ماتستحون انتم ومواضيعكم في رئيس تركيا
من جد ازعجتونا في اردوغان
قسم بالله صرت ما اسمع عنه الا هنا بالمنتدى
حتى الاخبار ما نسمع عنه بذي الصجه اللي هنا بالمنتدى
الا ربعنا الشيبان بالمنتدى
والله اللي يسمعهم يقول وزير ولا عضو معروف بالشورى ولا شيخ دين
المصيبه ربعنا متابعين بقوة لحالة انتخابه وتغطيه خاصه
وفوق كذا في ناس معارضه يحسسونك انهم اتراك داخلين جو
اعتقد الاتراك بنفسهم ماعطوا الموضوع بذا الحجم
حتى احد الردود في احد هالمواضيع عنه يقول واحد
" الحمدلله انه فاز كنت شايل هم " !!!!!!!!!!!!!!!!!!!!!
واخر ....
( الله يبشركم بالخير ... العشا علي اليوم " !!!!!!!!!!!!!!!!!!
الله لايشغلنا الا بطاعته
انا قلتها قبل ان كثرة مواضيع اردوغان وايضاً السيسي حق مصر
هم من شيبان المنتدى حبهم للمواضيع السياسيه وهم ماعندهم ما عند جدتي
وبكرا تحصلهم يتابعون تغطيه انتخابات البوسنه ولا افغانستان
المنتدى فوق تحت 20 الف موضوع عنه تقول تركيا مدينه في السعودية
ياعمي بقريح فيهم خلونا في ربعنا الفاشلين من وزير الاسكان وغيره
وهو الاهم وقضيتنا موب قضيه انتخاب واحد مالنا دخل فيه
يجيك واحد يقول هو سني هو يدافع عن الاسلام
طيب ما قلنا شي لكن شغالنا هو والعالم واقف عليه
مرات اقول اللي يشوف هالردود يقول هالشخص حرر فلسطين
وحارب اسرائيل ونجح في طرد بشار وعالج اوضاع اليمن
عشان كذا اقول اطالب الملك سلمان ان يعطيه الجنسيه عشان يستانسون ربعنا فيه
وهم ودهم اليوم قبل بكرا
عندهم تقدير كبير له وبشكل مبالغ
المواضيع المتشابهه 
ازعجتونا في اردوغان ما بقى الا تسلمونه الجنسيه السعودية ولا الحكم هنا 
العرض الشجري
