قصص - روايات - حكاياتلطرح القصص والروايات الخيالية و الحقيقه و الكتابات الخاصة " ذات العبرة و الفائدة ",
القصص والروايات قصص واقعية و روايات - قصص واقعية، قصص عربية، قصص أطفال، قصص حب، قصص غراميه، قصة قصيره، قصة طويلة قصص روايات ادربيه طويله قصص واقعيه قصص روايات قصص حب قصص رومانسيه روايات رومنسيه قصص واقعيه قصص و روايات حب ,
.
الساعه2 إلا ربع الظهر
بالمطبخ تغسل المواعين بروآقه اليوم أربعاء يعني انواع الفله . .
أمها تناظرها بالمطبخ : فرح يمي صوتتس الله يهديتس
فرح بصوت عالي: يمه انا مستانسه اليوم اربعاء ماتبيني افرح وبدت تغني الأغنية ل احلام تحبها حيل . .
خل بـآلك نزل عينك هنا ولا هنا ويلك
ترى قلبي مو بس يغار عليه غيره تهد ديـآر
خلصت فرح غسيل موأعين وغسلت يدينهـأ للمره الأخيره
فرح تبعد الخصل عن وجهها: اووف واخيراً خلصت
طلعت من المطبخ واهي تناظر التلفيزون وتشوف أمها تقلب مالقت لها محطه زينه . .
امها: يمي فرح حطي لي على محطتن صاحيه
خذت من امها الكنترول وبدت تقلب لقت قناة المجد وحطته عليها: ها يمه تبين ذي ؟
أمها: ايه ايه خلاص الله يجزأتس خير
فرح حبت راس امها : يالله يمه انا بروح اخمد تبغين شيء؟
امها:لا ياعمري بس مري ابوتس شفي ان تسان وده بشي
فرح : ابشري
اتجهت ل غرفه أبوها اللي كانت جنب غرفتها على طول
دخلت وشافت ابوها يسبح رفع عينه وناظرها ب ابتسامه بينت تجأعيد وجهه :
هلا والله ب نوره هذي الحلا والطرى
*أبوها كان وده انه يسميها نوره على اسم امه
مو مقتنع ب اسم فرح وصار يناديها نوره
ابتسمت فرح ل ابوها : هلابك
مد يده لها عشان تجلس جنبه : تعالي هنيا تعالي
سوت فرح مثل ماقال ابوها لها وجلست جنبه : سم يا يبه أمرني
ابوها بحنيه يمسح بشعرها: مايمر عليتس عدو والله
فرح ب ابتسامه : يبه تصدق اليوم اوم اوم الفله اربعاء تكفى طلعنا خلنا نغير جو العصر
ابوها :ابشري والله ماطلبتي شي
قامت فرح وحبت رأس بوها :تسلم لي ماعمرك رديت لي طلب خلني احسن من فوزيوه شوي
ضحك ابوها عليها : ماتتركين خبألتس
فرح ب أستهبأل : يبه هذا يعني شي اساسي يعني تخيل لو فرح ماتستهبل وتخبل من يبعث الفرح في عيون الأنبأء؟ يا والدي حشى كني سعاد عبدالله ههههه
ابوها : والله مدري وش تقولين هههههه مير الله يسترتس
فرح وقفت : امين يلا يبه الوقت بيروح علي بروح اقيل مع اني اليووم تأخر بألحيل . .
طلعت فرح من غرفة ابوها واتجهت ل غرفتها وطفت النور وطقت المكيف اللي كان الوحيد بغرفتها . .
مكيف واحد بالبيت بس. . ؟ بغرفة فرح بنأئناً على طلبهـأ
حطت راسها على المخده وغمضت عيونها وبسرعه تسلل النوم ل أجفأنها . .
.
.
أبو خالد : كبير في السن يحب فرح حيل لانها تختلف عن اخوانها كلهم ب كل شي . .
أم خالد : كبيره أصغر من ابو خالد ب سنه فقط إلا ان دأيم المرأء تكبر قبل الرجل وتمرض قبله ومعاها جلطه بالقلب
خالد :بعيد عن امه وأبوه علاقته مع فرح مو مره . .
مرته دأيم تزيده كلام وتخليه يكره يروح لمه ابوه
نـأدر مايروح إذا كانوا تعبأنين بالحيل
وعندهم 3بنات
ساره:تبعد عن قرية اهلها ب 40 كيلو علاقتها مع اهلها حلوه وزينه بس اللي كانت تنقهر منه حيل انها بعيده عنهم مو دايم تجيهم
عندها 3 عيال وبنت
محمد : أخف من اخوه شوي ولانه جنبهم ف لازم يطل عليهم كل بنت فتره وفتره
مرته ماكانت تكرهه ب أهله ولا كأنت تهتم فيهم معلمه بنفس قريتهم
وعندهم ولد
المواضيع المتشابهه 
البلا لا صار جرحك ما يداني شوف فرحك 
العرض العادي
