد بتجي لك فارس : وبتقولك : هل لك ان تتزوجني يا مولاي ؟ فواز : وهي اللي بتدفع المهر بعد بدر : او من قدك نواف : ماصخيين فراس : حطوا سكر الكل ما عدا نواف : هههههه " صقر اخو جوري ، طيوب ، وحلو ، ما فيه في حياته احد " " نواف : اخو بدر ، يحب دينا بنت عمه ، طيب " " فراس : اخو فارس ، طيب ، جميل ، ما فيه احد في حياته " " فواز : اخو فارس و فراس ، ما فيه في حياته احد ، طيب بس مغرور " ******************************************** بيت محمد : نوف : شهد ، ليش ما تقعدين ويانا اذا نتجمع ويا بنات عمي شهد : اف ما احب اقعد وياكم نوف : شهد ، شرايج في ها الفستان شهد : مو وايد حلو نوف : انه الغلطانه اللي اسأل وحده ما يعجبها العجب " نوف : بنت طيوبه ، حلوه " " شهد : حلوه ، الماضي محاصرها فـ مسبب لها عقده ، تميل للوحده ، تتصنع الغرور " *************************************** بيت نوره و احمد : احمد : حياتي متى تولدين نوره : باقي وايد حبيبي احمد قرب لـ نوره و باس راسها وهمس في اذونها : احبج ، مشتاق للبيبي نوره : وانه بعد احمد : نوره خاطري في.... " وسكت " نوره : ليش سكت ؟ احمد وهو يطالع في عيون نوره : عيونج تأخذني عالم ثاني نوره : ........ احمد و هو ماخذ نوره في حضنه : جاي على بالي اصرخ و اقول للكل اني اعشق عيونج و اعشقج كلج يا اغلى شي بعالمي كله ، احبج **************************************** بيت منار و حمد : حمد : منار ، تدرين نوره زوجه اخوج ( احمد ) حامل منار : ايه ، الله يسهل عليها حمد قرب لمنار و مسكها من خصرها و قام يلعب بخصل شعرها و همس في اذونها : وانا ابي بيبي مثلهم **************************************** بيت راشد : غاليه : دنووش دينا : هاا غاليه : شرايج في نواف و لد العم دينا : طيب بس ممممل غاليه : انتي ليش مغروره الصبي طيب ويحبج دينا : اخذيه انتي غاليه : تدرين اتصل لجوجي احسن من مقابل ويهج " غاليه : طيبه ، هبوله ، ما تهتم بجمالها " " دينا : مغروره ، طيبه ، حلوه " *************************************** بيت ناصر ، تحديداً غرفه هدى " فارس كان مار على غرفه هدى وسمعها تتكلم ظل واقف عند الباب بعدين مره وحده فتح الباب " هدى تكلم روحها وهي في يدها صوره : لمتى بتظل بعيد ، فراقك ذبحني " هدى من شافت فارس على طول حطت الصوره تحت المخده و مسحت دموعها " فارس : هدى طلعي الصوره هدى : هذي صورتي فارس : طلعي الصوره هدى هدى : صوره رفيجتي " فارس شال يد هدى عن المخده و طلع الصوره " فارس : انا ما بطالع الصوره ، بس قولي من اللي في الصوره هدى : انه فارس : هدى ، كوني صريحه ويايي ، من اللي في الصوره ؟ هدى : ........... " فارس رفع الصوره و طالعها " فارس : فههههد !! هدى : هئء هئء " فارس حاول يتمالك اعصابه و نزل الصوره و قعد قبال هدى " فارس : للحين تحبينه ؟ هدى : ايه ، ليش ابوي ما يبي نزورهم ولا نكلمهم ؟ ، وليش لما فهد خطبني ابوي رفض وطرده ؟ فارس : هدى فهد كان يخطط لقتل ابوج و يوم انكشفت خطته هرب وما جاء خطبج ولا هم يحزنون هدى وهي تصارخ : لا لا مستحيل ، فارس انته جذاب ، اطلع برا لااااا لا و قامت تصارخ وتكسر اللي حولها و بعدين طاحت و اغمى عليها ~ ****************************************** في المستشفى : فارس : ها دكتور طمني ؟ الدكتور : يا استاذ فارس ، المدام منهاره لازم يبقى يشوفها دكتور نفسي فارس : يعني شلون ؟ الدكتور : واللهي انا بتوقع انها مصدومه من شي سبب لها انهيار " مشى الدكتور ، وفارس رجع شعره ورا وحط راسه على الجدار " " و عقب مده جت جوري و ريم ومها " جوري : حبيبي ، شفيها هدى ؟ فارس : ما ادري جوري : ....... فارس رجع راسه على الجدار وغمض عيونه : ااااه " جوري قربت لفارس ومسكت يده بقوه ومسحت على ظهره " فارس : تدرين جوري جوري : نعم فارس : لما تمسكين ايدي بـ ها القوه احس اني مستعد اتحدى العالم كله و انه ايدي في يدج مها + ريم : احم احم جوري : فارس ، انته من زمان واقف ، تعال نروح المطاعم تقعد شوي ، واي شي يصير اكيد بينادونا فارس : اوك " ونزلو الكفتيريا ، و بعدين فارس اخد جوري على صوب وقال لها كل السالفه و ردوا رجعوا مع مها وريم " *********************************************** ريم : الا فارس ، ما قلت لنا ، شفيها هدى ؟ فارس : همم جوري : فارس سمع صوت هدى تصيح ، فتح باب حجرتها وبس شافته قامت تصارخ تبيه يطلع برا و بعدين اغمي عليها فارس : ايي هذا اللي صار مها : شفيها هذي ؟ ريم : الا جوري ، شنو كان يبي منج محمود اليوم ؟ فارس : متى جوري وقفت ويا محمود ؟ ريم : اليوم في المزرعه ، جوري بأرتباك : يعني كان يقول انه هذا يعني ش... فارس يقاطعها : جوري قومي بروحنا شوي ، وريم و مها ظلوا هني انا وجوري بنطلع برا المستشفى شوي ، اي شي يصير خبروني " و سحب جوري وركبوا السيارة و طول الطريق هو ساكت لين ما وصلوا البحر و نزل وياها " فارس : جوري ، ليش محمود كان واقف وياج ؟ جوري : فارس شفيك ؟ يعني عادي كان يسلم فارس وهو يصارخ : انا مو محذرج ما توقفين وياه جوري بخوف : فارس لا تصارخ ، جاء يسلم بس فارس : يا سلام جوري : الحب مو امتلاك يا فارس ، و لا تنسى محمود ولد عمي ، وما بتنقلب الدنيا لو سلم عليي فارس : الكلام ضايع وياج انتي " وركب السياره ، ومشوا " **************************************** انتهى البارت |
