بيت ضاحي بن فهيد \ المطبخ
بعد ماتغدوا دخلت هند المطبخ تسوي لهم شاهي .. فارس اللي كان يراقبها يوم قامت .. تسلل بهدوء للمطبخ من دون مايحس احد من اهله او خواتها
دخل عليها شافها واقفه ومتكتفه وسرحانه والمويه تغلي عندها
اتحنحن بطريقه مفزعه .. وهي فزت .. ناظرت فيه بعدين انتبهت للمويه طفت الغاز .. وصبت المويه في الغوري
فارس اتجهه على درج الأكواب .. اخذله كوب وقرب منها يغسله .. دخل خشمها ريحته وحست انه قريب .. رفعت عينها وشافته قريب وبسرعه بعدت

فارس حس انها خافت وكتم ضحكته – انتي لين هالحين زعلانه مني

هند وهي تشغل على الغاز وساكته

فارس – ليش انتي مو مثل خواتك

بنفس إسلوبه – وليش انت مو مثل اخوانك

فارس وأشر على نفسه بكبر – لاني انا غير الناس كلهم مو بس اخواني

هند انقهرت من لهجة كلامه وسكت – تكفى لايطيح نصك بس
وبعدين خير داخل علي المطبخ لآحم ولادستور وينا عايشين فيه
( طفت عن الغاز وصبت الشاي في الترمس ) وبلهجه قويه تطعن – انتم كذا ياشباب الرياض ولا بس انت شاذ عن القاعده
بعدين تكلمت بسخريه – ايييييييييييه نسيت انك انت اوقح واحد في الناس زي ماقلت

فارس انقهر وترك الكوب على الغساله وطلع معصب

اما هي ضحكت وبداخلها ( خله يتأدب .. صدق وقح )






في غرفة سعد بن ضاحي

جالس بسرحان ويناظر الصوره اللي بيده .. اندق عليه الباب وبسرعه خبى الصوره اللي بيده – مين

نايف – انا

بسرعه فتح الباب – صراحه تكتب في التاريخ نايف يجيني لين غرفتي غريبه صاير شي

نايف دخل الغرفه وجلس – ابد بس طفشان قلت اجي اسولف معك إلا إذا كان عندك مانع

سعد جلس على السرير – افا عاد لوالله لامانع ولاشي

نايف – ابيك تحجزلي على رحله على لندن

سعد عقد حواجبه – بتسافر

نايف – ايه رحلة عمل فيه محاضره بسافر احضرها هناك

سعد – زين شرايك اسافر معك كم مدة محاضرتك انت

نايف اللي استحسن الفكره مايحب يختلط بحد من الدكاتره هناك لانه غير اجتماعي – احسن بعد محاضرتي مدتها ثلاثه ايام

سعد – حلو يعني الرحله الجايه اوافق عليها

نايف بتساؤل – ليش

سعد وهو مبتسم – لان محسوبك انا مقهور قبل مده فتره عقب ماتملكت على ريم سمعتها تقول مره لصديقتها في التلفون انا مقهوره انه يسافر برى ويشوف حريم اشكال والوان عاد انا من
الوناسه ساعتها طلبت كل رحلاتي عربيه ومادامها سامحه لعمرها تجلس مع فويرس اخوي ورافضه اشوفها لازم افحسها بهالطريقه مثل ماتفحسني

ضحك نايف – صدق العقل نعمه

سعد ضحك – وش عرفك بالحب بسسسسس

نايف جمد وجهه ووقف وبسرعه طلع .. تحت نظرات سعد المتسائله

سعد بإستغراب – هيه وين رايح

نايف بسرعه طلع من عنده ودخل غرفته وسكر الباب ووقف عليه .. ( وفي نفسه ) وش عرفني بالحب !! ماحد اكتوى في الحب كثري .. جمع قبضة يده ورص عليها بقوه .. كل البلا من
صقيران والله لأخذ حقي منه والزمن بينا





















تفأجات من اللي يقوله – انت

ضاحي يدرس تصرفاتها بيشوف ردة فعلها – ايه انا

نور – ووش يحدك تأخذ بنت واحد مجرم مثلي

ضاحي في صدره بلاتس ماتدرين عن اللي فيني

نور – ليش ساكت
ضاحي – قلت لتس هاذي حمايه لتس

نور بقوه واصدمته وهي تقول – بس انا مستغنيه عن هالحمايه

ضاحي – توقعت هالرد منك بس انا صدق ابيك هاذا مو اوامر فرضت علي لا صدق انا قلت لهم ابيك

نور ارتخت ملامح وجهها ولان – وليش تبيني

ضاحي عض شفايفه على سؤالها – بكره تعرفين السبب
الأهم انك تستعدين بجيب لتس اوراق توقعينها وخبيره تغير وجهتس والباقي اتركيه علي انا ادبره