قرب لي الفنجـال والكيـف صبـه
عندي
نصيحه فـي بيـوتٍ مقفـاه
الجاهل اللي ما نشـد عنـك كبـه
خلـه يــروح بسكـتـه لا تـحـراه
إن مـا مدحتـه فالقفـا لا تسـبـه
هرج القفا مذموم لو زان مرمـاه
ماهو على شانه على شـان ربـه
اللي جميع الناس تركع وتخشـاه
تـراك منـت بـمقنـعٍ مـن تحـبـه
لو كـان تاصـل عنـد بابـه ترجـاه
والـلـي يـنـزل لحيـتـه للمكـبـه
ينفض غبـار الـذل عنهـا بيسـراه
وسوق الردا ياذيـب حـذرا تطبـه
يفـرح عـدوك بالخبـر يـوم يلقـاه
وترى الفتى قلبه سـواة المنبـه
اذا غفى في وقت جاء وقت نبـاه
وكـان الفتـى للعلـم مالـد لـبـه
تـرى النصايـح والمعانـي تعـداه
وهـرج الــردا يـاذيـب لا تنكـبـه
يجيـك ميسـم ماتحـمّـل كـوايـاه
والنـاس فيهـم بالرجّـال امتشبـه
يبـا يسـوي مثلهـم ميـر مـمـداه
ياراعـي المشـعـاب لا تنضـربـه
من لا يحسب الناس فالدرب تاطاه
ياغافـل افـطـن لاتـحـول بغـبـه
من لا يحسّب عالي الموج يغشـاه
خلك سـواة الذيـب والريـع ذبـه
العاقل اللي ينتبـه ويـن ممشـاه
العقـل زينـه والوفـا فيـك ربــه
ترى حلاة الرجـل عقلـه ويمنـاه
وإذا سمعـت آذان مــولاك لـبـه
الضايع اللـي ضـاع دينـه ودنيـاه
كـم واحـد الشيطـان قبلـك لعبـه
لو لحيتـه شبريـن ضايـع بعميـاه
والأحمق اللي مالقى الطب طبـه
بين الوهـم والهـم ماحصّـل ادواه
فتـح عيـونـك للطـريـق ومطـبـه
لا تسلـك إلاّ درب تعـرف خفايـاه
وإن كان ماجاك الولد فـي مشبـه
لاشاب مايلحق على العـز وابنـاه
العـز وصفـه معتلـي فـوق تبـه
يبا الصبر والباس من شان ترقـاه
والجو لو هو زان لـك فـي مهبـه
ماهـو بدايـم لـك علـى ماتمنـاه
قولي وعلمي من على راس قبـه
شامخ شموخ طويق من عز مولاه
وكـان الفتـى للعلـم مالـد لـبـه
تـرى النصايـح والمعانـي تعـداه
مما راق لي
تستطيع المشاركة هنا والرد على الموضوع ومشاركة رأيك عبر حسابك في الفيس بوك
rvf gd hgtk[hg ,hg;dt wfi KK uk]d kwdpi td fd,jS lrthi
المواضيع المتشابهه 
قرب لي الفنجال والكيف صبه ،، عندي نصيحه في بيوتٍ مقفاه 
العرض الشجري