البـبارت الثالث ~ في المستشفى : الدكتور :استاذ فارس ، المريضه بخير الحين ، تقدر تدخل لها ، بس رجاءاً بدون ازعاج " اخذ فارس نفس عميق و دخل " فارس : شخبارج هدى ؟ هدى : بخير فارس : هدى ، انا اسف ما كان قصدي افتح الم...... هدى تقاطعه : لا لا ، انته ما غلطت ، وبعدين كان لازم اعرف فارس : انتي اكيد بخير ؟ هدى : ايه فارس : انتي من راح فهد صرتي وحده ثانيه هدى : فارس ، انه فهد حطيته هدفي في الحياه و يوم راح حسيت روحي متحطمه ، ما في سبب اعيش علشانه ، و الماضي حاصرني من كل الجهات انته تفهمني ؟. انه تحديت العالم علشانه و في النهايه تجي تقولي خطط لقتل اغلى ما عندي ، واللي عشته معاه مجرد لعبة ولأخر لحظه اكلم فهد فيها كان يلعب في مشاعري ويقول انه خطبني وما تبيني اضايق و لأ اتغير ؟ ا فارس : من الضروري انه يكون للحزن جزء من حياتنا و لكن مو معناته انج تخربين حياتج بسبب مشكله صارت لج في الماضي ، المشاكل اللي تجينا علشان نقوى اكثر مو علشان نستسلم لا تخلين الماضي يحاصرج فلا تقدرين تعيشين واقعج ، ولا تفكرين بمستقبلج ، الماضي استعمليه بس علشان تصححين اخطائج مو علشان تنسين واقعج ، كملي حياتج ابني لج هداف جديده ولو انهدم اللي تبنيه ارجعي ابني مره ثانيه و ثالثه و رابعه وخامسه لين ما توصلين لهدفج بس لا توقفين حياتج علشان انسان ما يسوى ، هدى انتي بنت حلوه وكل واحد يتمناج ، و مو كل الصبيان مثل بعض و ي.... " بس قطع عليهم دخول جوري " جوري : هاا عسى ما قاطعتكم فارس : لا تعالي جوري : شخبارج هدى ؟ خفت عليج هدى : بخير جوري : يلا فارس خل هدى ترتاح " فارس غطى هدى و طلع " جوري : زعلان فارس بدون نفس : لأ جوري : افف فار...... " بس قطع عليها صوت " ..............: فارس ، شخبارك ؟ ، الا هني فارس : هلا روابي ، بخير ، ايه اختي تعبانه شوي روابي : اها ، ما تشوف شر ، الا من الحلوه اللي وياك فارس : صح اعرفكمـ ، هذي جوري بنت عمي وهذي روابي كانت زميلتي في المانيا جوري : تشرفنا روابي : لك و حشه فارس ، ما بترجع المانيا ؟ فارس : انشاء الله لي رجعه بس مو الحين روابي : اها فارس : بعد طمنينا عنج روابي : والله بخير ، يا الله ما اعطلكم مع السلامه فارس : الله يسلمج " ومشت " جوري : يا سلام من هذي ؟ فارس : زميلتي في الدراسه جوري : انزين ، وخير يا طير زميلتك ، ليش توقف و ياها ؟ فارس ببتسامه مو قادر يخفيها : الحب مو امتلاك يا جوري ولا تنسين روابي زميله قديمه ، وما بتنقلب الدنيا لو سلمت عليي جوري : اووه فارس : وحده بوحده علشان تحسين ********************************** " بيت وليد " محمود : والله طلع لـ فارس لسان وقام يهدد يعقوب " صديق محمود " : انته غريب ، تكلم اخته و تحب خطيبته وين ما تبيه يهددك محمود : جب جب ، انه ابي اخذ من فارس كل شي حتى روحه *********************************** " بيت خالد ، تحديداً غرفه صقر ، متجمعين الشباب عنده " بدر : صقر صقر وهو ياكل : هممم بدر : شرايك في غاليه بنت عمي راشد ؟ صقر : كح كح غصيت ، رايي فيها جنيه الكل : ههههه نواف : حرام اخت دينا فراس : اما هذي دينا ، بصراحه مغروره فواز : عا الأقل دينا ، احسن من شهد بدر : هيي اختي فواز : بعد هذا الصج ، اختك مغروره و رافعه خشمها بدر : يحق لها تغتر " فواز يتكلم في داخله : اي والله يحق لها " فواز : وييييييع لوعت جبدي ، على شنو يحق لها نواف : على الـ....... صقر يقاطعهم : بس عاد ، اتصلوا لفارس شوفوه ما بجي ؟ فراس : توني متصل ما يرد ************************************** " فارس و جوري جنب البحر " فارس : جوري جوري : نعم فارس : بصراحه انا يضايقني وقفتج مع محمود ، ما ادري احس انه بياخذج مني و م...... جوري تقاطعه : فارس لو يحطون لي 100 رجال من ملكين الجمال ورجال الأعمال ما اختارك الا انته ، محمود مجرد ولد عمي لا تفسر وقفتي معاه غلط ، واذا كان يضايقك ها الشئ خلاص ما راح اكلمه ، بس انته لا تكلم بعد هذي الدبه روابي ابيك بس لي فارس وهو يقرب جوري لـ حضنه : هههه انا كلي لج جوري : الله يخليك لي فارس : و يخليج لي ولا يحرمني منج ***************************************** بيت نوره واحمد : احمد : وين بتروحين ؟ نوره : بشرب ماي احمد : لا يا قلبي انتي لا تتحركين انا بجيب نوره : والله تعبت وانه قاعده احمد وهو يلعب بخصل شعرها : ابيج كل قاعده ، انتي الحين اميره بس تتأمرين نوره : بس يع..... احمد يقاطعها : اوووش " وقرب لها وباس راسها " ***************************** |
