والله اني مغبون بشكل لايوصف لحظتها لولا اني ماسك سرا وفشيله بالي وراي اقعد انا والكاشير نتناقش بالسعر او انسحب وش يبي يقولون ! والله وبالله ماهمني زود عشره ريال اذا هي بالحق، كثير من الزباين يطلع من المطعم ويدفع عشره للحرمه الي واقفه عند الباب .. .ولانها تستاهل ومن باب (واما السائل فلاتنهر) .. اما صاحب المطعم هذا لاهو يتيم ولامسكين عشان نعطيه زود عن بقيه المطاعم !
مالكم بالطويله
وصلت للكاشير قلت له نص حبه محمر مع البشاور وسلطه خضرا حجم صغير واثنين لبن ابوريال ..قال حسابك 31 ريال قلت نصف حبه ماهي حبه كامله! انا خابر اني ادفع بالعاده في كثير من مطاعم الكبسات من ال15 الى 18 بس هذا كنه دبل السعر شويتين!
قلت اوكي لوسمحت عطني الفاتوره .. لاحظت المبالغه في اسعار الطلب
النصف حبه مع البشاور ب19 ريال ! والسلطه اصغر شي ب10 ! ويييين رايح راعي هالمطعم لايكون منافس للkfc ولا فاتح فرع في شارع الشانزليزيه !
ماكتبت هالكلام الا بعد ماطفح الكيل بصراحه في كل مره زياده بالاسعار بلا مبالاة .. علما اني عميل من 7 سنوات والله لايعيده من دعم لانه فقط من اهل مدينتي وانا من سكان الحي الي فيه المطعم ! ولكن اذا بيستمر كذا مصيبه فالافضل نمد المشوار شوي ونشوف لنا مطعم ثاني ،.
المواضيع المتشابهه 
مطعم الهدوج والإجرام في رفع الأسعار ! 
العرض الشجري
