عندي غرفة صغيرة في المنزل كنت حاطها مخزن علوي... المهم البيت ضاق واحتجنا هالمخزن يكون غرفة.
رحت لم السوق ولقيت عامل سوري قال دام الغرفة 3*5 والارتفاع 2.60صغيرةوالبوية الأساس أبيض راح ادهنها لك وجه واحد ب700 ريال.... رحت لم دهانات الجزيرة وحسبو المتر أظن 80 ريال لقيت عند بابهم مصري قال خلاص ياعم أنا أدهنا لك والبويه عليك شغل إيدي 400 ريال داأنا حقيب مبيض ونأاش وعاوزه شغل جامد يابيه.
حسيت إنه ملعوب علينا..... البارح وأنا جالس مع نفسي قلت بدل ما أفتح الهوامير وغيرها من المواقع وأشوف مواضيع تافهة عن مصر واليمن واللي عنده مشكلة غير الهياط والردود والسب والشتم والتسفيه والشكاوى ومقصات المراقبين خلني أشوف كيف يدهن الجدار.... وش هالصنعة العجيبة اللي تخلي العمال الأجانب ما يكلمونك إلا بالمأت وما فوق....؟
رحت الصباح لم محل مواد بناء جنب بيتي واشتريت التالي:
1 سطل بويه جوتن ب110 ريال ولقيت نفس اللون والرقم عند الجزيرة ب80 ريال.
2 عدد 4 تيب(لصاق ورقي) ب 8 ريال.
3 عدد واحد لفة بلاستك مقاس 5سم مضغوط بخمسه ريال.
4 فرشة 3 إنش لقيتها عندي مرميه في السطح.
5 رول بروش بعصا للبويه بعشرين ريال وحصلت أنواع بعشرة ريال.
لا أحتاج ورق صنفرة مثل ما كبرها المصري ولا توجد ثقوب عشان أحتاج معجون بعكس ما قاله السوري وخلاها قضية.
المجموع الكلي= 113 ريال لاغير.
رجعت وبعد صلاة العصر قلت يالله الهميم الهميم.
طبقت نفس الخطوات بعد ما حفظتها جيدا.. ولله الحمد والمنة طلعت الغرفة روعة ولا أحسن دهان رغم أنها أول مرة أمسك فيها رول.
قولوا ماشاء الله لا قوة إلا بالله تبارك الرحمن:hawamer3812
وأكتشفت إن داخل كل مواطن سعودي قدرة هائلة للعمل والإنتاج متى ما تعلم وترك عنه الاتكالية.
كنت بادفع 700 ريال لشبيح سوري ما يسوى التالية من الغنم أنا وعيالي أولى بها... ناهيك عن عمال داخلين وطالعين من بيتك وهذي بحد ذاتها مقلقة لأهل البيت غير يبون فطور وغديات وشاهي وتدخين وغير معرفة مداخل ومخارج المنزل وربما التخطيط لسرقته حفظنا الله وإياكم من أهل الشر.
كتبت هذا الموضوع من باب محبة الخير لكم مثل محبة لي(أن تحب لأخيك ما تحب لنفسك)... ووالله ما أبي أقطع رزق أحد من عباده لأني موقن أن الرزق من عند الله وإن العمال الأجانب مالين البلد وجودة العمل تختلف باختلاف الأمانة من عامل لآخر... لكن شغلات بسيطة ممكن تقوم بها بنفسك متي ما عرفت خطواتها راح توفر عليك مبالغ مالية أسرتك أحوج بها من عمال أجانب خاصة وإن القروض قاصتنا قص.
حاليا أبحث في اليوتيوب كيف أقدر أصنع دولاب مكتبة وطاولات خشب:hawamer3812
المواضيع المتشابهه 
اليوم قمت بعمل جبار تخلصت من ربقة التبعية للأجانب اللي لعبو فينا 
العرض الشجري