بيت راشد : دينا : غاليه ، وش البس حق يوم الجمعه غاليه : ما ادري دينا : انتي وش بتلبسين ؟ غاليه : اي شي دينا : غاليه ، لمتى بتظلين جذي ، اهتمي بشكلج شوي غاليه : اف انه بقوم اتصل لجوري بنت عمي دينا : انتي دايماً جذي تتهربين غاليه : اووه ما ترد بتصل على تلفون بيتهم ******************************* بيت خالد : ترن تررن تررن " صقر سمع التلفون يرن ورد عليه " ....... : الو صقر : هلا ......: جوري موجوده ؟ صقر : طالعه ، من ؟ غاليه : انه غالية " صقر يوم سمع انها غاليه سحب التلفون غرفته و سوا سبيكر " صقر : هلا بنور عيوني بدر : من ذي ؟ صقر : غاليه بنت عمي بدر : زين زين سلم عليها نواف : سويتها نور عيونك بعد ؟ صقر : خلنا نغازلها شوي فواز : اي مسكينه ، بعد مع شكلها من بغازلها ، خلها تصدق روحها شوي صقر بصوت يشبه الهمس : اضحكوا بصوت مرتفع الشباب : ههه هاهاها غاليه : سخيفين ، اذا رجعت جوري قول لها تتصل فيني صقر : لحظه الشباب عندهم اسأله لج ؟ غاليه : شنو ؟ فواز : شعرج انتي تسوينه كيرلي لو هو طبيعي جذي ليف بدر : بس عاد تدري ليف اصلي نواف : ههه والله ما يسوى عليج فراس : انتي تشترين لج ثياب جديده ؟ فواز : بصراحه ما اتوقع غاليه : بااااي بدر : لحظه اخر سؤال ؟ صقر : ليش شكلج جذي ؟ غاليه : اصلاً انتوا مو شايفين شكلكم فواز : يلا ذلفي صقر : لحظه وش فيه شكلنا ، كشخه و حدنا ستايل وما نتشرف نكلم اشكالج طوط طوط طوط *************************************** بيت منار و حمد : منار : شنو تفسر لي وقفتك مع ناديه ؟ حمد : حياتي ، شفيج ؟ ناديه رفيجتي منار : يا سلام ، ومن متى حمد : حبيبتي ، شفيج ؟ ناديه صديقه قديمه منار : من اول ما تزوجتك للحين ما اتذكر انه كان عندك صديقات بس يوم عرفت اني ما احمل صار عندك علاقات صداقه ، اذا تبغى ترتبط بوحده و تتزوجون انه بدور لك " حمد رفع يده و سطر منار " حمد : انتي شفيج ؟ انتي ما تفهمين انا ما ابغى غيرج وما يهمني مسأله العيال فاهمه ************************************** بيت ناصر : مها : افف يما متملله ، فارس و فراس وفواز طالعين و حمد مع زوجته وريم راحت مع البابا المستشفى علشان يطلعون هدى ، خليني اطلع ام حمد :اكو انه هني قعدي معاي مها : يما عفيه ، الله يخليج ام حمد : انزين " مها باست امها وراحت غرفتها تركض " في غرفة مها : مها تتكلم في التلفون : حبيبي امي رضت اطلع فيصل : انتظرج في الشقة مها : لا لا خلنا نروح مطعم احسن فيصل : ليش حياتي ؟ مو واثقه فيني انتي ؟ مها : امبله حبي بس فيصل يقاطعها : لا بس ولا شي ، الشقه احسن حبيبتي وبعدين بنكون بروحنا مها : انزين ، عطني العنوان فيصل : بس قبل لا توصلين بنص ساعه خبريني مها : ليش ؟ فيصل : هاا لا بس علشان استقبلج يا حياتي ************************************************** **** بيت محمد : " نوف تتكلم في التلفون " نوف : ويييع عليهم ، ما عليج منهم غاليه : اوكي نونو شوي وبكلمج باي نوف : اوكو باي طوط طوط شهد : من اللي ويع عليهم ؟ نوف : ناس ، يطنزون على شكل غلوي ، شهد : منهم ؟ نوف : اخوانج و فراس و فواز و زعيمهم صقر شهد : هاا فوااز ؟ نوف : ايه شفيج ؟ شهد : ها لا بس هذا فواز رافع خشمه ما ادري على شنو نوف : عدال يا المتواضعه ************************************ بيت ناصر : ام حمد : هلا يما نورتي البيت هدى : النور نوركم ابو حمد : هدى يبا ، اذا تعبانه روحي ارتاحي هدى : يلا بروح غرفتي ************************************* جوري : فارس ، صار لازم ارجع بيتنا فارس : اففف ، توى الناس جوري : ادري حبيبي بس من زمان طالعه من البيت فارس : انزين ****************************************** |
بيت ناصر : مها لبست ثيابها وركبت السيارة : مها تتكلم في داخلها : ما راح اقول لـ فيصل اني وصلت العماره بسوي له مفاجأه السواق : مدام مها وصلنا " مها نزلت و قعدت تطالع في العمارة " مها تتكلم في داخلها : معقولة فيصل عايش في عمارة قديمه مثل هذي مها قدمت خطواتها و وصلت للباب الشقه سمعت صوت فوضى والباب مفتوح قدمت خطواتها و دخلت وبعدين ........................ انتظروا البارت القادم ْْْْ ْ ْ |
البــــــــارت الرابع ~ بيت احمد ونورة : نورة : احمد وش ريحه ها العطر اللي حاطها احمد وهو يقرب لـ نوره : شفيها حبيبتي انتي تحبين ها العطر ؟ نورة : تباعد عني " وعلى طول دخلت الحمام وقامت ترجع { الله يعزكم ْ } " " بعدها احمد دخل تسبح " احمد : زينه ريحتي جذي ؟ نورة : ايه احمد : فديتج نورة : تدري خاطري في شي احمد : امري يا قلبي نورة : ابي اشتم ريحه مجاري ! احمد : هاا ******************************** بيت ناصر : فواز : هذا محمود مريض نفسي فراس : لا تخاف ما يقدر يسوي لك شي فارس : انا مو خايف على روحي ، انا خايف على جوري فواز : انزين قول لها لا توقف وياه فراس : قول لها وش يسوي لك فارس : لا ما ابي جوري تدري بـ شي وكل ما كلمتها الله يهديها تقول بس يسلم و ولد عمي فواز : اذا ما تفهم با الحجي اسطرها شوف تفهم لو لا ؟. فارس : تنقطع يدي قبل ما امدها على جوري فواز : روح زين يا روميو فراس : يعـ....... " بس قطع عليهم صوت تلفون فارس " ******************************************** جوري تتكلم في التلفون : جوري : فارس انه براا يلا انزل بسررعه و اركب في سياره سواقكم فارس : فهميني ، شصااير ؟ جوري : فارس يلا ما فيه وقت " فارس لبس جاكيته وركب مع السواق ، وفراس و فواز لحقوه ولما شافوه ركب سياره السواق لحقوه بـ سياره فواز " " و بعد ربع ساعه تقريباً وصلوا العمارة اللي فيها مها و جوري خبرت فارس با السالفة في الطريق " فارس : جوري انتي طقي الجرس " جوري قدمت خطواتها و طقت الجرس |
