صحيح انا موظف حالياً بالقطاع الخاص
لكن ذهبت لمعرض الوظايف المقام بالراكة في الخبر في المعارض
ولعلى وعسى القى وظيفة افضل من اللي انا فيها وراتب احسن وامان وظيفي
واقدر من خلالها اتزوج وافتح بيت ( ايجار شقه ) ونبي نستر نفسنا والعمر راح ودخلنا بـ 30
لكن مع الاسف انصدمت من كل شي
بالبداية انصدمت بالحضور زحمه وهذا يومه قبل الاخير وغداً عوايل
وبعضهم جاي مع ابوه وسمعته وانا بجانبه يقول الوالد لولده " هالمرة ان شاء الله نحصلك "
والولد رجال اللي يشوفه يقول ابو عيال
عموماً المعرض اغلب الشركات عاديه يعني اللي دراسته مثلاً هندسه لا يتعب نفسه
ومافي الا تقريباً شركة الزامل تاخذ مهندسين وان كانت شركة لك عليها
موب مثل الشركات الكبيرة
اما باقي الوظايف عاديه جداً اما تسويق ومبيعات لشركاتهم
وحطيت عيني على شركة رغم انها موب افضل من الشركة اللي انا فيها
قلت للموظف العامل بالكشك الشركة بصراحه رواتبها كيف بالبداية قال قدم ويصير خير
بالاخير عرفت ان الراتب حول 4 ونص الى 5 واقل من النص
هذة وش تسوي بذا الزمن ندرس سنين مدارس وكليات وجامعة وندخل معاهد !!!
وبالاخير هالراتب ولا في حوافز مثل ما سمعت منه
يعني اقل من راتبي قلتله وهو يضحك حرام اني اعطيكم السيرة الذاتية
وانا توني مصورها من المكتبه بـ 1 ونص وملونه بعد واعرف بالاخير فوقي المئات
من اللي يبحثون عن هالوظيفه
بعضهم عاطلين مثل ما شاهد اغلب الحضور عاطلين هم اولى مني بهذة الوظيفة .
وانا بالمعرض حصلت وظايف احدى المستشفيات اللي يعمل فيها احد الشباب كانوا عارضين وظايف
خلال المعرض الا شوي واكلمه اقوله ليش ما قلتني في وظايف بالمستشفى
كان حضرت من اول يوم وقدمت ولا راح علي التقديم ... توقع وش قال
" يا رجال اصلاً المستشفى موب ناقص موظفين والاجانب ماخذين وظايف
حتى السعودين كافي عندهم قلت كيف والعدد اللي طالبينه ضحك وقال
هذة فقط تحفظ في السجلات المستشفى للمستقبل اذا احتاجوا ذاك الوقت
وفوق كذا يعني شوفونا يا وزارة العمل ترا نقدم وظايف وفيه تقديم .!!"
عموماً عندي قاعدة بخصوص وظايف هذا الزمن اللي احنا فيه
اللي ماعندة واسطه ولا عندة علاقات بين الناس اي موب الناس المنتفين
اقصد بالناس اللي يعملون في وظايف كبيرة وجيدة وواصل ابد ما يعيش على التقديم
ولا يتوفق ... اثنين من اقاربي واصغر مني ودرجاتهم زفت شغالين في ارامكو وسابك
ويستلمون لا يقل عن 11 الى 14 الف ريال
طبعاً لانه ابوه يعمل بالشركة اما الثاني عمه يعرف مسؤول التوظيف
انا وهو انا الموظف العادي بالقطاع الخاص ما حصلت وظيفة الا من واسطه
تخيل من مين من مصري بالبدايه كانها سعودة مافي عمل لكن مع الوقت قلت ابي اثبت نفسي
وان كنت حتى الحين اطمح للافضل
او تدرعم بالشركات وتعطيهم السيرة الذاتية وتطيح الميانه مع الموظف
غير كذا لو تموت ما تحصل وظايف لانه وراك الاف العاطلين اللي مثلك
صحيح كلامي يضايق البعض وخاصه المنافقين اللي تحصل عياله اولهم شغالين بالواسطة
ولا جماعته ويجلس هنا يطقطق علينا ويقول الوظايف ملايانه
ولا رح كد تكسي ولا اعمال حرة اللي اتحدى عياله يكدون تكسي
ولا يحسب ايضاً ارصدتنا بالملايين مثله عشان نفتح اعمال حرة
لفت انتباهي خلال المعرض مادري اذا انا ما شفت او لا
ان الشركات الكبيرة مثل ارامكو ومعادن وسابك موب موجودة بالمعرض
طبعاً تعرفون ليه وكل الشركات الموجودة شركات شخصيه اصحابها مثل الجميع ولا الكفاح
والمجدوعي والراشد يعني شركات اصحاب المنطقه بالغالب
وبالاخير ودي اسئلكم عمركم شفتوا بنوك اللي وصل عددها فوق 10 بنوك
او شركة تأمين اللي عددها فوق 30 شركة
يوم من الايام قدمت وظايف للعامة اما خلال معارض او اعلان
لايجي احد يقول سجل في موقعهم وملي بياناتك وسيرتك الذاتية هههههههههههه
لعلمكم ايقونه التوظيف في هذة الشركات التامين والبنوك صورة فقط
جايه مع تصميم الموقع
اما الواقع لا يفتحون سجلات المتقديمن بالموقع
والسبب اقولكم من احد موظفي البنوك واتمنى احد الموظفين البنوك المشاركين
هنا بالمنتدى لا ينكر كلامي
وهو اني اعرف احد الموظفين يعمل في احد البنوك الكبيرة
يقولي اذا في وظايف عندنا تجينا رساله من الادارة ترا في وظايف
يعني في معناها اللي تعرفونه من جماعتكم ارسلوهم للمكان الفلاني يكون وقتها في مقابلات
يعني فقط لجماعه الموظفين غير كذا الشعب مع نفسكم
انا بالبداية استغربت وكيف الا يقول قبل يومين وصلتنا رساله وفي تقديم
بالعمارة الفلانيه رح وشف ورحت وطلع كلامه صحيح حصلت حول 30 شخص
وكلهم من معارفهم شغالين بالبنك ولا اصحابهم حضروا اما الشعب مايدري
واحنا على باب الله نروح نسجل بالموقع
واتوقع شركات التأمين نفس الحال
مثلاً بالشرقية احدى شركات التأمين كل ابوها العاملين فيها من القطيف وسيهات
حاولت اشوف سني واحد ماحصلته مادري اذا مديرهم بعد شيعي
المهم اللي بوصله ان شركات التأمين و الله العالم مثل البنوك في طرح وظايفهم
المواضيع المتشابهه 
وين الشركات الكبيرة ارامكو وسابك ومعادن والبنوك والتأمين عن معرض الوظايف !!! 
العرض الشجري
