والله تعبنا على هالحال في هالبلد
لايجي مطبل ويشيد في الاماكن ويقول في حديقه وفي بركه وفي بحر
والله اننا شعب كاتمين كتم لا سينما لا اماكن ترفيه ولا دخول للمجمعات
وكأننا منبوذين
اللي يتعدى الحدود قصوا راسه موب عاقبوه فقط
لكن عطونا حقنا
ناس تطلع للبحرين وللقطر والامارات يرفهون عن انفسهم
والمصيبه بعضهم اذا طلع لها يخربها مع الاسف يشرب ويسكر واشياء اخرى
وحتى اهل البلد هناك يطقطقون عليه على ان سعودي دبشه
جاي يرفهه عن نفسه
ليش تحدونا نطلع من بلدنا من اجل اشياء بسيطه مثل سينما والاماكن الرياضيه
لا بطولات تقام عندنا ولا فعاليات ولا شي يخليك تسلي نفسك في اجازة الاسبوع
والله لو في دوام في يوم الاجازة كان داومت ولا جلسه البيت وطلع استراحات ومقاهي اللي تمرضت ولا تنفعت بشي
يعني الا تبون نقوي اقتصاد هالبلدان بذهابنا لها مثل الامارات والبحرين ولندن
طيب هالفلوس خلوها تجلس هنا في هالبلد بدل ما تطلع لهم
وبنفس الوقت تحاولون تقللون من طلوع البعض اللي يطلع يشرب ...
استروا علينا الله يستركم قبل ما ننفجر
انا الحمدلله شخص متربي لا عمري شربت ولا سكرت ولا دخنت ولا عملت اشياء مخله للاداب ولا اوقفت مره من الهيئه
ونفسي الكثير لكن لاتعممون على الشعب على انه شعب فاشل ولا يبحث الا عن اهداف جنسيه والله ما وصلنا الا هذا الوضع الا من كثر الكتم اللي على الشعب
خلونا نتنفس
المواضيع المتشابهه 
ملعون جدفنا في هالبلد .... لا متنفس ولا شي يسليك 
العرض الشجري