عبدلله : من انتي يا قمر جوري : انه جايه من طرف واحد هني عبدلله : اكيد من طرف فيصل ، هو ما يجيب الا الحلوين انتي اكيد ميريام جوري : ايه " عبدلله مسك جوري وتوه بدخلها الشقه طلع فارس في وجهه وعطاه بكس على وجهه طيحه في الأرض ودخل الشقه " ************************************************** *** بيت محمد : نواف : انا بقول لأبوي يخطب دينا حقي شهد : ما بتستفيد شي بترفض نوف : انه بكلمها بدر : لا تكلمينها ولا شي نواف : انا وش ناقصني شهد : يمكن في حياتها احد نواف : نوف عفيه اتصلي اسأليها ************************************************** *** " في الشقه " فواز وهو ماسك مها من يدها : ها الحقير سوا فيج شي ؟ مها وهي تصيح : لا " فواز سحب مها و حطاها في السيارة " |
فراس : فارس بس قوم عنه لا توسخ نفسك فيه فارس وهو يضرب في فيصل : الا اذبحه جوري وهي تسحب فارس : فارس بس قوم فراس : جوري اطلعي برا جوري : ما بطلع الا ويا فارس فراس : قوم بس ذبحته فارس : بعده ما مات " فراس ، سحب فارس و جوري و طلعوا برا " فارس : وين مها ؟ فراس : في سياره فواز " فارس قدم خطواته لسيارة فواز و سحب مها من يدها وحطاها قدام في السياره " فارس : راجو قوم اركب ويا فواز انا بسوق مها وهي تصيح : ابي اركب ويا فواز فارس : جوري اركبي ورا ********************************* " في السيارة " جوري : فارس ، خل مها الليله عندي فارس : لا جوري : بيتنا ما فيه الا صقر و امي وابوي مسافرين وما يصير ترجع مها بيتكم وهي بها الحاله فارس : يصير خير ********************************* بيت منار وحمد " منار : طلقني يا حمد حمد : نجوم السماء اقرب لج منار : انته من حقك تعيش حياتك و انه ما اجيب عيال حمد : حياتي ما ابي اعيشها الا وياج ، وبا النسبه للعيال فأنا ما يهمني منار : ما يصير اظلمك وياي ********************************** " بيت خالد ، تحديداً غرفه جوري " فارس : الحين تقولين لي وش صار مها : هئء هئء فواز و هو ساحب شعر مها : بتقولين ولأ شلون مها وهي تصيح : فيصل تعرفت عليه عن طريق الشات و عشت وياه قصه حب واليوم طلب يشوفني في شقته " وسكتت شوي " فواز بصراخ : كملي مها وهي تصيح : بس رفضت اروح الشقه و بعدين قنعني و قال لي قبل لا توصلين بنص ساعه خبريني هئء وانه حبيت اسوي له مفاجأه وما خبرته " وسكتت و قامت تصيح بقووه " فواز وهو يشد شعرها : لا تحسبين دموعج بتأثر فيني و بقولج بس لا تصيحين مها : ......... فواز : بتكملين ولأا شلوون ؟ مها : وصلت للشقه شفت الباب مفتوح و دخلت سمعت صوت فوضى وقفت و را الجدار و سمعت فيصل يقول اذا جت مها انا بدخلها الغرفه و انته صورها طلعت في وج فيصل وقعدت اصارخ هئء هئء فراس : كملي مها : و بعدين سحبني الغرفه و قطاني على السرير و حاولت ابتعد عنه لكن ما قدرت بعدين شفت زجاجه حاولت اسحبها بدون ما يحس و كسرتها عليه هئء و ركضت للحمام اللي في الغرفه قفلت الباب و اتصلت لـ جوري هئء و قلت لها : انه في شقه فيصل تعالي بسرعه و العنوان عند السواق و سكرت الخط و بعدين فيصل ظل يحاول يفتح الباب و هئء بس فواز وهو يصارخ : واحد تتعرفين عليه من الشات و تطلعين و ياه وتروحين شقته فراس يقاطعه : فوااز ، شوي شوي |
****************************************** بيت محمد : بدر : هذي دينا ما تستاهلك شهد : صدق ما عندها ذوق الحين نوف تتصل تسألها تقول لها اذا ها السؤال لـ نواف قولي له ما يخصه وما يسعدني ارتبط فيه نواف : لا احد يجيب سيره دينا على لسانه بـ شر قدامي نوف : لا تزعل نواف : مو زعلان عادي بدر : عادي لو ملون هههههههاااي شهد : ما شاء الله حدك ظريف نوف : ألا حده ماصخ بدر : ماصخ حطي سكر ههههههههاااي **************************************** فارس بـ نبره تخوف : ارفعي راسج ، وطالعيني مها : .......... فارس : الحين اللي سويتيه صح او غلط ؟ مها وهي تصيح : غلط فارس : واللي يغلط مو لازم يتعاقب ؟ مها : ........ فارس : من اليوم و رايح طلعه من البيت مافي و لو بتروحين محل انا او فواز او فراس نوديج ويكون معاج احد وتلفونج احين بتعطيني اياه والنت لا تحلمين تفتحينه فواز : و ريم الحين بكلمها اذا تعطيج تلفونها بكسر ضلوعها فارس : انا ما كنت صديقج مو اي شي كنتي تقولين لي لو قلتي لي انج مع علاقه مع واحد تدرين ما بسوي شي بس بكلم الصبي اللي تكلمينه وبسأل عنه واذا كان خوش صبي وحسيته انه شاريج بخليه يخطبج لين ما يكون روحه وتتزوجون لكن انتي وش سويتي خنتي ثقه اهلج دخلتي شات و كلمتي صبيان و ضفتيه على المسن وبعدين اخذتي رقمه و كلمتيه و بعدين طلعتي معاه و في الأخير رحتي شقته فراس : يعني لو ما جينا على اخر لحظه كان وش صار فيج جوري : بس ، مها تعبانه تبي تنام فراس : حطي بالج عليها جوري : في عيوني فواز : خلها تحط في بالها حسابي وياها بعده ما خلص فارس : جوري تعالي ابيج براا ******************************** في الحديقه : فارس : مها عندج يعني اي شي يصير انتي مسؤؤله تطلع من بيتكم ممنوع و تلفونج تلمسه ممنوع و بكراا الصبح ابي اشوفها في بيتنا مفهوم جوري بنبره خوف : مفهوم فارس : شفيه صوتج جذي جوري : لأأه بس اول مره اشوفك معصب جذي فارس سحبها من يده و قربها لـصدره وبصوت يشبه الهمس : تخافين ؟ جوري بنفس مستوى صوت فارس وهي منزله راسها : ايه فارس باس راسها وهمس في اذونها : اسف يلا تصبحين على خير جوري : وانته من اهله " ومشى " ************************************************** |
بيت راشد : غاليه : مو حرام عليج تقولين جذي دينا : والله قلت اللي في قلبي ، ما ابيه غاليه : انتي ليش رافعه خشمج ؟ دينا : اعترفي انج غيرانه مني لأنج محد يطالع فيج غاليه : الحمدلله مقتنعه في روحي ****************************************** بيت ناصر : ريم : هذي شلون تسوي جذي هدى : الحمدلله والشكر الله يستر علينا فواز : و انتبهوا لا تزلقون قدام امي و ابوي احنا قلنا لها نايمه عند جوري تغير جو ، يلا تصبحون على خير ريم + هدى : اوك ، وانته ما اهله ************************************************** **** بيت محمود : محمود : قربت اخذ جوري يعقوب : شلون بعد محمود : فارس قريب بيسافر المانيا بجيب باقي اوراقه وفرصتي اخذ جوري يعقوب : شلون ؟ محمود : ههههه بعدين بتعرف بس بشرط تساعدني يعقوب : ما طلبت شي ************************************************** * بيت ناصر : " تحديداً غرفه فواز " فواز : انا لما لحقت ورا فارس عبالي موضوع يخص جوري ما توقعت انه مها اصلاً لو ما فراس قال لي قوم خل نشوف وش صاير ما قمت فراس : انزين بس هذي مراهقه و مفروض تتعاملون وياها بطريقه تفاهم مو ضرب وانته يا فارس الشخص العاقل تسوي جذي حاول تحل المشكله با الكلام مو انك تعاقبها فارس : ااصلاً انا حاس مخي انشل فواز : انا بنام يلا كل واحد يروح غرفته فراس : اقوم بـ كرامتي قبل لا يطردنا فارس : هذا طردنا وخلص قوم قوم *********************************************** انتهى البارت ** |
البــــارت الخامس بيت خالد * الصبح الساعه 8 مها وهي تصيح : تعبانه جوري : بس يا حبيبتي مها : انه حبيت فيصل من كل قلبي ، احلامي بنيتهم وياه ، هو سوا جذي وحطم كل احلامي و حطمني ، انه كنت مستعده اتحدى الدنيا علشانه و جوري تقاطعها : بس يا حبيبتي ، فيصل ما يستاهل تزعلين علشانه و لا تحطمين روحج ، كملي حياتج و لا توقفينها على انسان ما يسوى ، وتأكدي انه الله ما يضيع حق احد ، حاولي تنسينه مها : وش انسى يا جوري ، انسى السنين اللي ضيعتها من عمري وياه و لأ انسى الليالي اللي سهرتهم علشانه و لأ انسى السكين اللي تقطع قلبي كلما ذكرته جوري وهي ماسكه يد مها : كوني قويه ولا تسمحين لأي احد كان انه يحطمج كملي حياتج ، فيصل ما يستاهل ولا دمعه من عيونج *************************************** بيت نوره و احمد : احمد : نورة ، شفيج ؟ واثق فيج انا نوره : انزين من ذه ؟ احمد : حياتي ، هذا اكيد في احد يبي يخرب بينا لا تفتكرين و انا ثقتي فيج اكبر من اي شي " نوره قربت لـ احمد و ظلت تطالع فيه " احمد : شفيج حياتي ؟ نوره بتعب : تعبانه " احمد حمل نوره و حطاها على السرير و قرب لها و صار يطالع في عيونها " احمد بهمس وهو يلعب في شعر نوره : احبج نوره قربت لـ احمد و حطت راسها على صدره و غمضت عيونها **************************************** بيت منار و حمد : حمد وهو ماسك الباب : مالج طلعه من هني منار : حمد ، لو سمحت حمد : و اذا ما سمحت منار : رجاءاً افهمني حمد : وش افهم ، انتي تظلميني بها الطريقه منار : لا يا حمد الظلم اني اشوفك خاطرك في ولد يحمل اسمك وانه ما اقدر اجيب لك الظلم يا حمد اني اشوف.... حمد يقاطعها : انا يكفيني انتي ****************************************** بيت راشد : غاليه : دينو دينا : هاا غاليه : يوم الجمعه بيت عمي ناصر بسون حفله ، قبل لا يسافر فارس دينا : والمطلوب ؟ غاليه : نواف بكون هناك دينا : ويييع ، خله يولي غاليه : مسكين و الله انه طيوب دينا : والله ما في احد مسكين غيرج غاليه : وليش عاد ؟ دينا : لأنه محد يبيج " غاليه نزلت راسها و طلعت برا الغرفه " ************************************************** ********* |
بيت محمد : " تحديداً غرفه نواف " بدر : ما عليه يا خوي ، بدالها الف بنت نواف : بس انا ما ابي الألف ابيها هي شهد : و الله ما ادري وش تحب فيها نواف : انا وش ناقصني علشان ما تبيني ؟ نوف : اذا كانت دينا ما تبيك مو لأنه ناقصك شي ، يمكن هي ما تبي ترتبط بأحد الحين ، و كل شخص يا خوي له ميوله يمكن هي تميل لـ شخصيه غير الشخصيه اللي انته تملكها نواف : يعني يمكن تكون مرتبطه بأحد ؟ شهد : تطمن هذي من يبيها علشان ترتبط فيه ما فيه الا انته ميت عليها بدر : تدري الحين تأكدت مليون با الميه انه الله ما يسوي شي الا فيه الصلاح قول ليش ؟ نواف : ليش ؟ بدر : الحين هي سوده وانته ابيض تخيل لو تزوجتوا وجبتوا عيال و واحد طلع عليك و واحد عليها ما بتحس انه واحد من عيالك طيبعي و الثاني كيكه شوكلاته و محروقه نواف : لأأأه و انته ما تحس انه لو ما طلعت من غرفتي الحين بشيلك من ثيابك و بقطك من الدريشه ؟ نوف + شهد : هههههه ************************************************* بيت ناصر : ريم : انه ما ادري شلون سوت جذي ، كنت ادري انها تكلم واحد اسمه فيصل بس ما توقعت يصير جذي فواز : يا سلام و يوم تدرين ليش ما قلتي ، سترتي عليها لين شوفي وش صار هدى : انزين هذي كلها سوالف مراهقين ، المهم الحين هذا فيصل انتوا بتخلونه جذي فراس : لا ، فواز اتصل من تلفون عام وخبر عنه وانشاء الله خير فواز : انا لو بيدي كسرت عظامه و بعدين وديته المركز بس قلت عن الفضايح فراس : فارس فارس : .... فراس : فارس فارس : هاا ريم : اللي ماخذ عقلك يتهنى فيه فارس : ها لا بس كنت افكر في السفر فراس : كلها اسبوعين و بترجع فارس : جوري ، حطوها في عيونكم فواز : ايه يا اخي قول من البدايه انك تفكر فيها فارس : ما ادرري ليش ناغزني قلبي ، حاس بصير شي لو أجل السفره مو احسن ؟ فواز : لا يا عمي روح جيب باقي اوراقك و ارجع لنا دكتور فارس ************************************************** ** في شقه محمود : محمود : هههههه والله قرب سفر فارس و قربت تكون جوري لي يعقوب : و شلون ؟ محمود : بطريقتي بقنع جوري وعمي و بعدين بكلم الوالد و بعدين بخطبها رسمي وعلى طول بنسوي الملجه قبل لا يرجع فارس يعقوب : وشنو بتقول لـ جوري ؟ محمود : وانته ليش تحشر نفسك ؟ يعقوب : لأأه قلت يمكن تحتاجني بشي محمود : نعمـ انا ما احتاجك ! انا لما اقولك ابيك تسوي شي مو لأني محتاج تسويه لي لأنك تشتغل عندي و بعدين فيه الف بدالك ************************************************** *** في المزرعهـ : صقر : تصدقون عاد متحمس للحفله يوم الجمعه فراس : ليش عاد صقر : هههه متحمس اشوف شكل غاليه و هي حاقده على يوم نمسخرها في التلفون بدر : ههه حرام عليك صقر : بس اهم شي عمومي و زوجاتهم مو ويانا فراس : لا الكبار بروحهم و احنا بروحنا بدر : ترى غاليه عاديه يعني مرتبه بس ما تغير من شكلها طريقه لبسها كله رسميه و شعرها ما تغير شكله و ميك اب ما تحط عاديه يعني ~ فواز : اما هذي غاليه تضحـ........ بدر يقاطعها بصوت يشبهه الهمس : كح كح اكوا غاليه و ريم ودينا و نوفو وشهد قبالنا بس كح نواف : نوفو وشهد ، وش جابكم هني ؟ نوف : اشوف الخيول فراس : تحبين الخيول انتي ؟ نوف : اي بس اكثر شي الخيل البيضه اللي ورا فراس : هذي خيلتي نوف : خاطري اركبها بس شكلها وايد شيطانه فراس : لا با العكس ، تعالي بخليج تركبين عليها نوف وهي تطالع نواف وبدر : اروح ؟ نواف : روحي " و راحت نوف مع فراس " |
بدر : شخباركم بنات عمي ؟ البنات : تمام نواف : دينا ممكن شوي ، بغيت اكلمج بموضوع دينا : موضوع طويل نواف : لا دينا : اذا جذي اوكي بدر يكلم فواز بصوت يشبه الهمس : الحمدلله والشكر دينا : نعـــــــــمـ بدر : لا سلامتج " و راحت دينا مع نواف " فواز : حشى مو اذاين اللي عليها ريم : هههههه بدر يكلم ريم : شخبارج ؟ ريم : تمام وانته ؟ غاليه : اخليكم على راحتكم ريم : لا عاد..... غاليه تقاطعها : لا بروح اشوف فرس جوري صقر : زين حسيتي انه لازم تخلينهم بروحهم " غاليه مشت متجاهله صقر و اما صقر لحقها " شهد : عيل انه اخليكم ، بس من يعرف وين اكل الفرس بدر : فواز يعرف فواز : امشي قدامي براويج " وراحت شهد مع فواز " " و صاروا بدر و ريم بروحهم " ********************************************** " فارس يكلم جوري في التلفون " فارس : اخذي بالج من نفسج جوري : لا تحاتي ، بكون بخير بس انته تحمل بروحك فارس : انا بكون بخير اذا كنتي بخير جوري : اوعدني ما تطالع بنات فارس : هههه ليش تغارين جوري : لا وليش اغار ؟ فارس : اها زين جوري : اي فارس : تدرين مستانس اني بروح قولي ليش ؟ جوري : ليش ؟ فارس : عندنا دكتوره المانيه اقولج ملااااك جوري : لأأأه ، عاجبتك ؟ فارس : اقولج قمممر جوري : تدري ، انه انتظر الجامعه تفتح على نار قول ليش ؟ فارس : ليش ؟ جوري : عندنا واحد في السكشين اللعام يهببل اتمنى اشوفه فارس : لـأأأه عاجبج ؟ جوري : اقولك يهببل فارس : والـلـه ؟ جوري : ايه ، شفيك تغار ؟ فارس : اموووت مو بس اغار جوري : بس علشان تحس شلون اغار ، تغازل بنات يعني انه مو ماليه عيونك فارس بخبث: ههههه امبله بس على فكره الدكتوره وايد حلوه طوط طوط طوط " جوري سدت الخط في وج فارس " فارس يكلم روحه : هههههههههه فديت الغيوره انا ************************************************ في المزرعه } بدر وريم بدر : ريم ، ممكن اسأل سؤال ؟ ريم : تفضل .؟ بدر : انتي ، مرتبطه ؟ ريم : لا بدر : يعني ما عمرج حبيتي احد ريم : امبله بس هو يحب وحده فـ يعني احاول اشيله من بالي بدر : اها ريم : الا شخبار حبيبتك ؟ بدر : بخير ********************************************** في المزرعه } نواف ودينا دينا : يا اخي خلاص خلني في حالي ما ابيك جبدي تلوع من اشوفك نواف : .......... دينا : نواف لا تزعل مني ، بس انته مثل اخوي و بصراحه ما تعجبني نواف : وشنو اللي ما يعجبج فيني يا بنت عمي دينا : احسك وايد عاطفي و مهبول وكلك ما تعجبني ، انته غير عن فارس احلامي *********************************************** يتبعععع |
" بيت خالد " تفرقنا السنين ونجتمـ..... ][ رنه جوري للمسج ] ( المسج : [{ لي ناظرٍ ما غير شخصك يمليه كنك دواي و شوفتك طب منعوت ]{ ْ ْ ْ ما في احد يملي عيوني غيرج ، و اصلاً ما عندنا دكتوره حلوه لأنه في نظري ما فيه احلى من عيونج ، احببج } ~ فارس ~ ) جوري قطت روحها على السرير و غمضت عيونها جوري بصوت عالي : آآآآآآآه احببببه لي........ مها تقاطعها : ما نقددر ها الكثر اخوي قالب موازينج جوري و هي تعدل قميصها : احم يلا ننزل الحديقه ********************************************** في المزرعه } فواز و شهد فواز : للحين تكلمينه ؟ شهد : من ؟ فواز : ذاك اللي خنتيني معاه هه شهد : فواز انه ما خنت..... فواز يقاطعها : اششش ما ابي اسمع تبريرات كاذبه شهد : فواز والله ان.......... فواز يقاطعها : بس السالفه انتهت من زمان ، صكي الموضوع شهد : انت مرتبط الحين ؟ فواز : لا شهد : حس فيني يا فواز انه ما........ فواز : بسس و انتي خليتي عندي احاسيس علشان احس فيج انتي قتلتي كل شي فيني شهد : عن اذنك بركب الخيل فواز : لا تركبين هذي شهد : ليش ؟ فواز : ذي شيطانه بعدين تطيحين شهد : ليش تخاف اطيح ؟ فواز وهو حاب يقهرها : لا بس اذا طحتين محد فاضي ياخذج المستشفى شهد : لا تطمن ما بطيح " و ركبت الخيل فواز ابتعد عنها وصار يراقبها من بعيد ، وعقب مده ثارت الخيل و طاحت شهد من عليها ، واما فواز ركض لها " فواز بخوف ملحوظ : شهد ، صار فيج شي ؟ شهد : ااااه رجولي فواز : وايد تعورج ؟ قومي بوديج المستشفى شهد : لا ما في داعي ************************************************** * في المزرعه } فراس و نوف نوف : ما كنت ادري انها خيلتك فراس : والحين دريتي نوف وهي تمسح على الخيل : خاطري اركب بس اخاف فراس : ركبي وانه بجودج نوف : اخاف اركب فراس : إنا إلا الله ، جيبي يدج نوف : هاا فراس : يلااا " فراس مسك يد نوف و ركبها و قام يمشي الخيل " نوف : فرااس عفيه نزلني ، اخااف فراس : هههه عناد فيج ما بنزلج نوف بدلع : عفييه فراس : ههههه |
******************************************** في المزرعه } صقر و غاليه صقر : مع ها الويه غاليه : ترى مالي خلقك صقر : هههه اصلاً يحصل لج واقفه مع الشيح صقر غاليه : ماخذ مقلب في روحك صقر : اصلاً يحصل لج توصلين لمستواي غاليه : انت شتبي مني صقر : ما ابي شي غاليه : ليش واقف معااي مو انته واحد ستايل و كشخه وما يشرفك تتكلم مع اشكالي صقر : انتي بعد حلوه بس لو تغيرين من لبسج الرسمي و تحطين ميك اب و تغيرين طريقه شعرج تصيرن احلى غاليه و بدأت الدموع تتجمع في عيونها : روح عني صقر : انا ما كنت احسب انج بتزعلين كنت امزح غاليه وهي حاسه بقهر : لأأه ليش شنو شايفني مو بني ادم ما عندي مشاعر و لأ مالي حق ازعل و اضايق اصلاً انته على شنو شايف روحك واحد مغرور لا شغل و لا مشغله ما عندك شغل الا الدواره في الشوارع و مغازل البنات صقر وهو حاس انه معصب بس يحاول يكتم غضبه : ........... غاليه و دموعها تنزل لا شعورياً : بس تدري اصلاً انه مو زعلانه منك تدري ليش ؟! لأنه اشكالك متعودين على بنات الشوارع اللي يتلصقون فيهم فلما يشوف وحده مو حاطه ميك اب ومو قاعده تتلصق فيه اكيد بقل مستواها عنده اصلاً مو ضروري اعجبك يعني مو كافينك بنات الشوارع اللي عندك و ي................ بس قطع على غاليه كف قوي على و جهها " غاليه رفعت راسها شوي شوي وظلت تطالع في صقر و دموعها تنزل ومشت بس توها تخطي خطوتين ما حست الا بيد سحبتها و ضاغطه على يدها بقوه " صقر و هو ضاغط على يد غاليه بقوه : ها المره ثمني كلامج و انتي تتكلمين معاااي لأنج مو قدي فااهمه غاليه و هي تصيح : عورت ايدي صقر وهو يضغط على يدها اقوى : فاهمه غاليه : آآآه ايدي صقر : فاهمه ؟ غاليه وهي تصيح : فاهمه | صقر ترك يد غاليه و قطاها في الارض و مشى | ******************************************* |
فارس و جوري يتكلمون في التلفون : فارس : جوجي، قولي لـ مها تجهز اغراضها بجي اخذها جوري : انزين عـ الأقل الليل تعال لها فارس : لا حياتي انا بجي بأخذها الحين علشان بطلع مع الشباب جوري : مع من ؟ فارس : بروح اتعشى مع ولاد عمي و فواز و فراس جوري : ليش ما رحت معاهم المزرعه فارس : مالي خلق جوري : افاا ، ليش ؟ فارس : افكر شلون اسافر و اخليج ، خلنا نملج ونسافر و بس نرجع نسوي حفله جوري : لا حبيبي ، انتظر اكمل دراستي ******************************************** بيت وليد ~ محمود : اسمعني ابيك تجيب لي هناء ، حبيبه محمد جت له كذا مره الشركه يعقوب : وشنو تبي فيها ؟ محمود : تكون رفيقه جوري يعقوب : انزين وش يدخلها ؟ محمود : انته جيبها ولك مني سياره حقك حلالك يعقوب : ما طلبت شي ******************************************* في المطعمـ : نواف : تقول انا ما اعجبها وتلوع جبدها من تشوفني وغير عن فارس احلامها فواز : لحظه اذوني فيها مااي عيد اخر جمله نواف : غير عن فارس احلامها فواز : لأأأه وانشاء الله شنو فارس احلامها واحد راكب على حصان ابيض ولا شنو ؟ نواف : خلاص على راحتها ، اذا كانت سعادتها ما بتتحقق ويايي ما ابي اجبرها على شي فارس : كفو والله ، يا حبيبي اذا الله كاتب لك نصيب فيها بتاخذها واذا مالك نصيب الله يعوضك بوحده احسن منها نواف : وانته يا فارس ، شخبار تجهيزات السفر و ياكـ ؟ فارس : يعني مو كلش نواف : و ليش مو كلش ؟ فارس : مو هاين علي اروح و اخلي جوري بدر : اللهــ يا فروس بس جوري هاا فارس : كلكم بس هي يعني ما ادري فراس : صقور شفيك ؟ صقر : ......... نواف وهو يضرب على ظهر صقر : شفيك حبيبي ؟ صقر بصوت شبه مسموع : تهاوشت مع غاليه بدر : مشكل عااد كل يوم تتهاوشون وش الجديد صقر بصوت شبه مسموع وهو منزل راسه : بس ها المره غير فراس : انزين ليش تهاوشتون ؟ صقر : كانت منقهره و قامت تقط حجي و ...... " سكت " نواف : وبعدين صقر : .......... فارس : صقور شفيك كممل صقر وهو منزل راسه : عطيتها كف على و جهها فواز : كفو والله زين سويت بدر : شنو زين سوى هذي لا تقول لـ احمد و الله يذبحه ************************************************** * بيت ناصر : مها : بس ياريم ، ابي ارتاح ريم : لا والله هدى : تعبانه ؟ ما حسيتي بتعب يوم رحتي شقه اللي ما يتسمى ريم : الحين تعبانه هاا ؟ مها وهي تغطي و جهها با اللحاف : ابي انام خلووني هدى : لأأه تبين تسوين بسواتج ومحد يكلمج مها : خلووني اناام ريم وهي تشيل للحاف عن مها : ما في نوم قعدي و قولي وش صار ************************************************** ** |
