قبل كل شي موضوعي ليس ضد الزوجه السعودية
ولا اعمم في البنات السعوديات ولا اشجع الزواج الخارج ولا لي هدف من الاخر
فقط موضوع احببت قوله لا اكثر بعد مشاهدة حدثت امامي امس
ذهبت مساء امس الى مكتبه جرير لكي اشتري جوال جديد للوالدة الله يحفظها
وانا جالس اطالع ا جهزة سامسونج وكان بجانبي الايمن عائلة اجنبيه عربي
يمكن سوريه ولا اردنيه وبجانبي الشمال عائلة سعودية
العائلة العربية كانت تشاهد اجهزة اصدارات اعتقد ان ما كنت غلطان htc
وكان سعر الجوال اللي بيدهم تقريباً من 1200الى 1600 اصدارت عاديه ليست بالاصدارات اللي تصل 2800 وفوق
اما العائلة السعودية زوجه مع رجلها وهم في مقتبل العمر نفس عمر العائلة الاجنبيه تقريباً
المهم الزوجه بيدها جوالها الخاص ايفون 6 واضح من الكفر اللي حاطته
وهي تشاهد جوال ايفون 6 اس الجديد وتقول لرجلها وش رايك " ودها فيه افهم "
يرد عليها مافي فرق عن اللي عندك ردت عليه رد قالت " انت وش عرفك "
كل البنات عندهم الحين ذا وهي تقصد اللون الجديد روز جولد
المهم اللي اشاهد ان الاجنبي العربي اعتقد قرر في شراء جهاز htc لزوجته
لانه كان ينتظر خلفي لدفع الحساب
ولو تشوفون ابتسامه زوجته تخلي الواحد يبتسم وهو مايدري وش السالفه
فرحانه بشراء زوجها لها لهذا الهاتف اللي سعره قد لايزيد عن 1600 ريال
اما السعوديه تحن على زوجها عشان تشتري جوال للتقليد من بنت فلان
رغم اللي معها مايفرق معه لكن اصبح اللون فرق عشان شوفوني عندي نفس ماعندكم
صحيح بعضكم بيقول فرق ان تقارن السعودي ودخله في دخل الاجنبي
وان عائلة الاجنبي ترضى بالقليل
لكن هذا موب مقياس
انا اللي اقصد ان شوفوا تفاهم زوجه الاجنبي مع زوجته عن السعودي وزوجته
وكيف ان المراة الاجنبيه ترضى بالقليل والبسيط اما السعودية ( البعض )
تبحث عن التقليد وتحن بطلباتها على رجلها
وخاصه ان تكلف على زوجها حتى لو راتبه 20 الف
موب سهله كل شوي شاريلها جهاز ايباد بـ 2500 جوال ايفون 3000
جهاز ماك برو بـ 5000 وبعد 8 شهور يطلع اصدار جديد للايفون اللهم اللون والمعالج تغير وخذلك
كذا الواحد يطفش من زوجته وطلباتها صحيح بعضهم دفيع ما تفرق معه
لكن بعضهم يبالغ بالصرف
وتحصله ساكن بالايجار بالاخير وسيارته موديل 2000 امس مطلعها من الورشه
عشان كذا الشباب يتردد بالزواج موب مشكله مصاريف مهر ومادري ايش هذة سهالات
الشباب يتخوف من المسؤلية اذا طلعتله بنت بس تطلب وتحب تقلد
عكس اذا كانت بنت قنوعه وترضى وفوق كذا تسمع كلمه زوجها
ما تقوله " وش عرفك "
ذيك الساعه يفكر انه استعجل في قرار زواجة
المواضيع المتشابهه 
هل الزوجه السعودية تحن على زوجها بطلباتها عكس الاجنبية العربية .!! 
العرض الشجري
