للإستماع للشيلة عبر اليوتيوب أو الساوند كلاود أو تحميلها بصيغة MP3 ، كل شيلة و تحتها رابط التحميل و رابط الساوند كلاود :
أضغط على إسم المقطع للمشاهدة المقطع عبر اليوتيوب أضغط على علامة التحميل لتحميل الشيلة بصيغة الصوت MP3 أضغط على رابط الساوند كلاود للإستماع عبر برنامج SoundCloud كلمات الشيلة باللون الأزرق
يقولون ” الذي كاره يلاقي للفراق اسبآب “ وانا والله مآ فـ ايدي عذر من شآن يجفيني ! تصنّع له من حروف الالم مليون نآب ونآب لجل يكسر مجآديف العذر في ” فعلة ايديني “ يقول الآه في صدري بنت لك في خفوقي بآب لجل ترحل عن ضلوعي عسى بعدك يداويني زرع في حبنا ورده ربت بالشوك يومه غآب وكل ماجيت ابقطفهآ تأذيني .. تأذيني عقب ماعمّر احلآمي اشوف الحلم بإيده ذاب رجيت الله ولا حلمٍ بعد فرقآه ينهيني !
ورحلت وفي يدي قلبٍ على كثر الوله منصآب وتركت لخطوتي كلي .. لأي درب توديني ! اذا مر الهوى وجابه أطيّر بالخفوق اسراب تناديله على ” وصلي ” وعلى وصله تمنيني ! تنآدينا الأمآكن وينكم ؟ هو ليه يا أغراب ؟! وتخنقني اجآبآتٍ عقيمه تدمع بعيني ! وأرد أقول هو كآره ولآقي للفراق أسباب وأنا والله مافـ ايدي عذر من شآن يجفيني !
شدوا و يمّتهم جنوبٍ عن الديره = و أقفوا و أنا قلبي من الهم مرضاني أقفت مراكبهم ألا يالله الخيره = و عيني تفيض الدمع من فراق خلاني و اليوم طاح الحظ على الله تدبيره = قم لا عدمتك حظ يكفيني ما جاني قلبي فقد ربعه فقدهم مساييره = ما عاد عيني تشوف خلانها ثاني يا ليت لي قلبٍ سطيٍّ على الشيره = ودي أطيع الشور والقلب يعصاني هذا حبيبي ضيّ قلبي و تنويره = سعدي إلى شفته وإلى اقبلت حيـّاني يالله ترده لي و أنا أقبل معاذيره = يالله ترده لي على كيد عدواني عجزت ابالقى من يعوضني بغيره = يفداه كل الخلق قاصيه و الداني
على غـزير الدمـع ضميت الأهـداب = صـديت ليـن الدمـع يكـفي سـحابــه بعـض الوجـع يمكن يداويه الأعــشاب = وبعـض الوجع يا ويل منهو سطا بــه عـشـق بـدوي لا حب ما هــو بكـذاب = يوفـي ولـو جرحــه تـجــدّد صـوابــه
واليوم وصلت بيننا مثل الأجـناب = ذاك الغــلا يا ضـيعـتــه يا سـفـابــه باكر إذا جـيـنا لـهــم مثـل الأغراب = من عـقـب مـا كـنا الأهـل والـقـرابــه الأمـر لـلـــه كــل شـيء لـه أسباب = وإلا الـهـوى وش لي عـلـى هج بابه
وشلون قلبي ما يجي اليـوم منصاب = على الرجم منـقوش بعض الكتابــه حتى أثر مشيه مع سهـول وهضاب = مـرٍّ يـبـيــن ومـرٍّ مـا يـنـــدرابــه قلبـي مـن الفـرقا صـويب ومرتاب = كـنـه غــدا نـصـفيـن من هـول ما بــه
حزني عـليــه إنـه تـسـبـب ولا طاب = نـظــرة طـبـيبـه عـجّـلت في ذهـابــه ريح الخـزامى والنفـل زيـن الأطــياب = يـشدّنــي ريـح السّمـر فـي ثـــيابــه لأقبل نسيم الليل له خيل وركاب = وله فـي طلـوع الشمـس عـز ومهابــه
ماني بهماز ولاني بلماز = كل الخطا مايرث الاالحسايف نفسي مااكلفها ولاني بمعتاز = للي بدا من عشرته كل هايف احتاج عشرة طيب الذكر معناز = يشيل ثقل حمولها والخفايف حتى ولو خون بعض حظ ماجاز = أرجي قضاها مقبله كل طايف وانا مع اللي ذكر بالطيب منحاز = ورجلي ماسندها دروب السفايف ذاوقت فيه الرجل يبرى وينراز = ان ماسقط ولا بروس النواسيف وش يفرق الشاهين والحر والباز = الهد واحد والطلايق صنايف حمامتي غني ترى الصوت هزاز = .للي خفوقه مولعه بالولايف باتبع هواي اللي ملكته وباجتاز = حدن وراه حدود والبال كايف باجري وانا خالد ولي رمح ماهاز = الا وسقته في نحر كل عايف لي في ربوع الارض رايه ومركاز = لاهي بمغشوشه ولاهو بزايف
ياهيه ياللي زايد الحسن مطغيك حاسب على صبآ بحبك مستهام وراك تذبحني وانا ميتآ فيك ماتدري ان الضرب في الميت حرام رميتني بالحاظك الله يجازيك هذا وانا معطيك رايات السلام في طرفك الفتان موت وتهاليك وفي ثغرك البسام تعذيب الأنام تضحك وفي ضحكتك نورآ محليك نوض البروق اللي تكاشف في غمام كريم يابرقآ لمع عز واليك متى مطرك يغيث ريضان الغرام جفت عروق اللي حياته على يديك اما سقيته مات في حبك هيام
يطول الليل والحسره علي اتطول و الهم ينهش في شرايني غدا فكري من الي صارلي مذهول ورجاي بربي الي ما يخليني اذا مريت في غمً برضا اقول يارب الكون غيرك من يسليني مابين المستحيل الصعب والمعقول يسولف قلبي عن اماله لعيني ع ربي بخليها وانا المسؤل عن ادروبي عسا ربي يقديني ولابه مشكله الا ولها احلول ولا اعيب الزمن والعيب حاديني الا مني سجدت ودمعتي اتجول تبي تعبر عن الي يختلج فيني دعيت الي به القوه ومنه الحول الاهي قد نياتي ابيعطيني مدام القلب في حبل الرجا موصول ف انا كلي امل في باقي سنيني
المواضيع المتشابهه 
شيلات خالد عبدالرحمن 2014 للتحميل mp3 اصنع سي دي لسيارتك 
العرض الشجري