بيت راشد : نوف : اللي ماخذ عقلج يتهنى فيه غاليه : هااا دينا : نوف ، وين شهد نوف : في البيت دينا : ليش ماجت معاج نوف : تدرين ، ما تحب تقعد مع احد ، وما ادري شفيها مضايقه دينا : اهاا نوف : دينا ، شنو قالج نواف ؟ دينا : خلاص ، قلت له اني ما ابيه ، و غير عن فارس احلامي غاليه : لأأه ، صدقيني نواف البنات ميتين عليه محد خسران غيرج دينا : على ثقه اني ما بخسر شي نوف : وانه على ثقه انج ما بتحصلين احد يحبج كثر نواف بس لا تخافين نواف الحين خلاص ما بقرب صوبج دينا بصوت يشبه الهمس : ابركها من ساعه نوف : ......... دينا : نوف لا تزعلين بس وش اسوي اغصب روحي على اخوج علشان يرضى يعني !! ************************************************** * بيت وليد ~ محمود : خطيبج محمد يشتغل عندي و الكلام اللي قلته لج اذا طلع لجوري او لفارس او ما نفذتي اللي اقوله راح اتهم محمد انه سارق اموال من الشركه وبدخله سجن اقلها 7 سنوات ولما يطلع ولا شركه راح تقبل خريج سجون متهم با السرقه يشتغل عندها فـ بضيع مستقبل محمد يا هناء وش رايج هناء : خلاص صار اللي تقوله محمود : ها الأوراق بغيتهم بكره عندي موقعين بتوقيع جوري هناء : انزين ، شلون اخليها توقعهم بدون ما تقرأهم محمود : انتي وشطارتج ، بس اذا جاا بكره الساعه 10 ونص الليل وما شفت الأوراق عندي اسبوع واحد و بتزورين محمد في السجن ************************************************** ****** بيت محمد : نوف : رفعت ضغطي دينا ، ما ادري ليش مغروره شهد : هي الخسرانه بس نواف كاسر خاطري نوف : انزين وش فيج مضايقه ، صار شي بينج وبين فواز ؟ شهد وهي تصيح : انه تعبانه يا نوف فواز مو راضي يفهم اني ما خنته نوف وهي لامه شهد : خلاص يا قلبي ************************************************** ******* |
بيت ناصر : فواز : تدري لما طاحت شهد ، حسيت قلبي انا اللي تعور مو هي فراس : للحين تحبها يا فواز ؟ فواز : لا فارس : انزين ليش ما تسامحها يمكن في شي دفعها حق تكلم ذاك الصبي ، شهد يبين من نظراتها انها تحبك فواز : ما في شي يدفع للخيانه ، و اصلاً ما اتوقع شهد عندها قلب علشان تحب او تكره فارس : لا تظلمها يا اخو.... فواز يقاطعه : هه اظلمها ، خلاص صكو الموضوع فراس : تدرون ، نوف بنت عمي حلوه بس دلووعه فواز : فراس فراس : امر فواز : عندك رقم نوف ؟ فراس : لا عندي رقم بيتهم فواز : اتصل و اكيد بترد الخدامه قول لها تبي نوف و قول لها انك شفت يم خيلتك خاتم اسألها اذا كان مالها او لا فراس : بس انا ما شفت خاتم فواز : يا غبي جذب و بعدين اسألها عن شهد وقول لها شخبار رجولها و خلها تعطيك شهد يعني انك بتتحمد لها با السلامه و بس تتكلم شهد حط سبيكر ابي اتأكد من صوتها اذا كانت بخير او لا ؟ فراس : خلني اسأل عن شهد ما يحتاج اكلمها فواز : لا شهد اذا فيها شي ما تقول فراس : انزين مدام شهد ما تقول اذا فيها شي يعني ما بتقول لي فواز : يا غبي مو انا اعرفها من صوتها فراس : انزين واذا قالت نوف تبي تشوف الخاتم فواز : اشتر واحد فراس : وانته بتدفع فلوسه فواز : اااف ايه بس خلصني ************************************************ بيت منار وحمد : منار : خلااص يا حمد خلني ارووح حمد : ما بخليج مو على كيفج منار : خلاص ما ابيك حمد : انا ابيج ************************************************ بيت محمد : نوف تتكلم في التلفون : نوف : لا الخاتم مو لي ، يوم الجمعه جيبه وبسأل البنات يمكن لوحده منهم فراس : اها ، ايي الأ شخبار شهد يقولون طايحه نوف : اي فراس : اعطيني اياها ، بتحمد لها با السلامه ~~ ~ شهد : الو فراس : هلا ، شخبارج ؟ شهد : الحمدلله فراس : الحمدلله على سلامتج ، شخبار ريولج ؟ شهد : الله يسلمك ، بخير فراس : ما فيها الم ؟ شهد : لا فراس : فواز يسلم عليج شهد : الله يسلمه ، نوف تبيك ، باي فراس : اوكي نوف : الو فراس : هلا والله نوف : هلا فيك ، عن اذنك بروح لأمي فراس : اذنج معاج ، باي ************************************************** * |
بيت ناصر : " بعد ما سكر فراس الخط " فواز : يا غبي ليش قلت لـ شهد اني اسلم عليها فارس : خلاص ما صار الا الخير فراس : شفت تبي تشوف الخاتم ، جيب فلوس فواز : روح منااك فارس : ههههه ، خلاص خذ خاتم من عند ريم و وده لها فواز : شهد كانت مضايقه يبين من صوتها فارس : في عيونك حب لها ونظراتك تبين شوق لها و خوف عليها فواز : بس في قلبي ما في اي شي لها فارس : لا تدوس على قلبك يا اخوي **************************************** انتهى البارت ~ توقعاتكم للبارت السادس ~ شنو الأوراق اللي محمود بخلي جوري توقع عليهم ؟ شنو التطورات اللي بتصير بين غاليه و صقر ؟ هل سيعترف فواز بـ حبه لـ شهد ام سيبقى يدوس على قلبه ؟[/color][/b][/SIZE][/FONT] |
| الساعة الآن 02:29 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir