أولا اعتذر عن قلة كتابتي للمواضيع بسبب ضيق وقتي ولكن لاحظت هالاسبوع الناس كل يوم تنزل موضوع بكره نزول بكره نزول ويجي اليوم الثاني ونغلق اخضر وتستمر المواضيع بكره نزول الوضع صار شختك بختك نزل السوق قلنا شفتوا طلع السوق اختفينا @_@
ياجماعة الخير ترا فيه فرق بين نزول يومي ونزول لحظي
النزول اليومي يجي لما يكتمل موجه للمؤشر يصحح منها شيء بسيط ويواصل صعوده او العكس
اما النزول اللحظي فهوا طبيعي جدا ويحدث يوميا مو يوم او يومين كل يوم السوق يصير فيه نزول وهو يهم المضارب اللحظي
مثلا يرتفع السوق 300 نقطه يرجع ينزل 100 نقطة تضغط الشركات معه ويرتد 50 نقطه ترجع وهذا شيء طبيعي
اتمنى الاخوان اللي شغالين كر وفر بهالمواضيع بكره نزول بكره طلوع تتكلموا على مسار عام للسوق وراح ابدأ بالحديث ان شاء الله من هنا
سوق امريكي وخلصنا منه
بترول وخلصنا منه
اشتغلونا بميزانيه وخلصنا منها
وش باقي ؟؟ بيقولون نتائج الربع الرابع بتأثر نقول طبيعي جدا وفي صالحنا وماراح يزيد نسبة التأثير عن 300 نقطة لكن مو الان
لحظيا المؤشر
نقول فيه عمليه ضغط او نزول طفيف قادمه ولكن لا تخص الا المضارب اللحظي لكن الشعب المتعلقين واللي مستثمرين مالهم علاقه في هذا الضغط نهائيا واهم نقاط لخروج المضارب اللحظي هي كسر 8555 واتوقع اننا بعيدين عنها حتى لو ضغطنا لمستوياتها حيكون دافع قوي لتفجير حاجز 9000 النفسي
اغلاقنا 8749 دعومنا 8710 - 8680 - 8630 مقاوماتنا 8790 - 8811 - 8830
الاهم تجاوز 8888 وثبات فوقها لأستهداف 9000
يومي المؤشر
اغلقنا عند ترند هابط بعد ملامسته في مناطق 8811 تقريبا وماذا لدينا بعدها المؤشرات اليومي تحكي الى الاستمرار في العطاء للأيام القادمه واتوقع ان نشاهد هذا الاسبوع النقطه 9000 وبعدها 9200 ومن هناك يتم عملية جني ربح بحدود 300 نقطه الى 400 نقطه مابينها ومن ثم نواصل الاستمرار الى مناطق 9900 و 10200 ان شاء الله لن نذهب الى بعيد حاليا ولكن حنمشي درجه درجه حتى نصل بحول الله وقوته علما بان جميع الشركات حتعطي وهذه هي سنه الطفره ان شاء الله التي ربما ان نلامس فيها مناطق 14000 ان شاء الله
اغلاقنا 8749 دعم يومي 8486
مقاومة يومية 8960
^ أهم الدعوم والمقاومات
الوضع الحالي
تجميع هوامير ومرحلة شد انتباه المضاربين لقطاع ليتجاهلوا القطاعات الاخرى مثل ماحصل بالتأمين سحبوا المضاربه للقطاع بالاسبوع الماضي وتفرغوا في التجميع بشركات خارج القطاع ومن ثم جنوا ربحهم الخميس وسحبوا شركاتهم التي يجمعوا فيها بالقطاعات الاخرى ليبتعدوا عن مناطق تجميعهم الحاليه
لديهم ثلاث شهور لاستحواذ اكبر قدر ممكن من الاسهم في محافظهم لكبر سيولتهم وصعوبة ادخالها او تجميعها في يوم واحد وبعدها تبدأ اجراءات دخول الاجانب في التأسيس ومن ثم الانطلاقه الحقيقيه لمعنى الطفره
الاسبوع هذا بإذن الله سيعلن احتساب وزن البنك الاهلي حسب ماورد لي من اخبار وهذا حيكون محفز قوي لدخول قيادي جديد للسوق
هذا مالدي وصلى الله وبارك اللي يشوف كلامي فيه شيء من الخطأ يقدر يعدل او يصحح لي فالانسان معرض للصواب والخطأ
فإن أصبت فمن الله وإن أخطأت فمني ومن الشيطان
المواضيع المتشابهه 
كل يوم اقرأ مواضيع بكره نزول بكره نزول وماشفنا النزول ^_^ 
العرض الشجري
