قصص - روايات - حكاياتلطرح القصص والروايات الخيالية و الحقيقه و الكتابات الخاصة " ذات العبرة و الفائدة ",
القصص والروايات قصص واقعية و روايات - قصص واقعية، قصص عربية، قصص أطفال، قصص حب، قصص غراميه، قصة قصيره، قصة طويلة قصص روايات ادربيه طويله قصص واقعيه قصص روايات قصص حب قصص رومانسيه روايات رومنسيه قصص واقعيه قصص و روايات حب ,
(رشا : عملت تكسير للشعرها وحطت شريطة من قدام وعملت مكياج خفيف ولابسة فستان فستان قصير لونه وردي فاتح الفستان كان طبقات حلو عليها بما انها سمرة . )
(لانا : لابسة فستان لونه موف او بنفسجي كلو ترتر موف صغير فوق الركبة وسشورت شعرها على برة والمكياج حقها كان لونو اسود .)
(ريم : لابسة فستان لونو فيروزي طويل وكان مزموم من قدام ورافعة شعرها بتسريح حلوة والمكياج كان لونه ذهبي )
(هيا : لا بسة فستان لونه اخضر مشع قصير من قدام وشريطة ذهبية من قدام وشعرها عملتلو فير والمكياج كان لون ذهبي )
بعد ما خلصو راحو للقاعة
هيا : بنات انا رايحة اسلم على بنت اعرفها
البنات : اوكي
هيا : اماني كيفيك
اماني : كويسة انتي كيفك
هيا : بخير
اماني : مرا شكلك يجنن
هيا : هذا من ذوقك
هيا : انتي كمان حلو شكلك
اماني : ثنكس حياتي
اماني : هيا سوري بينادوني
هيا : ولو عادي
اماني : اوكي قلبي اشوفك بعد التخرج
اماني : باي
هيا : باي
المعلمة : بنات كل وحدة في مكانها حتبداء المسيرة
المعلمة : الطالبة المتفوقة : هيا ...............
لانا : يا حليلها هيا مرا حلو شكلها
رشا : ايوا مرا
لانا : دحين دوري
المعلمة : لانا ..................
رشا : لانا لانا
المعلمة : رشا ...................
المعلمة :ريم ....................
المعلمة : الان مع كلمة مديرة المدرسة
المديرة : اشكر جميع الحضور اود ان اقول ان احببت هذه الدفعة دفعة 2009 وانهم موهبات جدا وسوف اشتاق اليهم واتمنى لهم مستقبل باهر مليئ بالسعادة والفرح وشكرا
وانتهى التخرج
رشا : لانا شكلي حلو
لانا : ايوا مرة يالله روحي
ريم : وإذا مداك تعاليلنا
رشا: انشاء الله
لانا : واعطينا الاخبار لاتنسي
رشا : اوكي باي بنات
البنات : باااي
في السيارة
رشا : شغل c d
السواق : اوكي
وجلست تفكر كيف حيكون شكلو و كيف طولو وصوتو ياااربي مرا متحمسة اشووف
وهي جالسة تفكر قطع صوت السواق حبل افكارها
السواق : مدام وصل
رشا : اوكي ارجع البيت بعدين انا اتصل عليك
السواق : اوكي
دخلت رشا البيت اول ما دخلت شافت جدتها
رشا : مراا وحشتيني
الجدة : انتي كمان مفروض تزوريني كل اسبوع مو من شهر لشهر
رشا : حقك عليا
رشا: مين جا
الجدة : ام غادة واختي وغادة وبدر وناس مني حافظة والله
