ملاحظ ان بعض السعوديين بالخارج مثلاً في دبي العاملين فيها موب واحد ولا اثنين بل اكثر من واحد
اذا شاف سعودي جاي سياحة جلس يستهبل ويقلل من السعودي
ويقول انتم جبتوا الزحمه هنا وحتى مع الاسف يجلس يعمم يقول اكيد تدورون هالاماكن ....
ولا الثاني يجي يقول كل المجمعات سعودية وكل الخليج زحمه منكم
وش بقى ناس بالسعودية
واللي يسمعهم يقول هناك ماشاء الله عليهم جالسين هناك شغالين امام مسجد
وتحصل شغلهم بين بنات وضحك معهم وطلعات عشاء ولاتدري وش وراها ...
وحتى بالخارج الخليج في شرق اسيا واوروبا وامريكا
اذا شافك واحد انك سعودي تغيرت ملامح وجه وغير طريقه عشان مايشوفك
وكأنك منبوذ ومسوي شي
حتى ما نبي لا سلام عليه ولا كلام لكن ليش هالنظرة الخبيثه وكأني مجرم اذا شفتني
انا حصلتني حادثة ايضاً في قطر من عائلة سعودية
شفت عندهم كرسي فاضي في احد الاماكن وعياله بعيدين عنهم يلعبون
وطلبت الكرسي الزايد عندهم يوم قربت عرفني اني ابي الكرسي قال حق العيال ... المهم حصلت كرسي اخر وفي مكان قريب منه
الا شوي مرته تقول بصوت خفيف " سعوديين !!! يرد ويقول ايه ادري "
وفوق كذا جالس يصوت لعياله عشان يعنني يورينا انهم جالسين بالكراسي
ما اقول الا لعنبوا دارك بس
مادري ليس تواصلنا كذا بالخارج بين بعض
بالداخل ما توصل للمواصيل اللي تصير بالخارج
ودي اعرف السبب لايكون تعاملنا هنا مجاملات بين بعض وبالخارج تطلع حقيقتنا ولا وشو بالضبط
المواضيع المتشابهه 
لميسـ 
ليش السعودي ما يواطن السعودي ويقلل منه اذا شاهدة خارج السعودية .!! 
العرض الشجري
