الظهر

حست بحرارة الشمس .. على وجهها وساطعه عليها

فتحت عيونها وهي عاقدتها .. شافت الشمس ساطعه في

وجهها .. غمضتها بسرعه .. وعقب ماتعودت على الضوء

فتحتها .. سمعت صوت لفت وجهها شافته واقف على

وجهها ويناظرها .. بسرعه جلست وهي تقول – خير

اظاهر شايف في وجهي فلم

عقد حواجبه وقال – الحرمه الصاحيه تقوم من غبشه

مو من الظهر

انقهرت من كلامه وهي تقول – كم الساعه

صقر اتجهه على فراشه يأخذ الجوال حقه ناظره – الساعه

احدى عشر ونص

فزت واقفه .. نست كل اللي بتسويه .. اصلا خلاص شافها وش

يفيد اكيد ضحك مني .. لفت وجهها عليه شافته .. يشيل فراشه

وهو معقد حواجبه .. يعني ماحس .. آآآآآآآآآآآخ مشى كلامه

علي وانا اللي ينعمل لي حساب .. هاذا ماسح حسابي بالمره

تذكرت خواتها وعصبت منهم .. الحمير ماقوموني بس ألقى

وضحى كيف تنساني .. صبرهم علي

شافته وهو يطلع .. كشت وراه .. وقال في نفسها ( مالت عليك

وعلى وجهك اشين يوم من عمري يوم وافقت عليك .. لو أني

نايمه عند خواتي .. كان حاسه بطعم الصبح في البر .. مو مقيله

لين هالوقت )

لبست بسرعه .. وغسلت وجهها .. لبست برقعها وجلالها

وراحت تمشي بسرعه .. وشرها تسحبه معها .. يوم دخلت

مجلس الحريم وعينها طاحت في وضحى .. وبتفتح فمها

غير صوت منيره مقاطعها – يمه شيخه قمتي ياحبيبتي

عانينا رافعين فطورتس انتي وصقر في المطبخ هاتيه


لفت راسها .. وعينها طاحت في عين صقر .. اللي

يناظرها بحده ويكأنه يهدد ( لاتفضحينا ) انقهرت

وراحت أدراجها للمطبخ وهي مقهوره .. صادفت

في الطريق نوره وريم يصبحون عليها .. وهي معطيتهم

طناش .. ومقهوره من الوضع كله













سمع جواله يرن وهو حالس بينهم .. وقف يوم شاف الرقم

الجده – يالله بالستر هالشباب يوم تدق جواويلهم تناقزوا

مثل المقروصين منهو اللي يزهم عليك

صقر وهو يلبس نعاله ( الله يكرمكم ) – واحد واحد في الشغل

بسرعه مشى عنهم واتجه لسيارته .. سكر الخط ودق

عليه .. انرفع الخط وجاه صوت ضاحي المتعب والمنصدم

والمذهول – مصيبه مصيبه ياصقر

صقر خاف – وش مصيبته

ضاحي وهو يزفر بقهر – البنت البنت صايره تخاف من الجميع

ماتبي احد يقربها وكل شوي تصرخ وتقول ماابي اموت

صقر سكر عليه باب السياره – لاحول وش هالعلم على هالصبح

ضاحي وهو تعبان – من يوم صحت وهي تصرخ دقوها بإبره

وهالحين رقدت

صقر – يوم نبي نفرح بقومتها كدر علينا هالخبر ,, وش بتسوي

هالحين

ضاحي – سواة ربي أحسن ,, توني جاي من عند الدكتور وهو يقول

انها متعرضه لصدمه قويه قبل الحادث أثرت على اعصابها ونفسيتها

ياصقر الكلام اللي قاله لي كبير .. مااضمن هالبنت تطلع منها وقال

بكره الصبح بيتابعون حالتها زين ,, تعرف الوقت عندنا ليل هالحين

صقر استوجع من كلام ضاحي ورحمه – الله يكون في عونك وربي

يشفيها انا عندي احساس انها بتعدي الأزمه بخير

ضاحي وهو تعبان – وشلون وانا حاس اني خنت الأمانه آآآآآآآآآآآخ

ابوها بهذلني هو حي وهو ميت

صقر كسره حالة ولد عمه – ياضاحي علامك اعرفك قوي بتقوم

وبتتزوجون بعد ,, ( ضحك ) بس لاتنسى وصاة جدي ولا يقلب

عليك مثل عمي الله يرحمه

شافها وهي شايله صحن الفطور .. والخبز والشاهي تشيله وراها الخدامه


عمه ناصر عطاه هديه بس ليتها تحس

استأذن من ضاحي .. وسكر الخط .. ونزل لها بسرعه وهو يقول – خذي

الفطور لخيمتنا

انقهرت من أوامره .. وعاندته ودخلت خيمة الحريم .. انقهر وسكر الباب

بقوه .. مشى لين خيمة الحريم ثم قال – انا ماقلت لتس هاتي الفطور هناك

هي انقهرت انه يبي يفشلها قدام الجميع وقالت – انا يوم دخلت الخيمه لقيتك

هنا قبل شوي ,,وبعدين ترى ماسمعتك .. وترى جدتي ماافطرت

سمع جدته تقول – لا خلاص خذوا الفطور يم خيمتكم انا بخلي موضي

تسويلي قريص ,, انا ماافطرت عشان العلاج

سكت غصب عنه .. ودخل وجلس .. وعاندها وجلس جنبها .. وهي ماتت قهر

الجميع حسوا انهم مبسوطين .. ولو يشوفون وجهه شيخه كان عرفوا القصه

بالضبط .. بس هم ركزوا في وجهه صقر وهم مستانسين .. واولهم منيره