رشا : اوكي شكرا يالله اروح اسلم عليهم
دخلت وسلمت على اخت جدتها بعدين ام غادة بعدين جاء الدور على بدر
رشا : كيفك بدر
بدر : كويس انتي كيفك
بدر: انتي ريما
غادة ادخلت : لا يا بدر دي مو ريما دي رشا اشبك نسيتها
بدر : سووري رشا
رشا : عادي ما صار شيء
وسلمت على غادة وجلست 0
0
0
0
0في مكان ثاني بس في نفس الوقت
الرجال : لو سمحتو اتركوني اروح
الشرطي : لا ما يصير ما معاك ورقة دخول
الرجال : والله ضاعت مني
الشرطي : هذا مو شغلي
الرجال : يعني اش حعمل حقعد هنا طول اليوم
الشرطي : اذا عندك احد هنا اتصل عليه يخرجك
الرجال : كم مررة قلتلك ما عندي احد
الشرطي : طب ليش جاي
الرجال : بس عندي اخت جاي اعملها مفاجاءة
الشرطي : المعذرة بس لازم تتصل عليها
الرجال : لو سمحت ما اقدر
الشرطي : وانا اعذرني ما اقدر
الرجال : طيب دقيقة
وجلس يتصل
في مكان ثاني
ريم : اخفضو الصوت حق الاغاني في صوت جوال
لانا : مو جوالي
ريم : وانا كمان
هيا : جوالي بس دقيقة الو مين
الرجال : احد ما يعرف صوت اخوه
هيا: خالد وحشتني
خالد : وانتي كمان
هيا : اليوم يوم تخرجي ومحد جاء
خالد : ليه من قال
هيا : يعني انتا جيت
خالد : ايوا بس مري عليا
هيا : انتا وين
خالد : في الشرطة
هيا : من جد بلا استهباااال
خالد : والله مري عليا
هيا : اش تعمل هناك
خالد : تعاليلي بعدين اقلك
هيا : اوكي دقائق واجي
خالد : يالله بسرعة
هيا : اوكي
هيا : باي
خالد : باي
لانا : مين
هيا : خالد
ريم : خالد اخوك
هيا : ايوا
لانا :هو هنا
هيا : ايوا
هيا للسواق : روح لمركز الشرطة
السواق : حاضر
لانا : ليش يروح للشرطة اش صاير
هيا : مدري خالد هناك وقال تعاليلي للشرطة
ريم : ما تعرفي اش فيه
هيا : لا ما قال شيء قال بس تعالي
السواق : مدام وصل
هيا : دقيقة اتصل في خالد
خالد : ها انتي فين
هيا : انا قدام المركز
خالد : دقيقة بس
هيا : اوكي
خالد للشرطي : اختي برا
الشرطي : اتصل عليها خليها تدخل جوا
خالد : ما يصير كيف بنت تدخل الشرطة
الشرطي : ما عندك اي احد رجال في المنطقة
خالد : لا
الشرطي : وين الوالد
خالد : متوفي
الشرطي : عمانك اوخيلانك
خالد : خيلاني مو سعودييين وي مو هنا
الشرطي : و عمانك
خالد : ما بيننا وبينهم شيء
الشرطي : يعني
خالد : ما ينفع تتطلعني
الشرطي : والله يا ولدي ما اقدر
خالد : طيب دقيقة
واتصل على هيا
هيا : الو
خالد : هيا تعالي جوا
هيا : خالد وين ادخل
خالد : جوا المركز
هيا : ليش
خالد : ادخلي بعدين افهمك
هيا : اوكي
لانا : اش فيه
هيا : ما ادري خالد يقول ادخلي جوا
لانا : ليش
هيا : ما ادري
هيا : دقائق واجي
واتصلت في خالد :خالد انا جوا وين اروح
خالد : اسئلي عن غرفة الشرطي محمد ............
