<div><font color="DarkGreen"><font size="5"><b>سالفة حقيقية صايره لواحد من الربع. ونشوف رايكم فيها.
أخونا في الله توفى أبوه وهو توه صغير .. وتربى في كنف عمه .. هالعم أبد .. عليك وعلى الـ Godfather... شخصية قوية .. عنيف .. ما عندوش يمه ارحميني ... والغايه عنده تبرر الوسيله.... تخرج خوينا من الثانوية العامة .. وطول هالوقت وشخصيته مسيطر عليها عمه... يعني لا راي ولا شور.. ماغير ينفذ.
حصل على بعثه إلى بريطانيا .. زمان يوم كانت البعثات محدوده ... ولخوف عمه إنه أحد يغيره عليه ... أمر بتزويجه بوحده بناته ... علشان مايرجع يطالب بورثه من عمه "قايل لكم العراب".... وغصباً عنه ... زوجوه بنت عمه .. مع إنه كان يبي بنت خاله ... ويحبها وميت عليها .. بس حكم القوي على الضعيف ... وراح بريطانيا ورجع من سيطرة عمه لسيطرة بنت عمه الدبه
هاللي فوق كله مجرد مقدمه..
السالفه نجي لها ألحين ... عمه بحكم مركزه وقوة شخصيته .. زوج بناته كلهم من ناس مطخطخين.. يعني يا تاجر عقار ... يا مسؤول بوزاره ... ومن هالشكل والنوعية ... وأخونا هذا مدرس في كلية .. ومن هنا بدأت المشكلة ........ زوجته وبناته يبغون يصيرون زي خالاتهم وبنات خالاتهم بالقوة ... تسلف خذ قروض المهم نصير زيهم ... وهالسالفه سببت الكثير من المواقف .. بعضها مضحك وبعضها يرفع الضغط ..
من ضمن الهبال اللي سووه ... مستاجر بيت هو لأن مافيه أمل يشتري .. العم مكوش على الورث .. والزوجه مكوشه على الراتب ... راحت زوجته لبيت أختها اللي توها ساكنه فيه ... ورجعت ذاك الليل وسوت له ليله منيله .... والسبب ... ليش حنا مداخل بيتنا موكيت وهم رخام .. قام الأخ درعم وسوا البيت الأجار .. رخام وكلها ستة شهور وطلعوا منه .. بس عشان يرضي غرور المهبوله اللي معه.
أتفقوا خواتها بيسافرون تركيا بصيفية ... وأخونا متوهق ... مافيه دراهم .. نشبت له .. أضطر بيبيع سيارته .. مهوب من زينها بس منحد .. وراحوا صيفوا شهر .. ويوم رجعوا بالمطار ... خواتها قابلوهم السواقين .. وهي وزوجها وبناتها راجعين بليموزين
بنتها الكبيرة .. وصلت سن الزواج .. وتخطط على كم هامور من عيال خالاتها بس راحوا عليها .. قام أبوها زوجها واحد ماعليه أي كلام .. رجال أجودي .. أخلاق .. راعي دين ... بس موظف على قد حاله ... وعقب ماجابت له ولد ... بدأت تطبق مقولة .. كب القدره على فمها تطلع البنت لأمها ... تبي تسيطر على الرجال بس ما عطاها جوها ... آخر شي طلبت الطلاق ... حاول فيها .. مافيه أمل .. قام طلق
المواضيع المتشابهه 
@@ زوجتي تبغا كل شيء زي خواتها @ وانا موظف ملحط@ وش السواه ؟ @@ 
العرض الشجري
