اخواني الكرام ، انا سعودي وانحدر من عائلة سعودية
وبدون مبالغة هالعائلة مشهورة بـ الجمال والتفوق العلمي
عشان محد يقولي انت مهايطي أنا عني اتكلم عن نفسي وعن أهلي
من أولنا لآخرنا متفوقين دراسياً جداً ولله الحمد ومن أولنا لآخرنا جميلين الله يحفظنا
عموماً يجماعة الخير أنا عندي موهبة ممتازة جداً ب كرة القدم
وامتاز بالسرعة والتسديد القوي واللعب بالقدمين والمهارة العالية
والتسديد خارج منطقة الـ 18 والإيجادة بركل الضربات الحرة
موقعي المفضل جناح ايسر واجي جناح ايمن وصانع العاب ومهاجم
العمر يمشي والحياة قصيرة ونعيشها مرة وحده
المشكلة ان حالتنا المادية ضعيفة وأنا اتقطع ألماً كل ما أشوف أمي وأبوي عايشين على الحال هذا ..... يوم أحس ألم بضرسي مابي امي تحسه ولا ابوي
يوم احس بأي ألم بشكل عام حتى لو ضيقة مابيهم يحسون ب ضيقة ولا اكتئاب
ألاحظ على أمي وأبوي ألم الفقر والديون
حتى إني انظف البيت راحة لأمي واسويلهم اكلات صحية هي وابوي واهتم بالصغيرين واروح لغرفتي واتأمل حالنا الحزين هذا ودي اسعدهم وابسطهم قبل مماتهم
مانستحق والله العيشة هذي استغفر الله العظيم !
يعلم الله يا اخواني إني فعلاً بدون هياط لاعب خطير بشهادة الجميع
الكل يقول هذا شكله وجسمه جسم لاعب
هذا شكله ممثل كويتي
هذا شكله ولد شيوخ
هذا شكله وشكله ومايدرون ان حالتنا حالة والله !
الزبدة حرام والله تمر السنين وبعد عمر طويل ربي ياخذ امانة امي ولا ابوي وانا ماسويت انجاز بحياتي ولا قلبت الموازين وخليتهم يعيشون برفاهية وراحة وسعادة
أنا املك الذكاء والشكل والموهبة الرياضية ليه ما استغل هذي الاشياء قبل لا تندثر مع السنين هباءا منثورا ؟؟؟
اقسم بجلال العزة لو الله رزقني بأموال إني لا اعطيها امي وابوي كلها وانا اسوق بسكليت
عموماً من يستطيع ادخالي بأحد هالاندية الكبار الخمسة : الهلال - الشباب - النصر - الاتحاد - الاهلي
يكلمني على الخاص
واقسم لكم بالله إن الكلام غير مبالغ فيه وحقيقي 100% بكل حرف وإني لاعب يعتبر مكسب لكل نادي وللكرة والرياضة السعودية عامة
المواضيع المتشابهه 
رياضي من الدرجة الأولى 
العرض الشجري