هيا : دقائق
وساءلت احد الوظفين ودلها على الغرفة ودخلت
هيا : السلام عليكم ورحمة الله وبركاته
الشرطي : وعليكم السلام
الشرطي : هذا اخوك
هيا طالعت في خالد وقالت : ايوا نعم
الشرطي : طيب وين الوالد
هيا : متوفي
الشرطي : طيب خيلانك
هيا : مهم بسعودية
الشرطي : ينفع توقعي على هذي الاوراق
هيا : ايوا طبعا
هيا : ويخرج خالد
الشرطي : ايوا نعم
وقعت وخرجت معه
هيا : ليش ما قلتلي انك جيت
خالد : كنت حاب اعملك مفاجاءة
هيا : برضو كذا تخوفني عليك
خالد : ابغى ارتاح وين السيارة
هيا : هذه السودا
ودخلت هيا السيارة
ودخل خالد السيارة وطالع في السواق ولف على هيا :متى جبتي سواق وسكت
هيا : سوري نسيت اقلك صحباتي معايا في السيارة
خالد : اهلين
لانا وريم : اهلين
خالد : يصير انا حروح مع تاكسي
هيا : ليش
خالد : عشان تاخذو راحتكم
لانا : وي عادي مرا
خالد : لا ما يصير
لانا : عادي بعدين كلنا رايحين لنفس المكان
خالد: على راحتكم 0
0
0
0
0
ونرجع لمكان الثاني
بدر : يالله يا جدة انا رايح
الجدة : وين رايح بدري
بدر : بدري من عمرك بس تاخرت وابغى انام
الجدة : اها عشان اليوم جيت من السفر ما حقول شيء بس مرا ثاني ياويلك
بدر : يصير خير
غادة : اوصلك لعند الباب
بدر : لا لتعبي نفسك
غادة : تعبك راحة
بدر : على راحتك
ولما وصلو لين الباب
بدر : سوري غادة ما تكلمنا اليوم كثير
غادة : عادي الجيات اكثر
بدر : يالله باي
غادة : باي
رشا للجدة : انا كمان رايحة
الجدة : ليش كنت حابة تنامي عندي اليوم
رشا : اليوم يوم التخرج ووعدت صحباتي انام عندهم
غادة : تروحي دحين لبيت الناس ما تستحي
رشا : انا مني رايحة لبيت غريب انا رايحة لبيت صحبتي وصحبتي زي اختي
غادة : برضو مايصير
رشا : أنتي مو ولي امري عشان تتحكمي فيا
غادة : جد بنات ما تربوا
رشا : وضحي قصدك
غادة : اللبيب بالإشارة يفهم
الجدة : معليكي يا بنتي منها المهم ناس كويسة
رشا : معك حق يا جدة هم ناس كوييسين
وسلمت على جدتها
في السيارة
ووين حطيت مفتاح البيت
جلس يدوره يدوره وافتكر انو نسيه فوق عند بيت الجدة
رشا وهي نازلة معصبة من غادة ومن بدر ما سلم عليها وهو خارج
وهي بتنزل من الدرج ما انتبهت لدرجة وطاحت ونزل من راسها دم ومن رجلها
بدر وهو طالع يجيب المفتاح انتبه انو في دم في الدرج وطلع بسرعة
وشاف بنت طايحة على الدلرج وكلها دم
بدر: مين مين انتي
رشا بصوت واطي : رشا
بدر : مين
رشا : انا رشا
بدر: رشا
غمضت رشا عيونها يعني ايوا
بدر : تقدري تمشي
رشا : ايوا
ووقفت وهي بتمشي طاحت على الدرج تاني
بدر: شكلك منتي قادرة تمشي اشيلك
رشا : لا اقدر امشي
بدر : لا منتي قادرة
رشا : إلا اقدر ووقفت ولما كانت حطيح مسكها بدر
بدر : رشا بطلي عناد
رشا : لا ما ابغى اقدر امشي
وغمضت عيونها ترتاح
بدر : رشا رشا ردي عليا
وما لقى رد فقرر انو يشيلها حط يده الأولى تحت ظهرها والثانية تحت رجلها وراسها حطها جهت صدرو عشان يغطي جهت الدم وهوبينزل
فتحت رشا عيونها ونزلت دمعة فرح من عيونها من 3 سنوات تحبو ودحين هو شيلها
انتبه بدر للدمعة وقالها : بتتعوري
رشا بصوت يدوب ينسمع : لا
بدر : طب ليش بتبكي
سكتت رشا وجلست تنزل دمعات من عيونها بس من غير صوت
بدر : رشا رشا يعورك شي
