السلام عليكم ورحمة الله وبركاته
حصل لي اكثر من موقف والحقيقة اقرب موقف هو قبل اسبوع
لاحظت ان المكيف المركزي الخاص بشقتي يفصل من حاله و يجلس لساعات مايبرد حتى تصير الشقة كأنها فرن
مع العلم ان جميع الاجهزة جديدة ولها فقط سنة واحدة
ونوع المكيف هو الزامل
المهم طفشت من هالمشكلة كل يوم وانا اقول خلاها بكرة يمكن المكيف مافيه مشكلة بس هو كذا طريقته علشان ماابرد
قررت اني اشوف لي عمال صيانة مكيفات واتصلت بعامل باكستاني يتقن اللغة العربية هو وصديقه وقلت لهم تعالوا لي في المكان الفلاني وقلت لهم هاتفيا ابغى تجون تشوفون يمكن مافيه مشكلة في المكيف فلا تقولون لي : عطنا فلوس التشييك المهم حضروا عندي خلال نصف ساعة وقاموا بالفحص وانا معاهم حبة حبة ولا فارقتهم كل ماسوى شيء سألته ايش هذا وليش .. الخ
المهم قال ان الفريون ناقص " طبعاً انا كنت شاك ان الفريون ناقص بنسبة كبيرة " بس قلت ربما مافيه نقص او اني اتخيل
قلت له : كيف اعرف ان الفريون ناقص ؟
قال لي : امسك هذي الماصورة وشوف البرودة حقتها
مسكت الماصورة وطلعت باردة
قلت له : طيب بروح اشوف المكيفات الباقية حقت الجيران واساسا هذي ماتقدر تحكم ان المكيف حقك اخف برودة من مكيف الجيران
المهم شفت اكثر من 3 مكيفات وكلها بنفس البرودة
قلت له : مافيه فرق كلها مثل بعض ، ابغى طريقة ثانية اتاكد ان فعلا الفريون ناقص
قال لي : طيب وراح جاب جهاز وشيك على المكيف وقالي شوف المفروض انه يكون 60 مايكون 40
قلت له : طيب حط هالجهاز في المكيف الثاني خل نشوف ، وحطه في المكيف الثاني وطلع 40 وتفشل
قلت له : انا مااعرفك وانت ماتعرفني ، يمكن انت تبي تطلع مشكلة علشان تستفيد من هالمشوار الي جيته خصوصاً ان المكيفات جديدة وعلى الضمان ولكن العمال مايجون الا بطلب خاص وقروشة
قلت له انت ممكن تسوي هالمشكلة واسحب عليك ولااعطيك فلوسك وانت ممكن تقولي فيه مشكلة وهو اساسا مافيه مشكلة
انا مااعرفك وانت ماتعرفني ولابيننا ثقة ولاشيء ،
قال لي : خلاص انا مايبغى شغل انا يبغى رزق حلال وانت اول زبون يتعامل معي كذا يقعد يسال كل شوية ومايثق فيني
المهم قالي السعر في البداية 250 حتى كاسرته واعطيته 150 بعد ماطلعت ريحته
السؤال هنا : هل الشك بهذا الشكل وعدم الثقة في الاخرين يعتبر " مرض نفسي " ؟
لان لاحظت هالشيء فيني حتى في الاسواق اشك في العمالة الي تبيع انها تبيع لي السلعة مغشوشة .. الخ
المواضيع المتشابهه 
هل يعتبر هذا الشخص مريض نفسي عندما فعل هذا الشيء؟ 
العرض الشجري
