قبل ايام كنت مع احد الشباب راح يستفسر عن جامعة محمد بن فهد
وهالجامعة معروفه عندنا بالشرقية غاليه اعتقد الفصل الواحد بـ 50 الف
ولا يدخلها الا عيال النعمة وهوامير الشرقية وتشوفهم من وجيهم عيالهم تلق بياض
تحصلهم عمرهم ما طلعوا للشارع ولا تشمسوا من بياضهم ماشاءالله
حتى سياراتهم انواع واشكال بالمواقف تبي بنتلي تبي مرسيدس 500 وفوق
90% من السيارات فارهه والباقي متوسطه اللي هي ابو 100 وفوق
ونادر جداً تحصل بالمواقف سيارات عاديه وقديمه
واقل واحد يدرس فيها تحصل ابوه في ارامكو وداخل عن طريق خصم يقدم لارامكو لعيال الموظف ...
الزبدة خويي يقول جلست اسولف مع واحد الا طلع اجنبي وطلع الاخ يدرس هنا
وانا احسب بس تدرس سعوديين الا يدرسون اجانب بعد
يقول طلع اللي يكلم معه هندي لكن كان متحفظ بالكلام
اخونا يحب ياخذه بالكلام وجلس يطقطق عليه انه ولد شيوخ وابوه منصب في شركة الفلانيه يعني يشوفه يعنني ولد نعمة
الا الهندي ارتاح عليه وجلس يتكلم معه ولا كان عكس كان صرفه
المهم جلس يقول الهندي انه ابوه مدير في احد الشركات بالظهران
"وابوه واعده اول مايتخرج بيحطه في منصب كبير بالشركة معه "
المواضيع المتشابهه 
لميسـ 
جامعة محمد بن فهد تخرج الاجانب " عيال النعمة " للعمل في السعودية .! 
العرض الشجري