ما لقى جواب خاف انو البنت تروح من يدو فنزل من الدرج بسرعة 0
0
0
0
0
وفي مكان ثاني
لما وصلو البيت
خالد : يالله باي
هيا : وين حتروح
خالد : السيارة وقلنا عادي بس البيت لازم تننبسطو اليوم يومكم
هيا : طيب وين حتروح ما عندك احد هنا
خالد : الله يخليلي الفنادق
شهقت لانا : انت عندك بيت طول وعرض وتروح لفندق
خالد : عادي عشان تاخذو راحتكم
ريم : يا خالد عادي
خالد : لا مو عادي اليوم يومكم هيصو ونبسطو
لانا : خلا ص انت ارتاح في بيتك وحنا نروح بيتي
خالد : لا وي بيتي بيتكم
لانا : يصير انزل معانا
خالد : ها هيا
هيا : زي ما قالو
خالد : اوكي
لانا : كان قلت كدا من زمان وريحتنا
خالد ل هيا : صحباتك مرا مفلتين
لانا : كدا يا خالد واحنا نبغى راحتك
خالد : دقيقة احنا جالسين نتكلم من زمان ومني عارف اسميكم
لانا : انا لانا
وريم : انا ريم
وهيا : انا هيا
خالد : لا يا شيخة
هيا : من جد انا هيا
خالد : طب انا خالد
وضحكو ونزلو من السيارة 0
0
0
0
0وعند رشا
لما طلع بدر من البيت
احتار وين يحطها قدام ولا ورى لوحطها قدام ممكن الناس يتغربو من شكلها ولو حطها ورى ما في حزام فممكن تتطيح وهو جالس يفكر
ناده واحد
طلال : بدر وين رايح ما سلمنا عليك وانتا واعدني انو تستناني لما اجي
وانتبه للبنت الي شايلها بدر
طلال : مين دي
بدر : رشا
طلال : رشا مين
بدر : رشا اخت احمد
بدر : اقلك ربي جابك خذ سوق وانا حمسك البنت عشان لا تطيح
طلال : طب ليه ما انا امسكها وانت تسوق
بدر : والله مو وقتك وبعدين دي قريبتك مو وحده من الشارع
طلال : طيب لا تعصب
دخل بدر وحط راس رشا على رجلو ويدو على بطنها عشان لا يصير شيء وتتحرك
طلال وهو يسوق : اشوف عاجبك الوضع
بدر : طلال بل مصاخة دي قريبتك وبعدين انتى عارف انو انا
احب غادة
على دي الكلمة صحيت رشا وحست بطنها بتعورها
تبغى تحط يدها وتشد على بطنها
بس بالغلط حطت يدها عل يد بدر
وهي تحسبها بطنها وشدت عليها
حس بدر بشيء يشد على يدو
فشاف انو رشا صاحية
بدر لرشا : في شيء يعورك
رشا بصوت مبحوح : بطني مرا تعورني
بدر: في شيء اقدر اعملو
رشا : بس شد عليها
بدر: كدا
رشا : اقوى
وشدت على ايدوا
وغمضت عيونها
بدر : رشا رشا ردي عليا
ما في جوااب
بدر وجلس يضرب على خدها بشويش
برضوو ما في جوااب
بدر لطلال : بسرعة لا تروح البنت
طلال : بشويش وبعدين كل دا عشنها قريبة لك بس
مو شيء ثاني
بدر : شيء ثاني زي ايش
طلال : انتا ادرى بنفسك
وبعدين انتا منتا شايف انو جسمها كلو باين كيف حدخلها
المستشفى كدا وكلو رجال الرايح والجاي حيشوفها
بدر : ليه كل الناس زيك
طلال : دحين جالسين نضارب على بنت اول مرة
تقابلها وجالس تسبني انا صاحبك الي من 6 سنوات
انا ما كان قصدي شيء بس انتا لوترضى على الرايح
والجاي يشوف قريبتك انا ما ارضى انو يشوف قريبتي
لاتنسى بس انها قريبتي كمان
بدر : فهمنا
ورااح لعند رجلها وجلس يقفل العباية اما راسها ما حط عليه شيء
عشان الدم الي بينزل منو
طلال : يالله وصلنا
بدر: اوكي
وشالها وعلى طول من باب الطوارئ 0
0
0
0
0
في مكان ثاني
لانا : انا حروح اسخن اكل في احد يبغى شيء من المطبخ
ريم : انا ابغى كولا
هيا : اجلسي انا اروح اصحي الشغالة
لانا : ما لو داعي انا اسخنو
هيا : على راحتك
انا سخنيلي اي شيء معاك
