صحيح موضوعي سوف يغضب الكثير هنا
وخاصه من يعمل في ارامكو وسابك والشركات الكبيرة مثل صدارة ومعادن وغيرها
بقولكم ليش فكرت بهذا الموضوع
في البدايه اخوي كان وده يدخل ارامكو او سابك لكن بسبب التحصليلي والتعقيدات
والواسطه فوق كل شي ذهب حلمه واصبح يعيش في اكتئاب واصبح يتنقل بين شركة
واخرى خلال 4 سنوات والراتب ولا يجي حتى مع عمله الاضافي 6 ونص
اشوف القهر بعينه لانه احد اقاربنا اشتغل في سابك بواسطه
ويستلم فوق 14 الف ريال والعمل فقط " تغليف " تخيل فقط تغلف ونهاية الشهر
تم ايداع مبلغ 14 الف ريال وهو توه في العشرينيات يعني المبلغ متوقع التدبيل
هذا من غير المميزات راتب رمضان وبونص وتأمين كلاس a وسكن
وقرض الفايدة صفر لا وبعضهم يجي من اللي يعملون في سابك ولا ارامكو
ويجلس يقول الشركة صارت سيئه الحوافز قلت ويشكي الحال
وتحصل راتبه ما يصرفه ولا عشا اهله يوم بالشهر ولا حمد ربه
طبعاً ابن ادم طماع ولا يملى عينه الا التراب .
هنا فكرت بالموضوع ليش الشركات الكبيرة تعطي هالمبالغ وبنفس الوقت
شركات اخرى ولا تعطي ولا نص مبلغ الشركات الكبيرة
حتى القطاع الحكومي تبدا مرتبات من 4 و5 و6 و7 ويمر سنين وتعجز
وبالاخير الراتب 15 الف ريال تقريباً اذا تقاعد وابو 20 يحصل 14 الف في بدايه مشوارة
اذا دكتور انا معك وشغلته صعبه وحتى المهندس نوعاً ما
وهو ايضاً يشتغل في مناطق نائيه ومتابعه
الا ان بعضهم جديد ونص عمله بالمكتب ويستلم حول 14 الف وشنبه ماخط حتى الحين
لكن في أعمال تعطيها مثل سابك ترفع الضغط للناس وتقهرهم
صحيح ارزاق والله يرزق كل واحد ابو 20 يستلم 14 الف
لكن نتكلم بواقعيه هالوضع يسبب تباعد وحساسيه بين الناس
من اللي يعمل في ارامكو وسابك والشركات الكبيرة والشركات العاديه
والحكومية
انا اقول لازم وضع خطه اما بزيادة رواتب القطاع الخاص بشكل معقول
او تقليل رواتب الشركات الكبيرة لان الرواتب مبالغ جداً وخاصه اللي توه صغير
وحالياً نمر في أزمه نفط ومن مصلحه ارامكو بالتحديد خفض رواتب موظفينها
والضغط على سابك وصدارة وغيرها من الشركات للعدل
ويكون الباب مفتوح للجميع للعمل ولا يكون هناك تفرقه بين الشركات
انا ما قلت ينزلون الراتب الى 5 مثلاً لكن يكون تقريب من القطاع الخاص
والمميزات الاخرى تكون نفسها من تأمين وغيرها
اما فرق 10 الف بين القطاع الخاص والحكومي والشركات الكبيرة يسبب أزمه كبيرة مستقبلاً
المواضيع المتشابهه 
( أدري موضوعي سوف يغضب الكثير ) لكن لازم خفض رواتب سابك وارامكو وصدارة 
العرض الشجري
