العصر قريب المغرب \ البر

وقفت ريم عنده وهي تبتسم .. ناظرها بنص عين – هاتي هاتي وش وراتس

ريم – فارس ياولد عمي انت شايف حالتنا انا اخواني ماهب فيه وبنات عمي مالهم

اخوان وانت اخونا صح

فارس يستعبط عليها – ايوه

ريم – بتجيك لكزس تلق لق وسيارتك هاذي بترجع وبتبيعها

فارس فهم عليها – ايه كملي

ريم – وانا تراهنت انا والبنات ان

فارس قاطعها – حرام الرهان

ريم – ايه تحادينا وقلت بسوق فيكم لاني اعرف اسوق وقلت بأخذ سيارة

اغلى ولد عم عندي

فارس يستعبط عليها – ايه صح سعيدان في الباي باي

ابتسمت وارتبكت – مليغ

فارس ضحك بقوه وهو يقول – موافق بس عندي شرط

انبسطت وهي تقول – أمر

فارس بخبث – تدقين على سعد وتستأذنين منه

عصبت – لوالله

فارس عطاها ظهره – اجل ضفي وجهتس

ركضت ووقفت في وجهه – تكفى فارس نمون عليك حنا مستحيه من

سعد

فارس – والله عاد مايخصني

شافوا سيارة نايف مقبله عليهم

فارس بخبث – خلاص سعد جاء لين عندتس

ريم ألتفتتت وشافت سيارة نايف وزفرت – افف هاذا وش جابه

ناظرها فارس بنص عين وهي ناظرته وتفشلت منه وسكتت

فارس – يالله ضفي وجهتس

ريم ابتسمت بخبث – خلاص خلاص بقول لهند تترجاك

عصب – يويلتس

ريم ناظرت فيه – ليش

فارس خلاها وراح وهو يقول – مااتفاهم مع بزارين

ريم ناظرته وهي ترفع حاجب – انتف شعر راسي ان كان مابينكم شي














وجهه سيارته عند مجلس الريجيل اللي كان فيها جده وابوه

وعمه ومحمد وصقر

سلم عليهم وترك صقر اللي ناظر فيه وهو مقهور من حركته

سأل ابو محمد – وين اخوك

نايف عيونه في جده .. ومركزها عليه

توجهه لين وقف عنده وجلس وهو يقول بغموض– جدي يهمك اسم آل قاسي

الجد عقد حواجبه والجميع انتبه له قال – اكيد يهمني ولا ماتبريت

من اغلى عيالي ودعيت عليه هو حي ولا ميت وخليت اخوانه وهله يتبرون منه

نايف قال بتحدي – اجل جاك العلم واحد من عيالكم سوى سواته مع خارجيه

وجاب منها ولد

فز الجد ووقفه وهو يصرخ في وجهه – لايكون انت !!

نايف وهو يوجهه عيونه على صقر وقال – لا صقـــــــــــــــــر

الجد مط عيونه بصدمه والكل انذهل .. وصقر وقف وهو يناظر في نايف

محمد وقف وهو يناظر في صقر بصدمه

الجد بعصبيه – يطلع هالأمر منك ,, منك انت !!

صقر خز نايف بقوه .. وعيونه عليه وهو عاقد حواجبه

وصرخ في وجهه – انت كــــــــــــــــذاب وين دليلك ؟؟

نايف طلع جواله وورى الصوره جده – هاه ناظر صورة ولده

( لف الجوال على ابوه ) شف ولدك اللي تفتخر فيه واللي كرهتنا كلنا

على حسابه شف هاذي سواياه

ابو محمد ويحس ان الدنيا لفت فيه .. وظلمت في عينه .. وطاح عليهم

ابو سعد صرخ – لا ضاحي يااخوي ضــــــــــــــاحي

نايف سند أبوه .. ومحمد ركض له .. وصقر انصدم من اللي صار كله

جاء بيروح لأبوه

وقف في وجهه جده – مالك شي عندنا اذلـــــــــــــــــف

صقــــــــر بصدمه – بس ابوي ,, وانا

الجد صرخ – والله ان تطلع ولا يكون رشاشي الليله مخلص على راسك

ماتوقع جده يقول اللي قاله .. مصدوم منه .. بسرعه طلع .. وركب سيارته

ومشى بسرعة الريح فيها













العلم انتشر بين الجميع .. وهي تناظرهم بسعاده وتشفي .. الأم

منهاره تبكي وتصيح .. ابوه مخذول وطاح مريض .. وجده نظرته

مكسوره ..وأخوانه وجيههم ماتنتفسر

اما هي جاء يوم الشماته عندها يوم جت .. كلهم مجتمعين في مجلس الحريم

ومكظمين من سواته .. ومحمد كل شوي يقول – مستحيل صقر يسويها

والجد ينهره – اقطع لاتذكر اسمه عندنا خسه الله الكلب المروح

وقفت وهي تقول بسعاده مفرطه – حوبتنا فيكم هاذي حوبتنا هاه هاذا ولدكم

اللي تفتخرون فيه بالمجالس شتتوا ابوي وهنتوا امي

خزها الجد بقوه .. ووضحى وقفت وركضت لها تحاول تجرها من عندهم

محمد عصب منها وصرخ في وجهه – اقطعــــــــــــــي

شيخه وهي تصرخ عليهم – هاذا اللي خدعتوني فيه ,, ابوي يكرم عنه

تزوجله مسلمه وتعرف ربها .. اما هو هه من أخـــــــــــــــذ

الأم زاد نحيبها والجد صرخ عليها – اخذوا هالكلبه ( ويأشر على شيخه )

من قدام وجــــــهي

فارس دخل عليهم وهو يصرخ – محمد ألحــــــــــــق مصيبه مصيبــــــه !!

محمد وقف وهو مرتاع – ابوي صار فيه شـــــــــــــي

فارس طلع يركض وهويالله ينسمع صوته ويصرخ – لا لاااااااااا ماهـــــــب ابوي !!