هيا : اوكي
ودخلت المطبخ لقت خالد بيسخن اكل
لانا : انت برضو جوعان
خالد : ايوا وانتي
لانا : انا بموت جوع
انت روح انا اسخنلك وكلنا ناكل مع بعض
خالد : لا عادي
لانا : من جد
خالد : اوكي انتي سخني بس انا حقعد عشان اشيل معاك
لانا : لا عادي انت روح اقعد على الطاولة وانا
اسخن الاكل واجيبو
خالد : لا ما يصير وحدة بوحدة
لانا : على راحتك
ودق صوت المكرويف انو الكل خلص
فتحت باب المكرويف ونسيت تحط شيء على يدها
عشان الصحن حار
ومسكت الصحن تبغى تشيلو بس
اتحرقت وطيحتو من يدها
انتبه خالد للصوت وشافها تبكي
خالد : لانا اش فيه
لانا : اتحرقت
خالد : لانا فين اتحرقتي
لانا : في يدي
خالد : اعطيني اشوف يدك
مدتلو يدها
خالد : مرا حمرا دقيقة اروح واجيب المرهم
لانا : لا ما لو داعي
خالد : لا اش الي مالو داعي يدك مرا حمرا
لانا : لا دحين تروح
خالد : لانا بلا دلع
لانا : اوكي
وراح غرفتو وجاب علبة الاسعافات الاولية
ورجع للمطبخ
فتح العلبة وخرج مطهر جروح
وحط على يد لانا اتحرقت لانا وشالت يدها
خالد : رجعيها ليش شيلتيها
لانا : يحرقني
خالد : معليه هو بس كدا في البداية
لانا : ما ابغى خلاص
خالد : لانا مو على كفيك
لانا : طيب بس بشويش
خالد : اوكي
ومسك يدها المجروحة بيدو وحط عليه المطهر حرقها تبغى
تشيل يدها ما قدرت مسكت يدها الثانية تبغى تحطها على الجرح عشان
لا تتعور
مسك خالد يده الثانية صارت اياديها كلها ماسكها خالد
لانا : خالد يعور
خالد : لانا دقيقة لما ينشف
لانا : ما اقدر يعورني ابغى امسحوا
خاد : لانا بلا دلع
خالد : اجلسي على الكرسي عشان احطلك الشاش
لانا : وي و انتا
خالد : انا ايش
لانا : ما تبغى تجلس
خالد : الا بس ما في كراسي جمب بعض كيف ححطلك الشاش
لانا : طيب انتا اجلس وانا اوقف
خالد : لا ما يصير
لانا : ليش
خالد : كيف ححطلك الشاش
لانا : عادي
خالد: لا مو عادي
واقعدي
لانا : طيب
وجلس يحطلها الشاش
خالد : خلصت
لانا : شكرا
خالد : عفوا
خالد : تبغي اروح اجيب عشى
لانا : لا لا اتعبك
خالد : تعبك راحة
انحرجت لانا مين دي الكلمة وحطت عيونها في الارض
خالد : اش فيه زعلتي
لانا : لا ما زعلتي بس خلاص انسدت نفسي من الاكل
خالد : متاكدة
لانا : ايوا
خالد: عيني بعينك
رفعت لانا عنها لعينو
وسألها خالد : متاكدة
نزلت لانا عيونها
خالد : ليش نزلتي عيونك
تبغي تاكلي صح
لانا وهي بطالع في الارض : لا ما ابغى
خالد : طيب ارفعي عيونك
لانا : طيب
ورفعت عيونها وقالت : ما ابغى اكل
خالد : طيب ينفع اطلب طلب بس لا ترديني
لانا : تفضل
خالد : روحي معايا نشتري ايس كريم
لانا : لا خالد ما اقدر
خالد : ليش
لانا : صعبة
خالد : ليش خايفة مني
لانا : الحكاية مو خوف بس يعني الدنيا ليل مو حلو لو احد
من اهلي شافني معاك حيحسب شيء غلط
خالد يبغى يحرجها : غلط كيف مني فاهم
لانا : انت عارف يعني يفهم غلط
خالد : انتي عارفة اني ما اعيش هنا فما افهم
يعني كيف غلط فهميني
لانا : يعني انو انتا صاحبي او حبيبي
خالد يبغى يحرجها : ليه وانا ايش
لانا : خالد بطل احراج
خالد : هههههههههههه
خالد : طيب ما تبغي تطلعي انا اجيبو لحد هنا
لانا : اوكي
خالد : اش تحبي طعم
لانا : فانليا
خالد : طيب روحي اساءلي الباقين ايش يبغو
راحت لجهة غرفة هيا ودخلت
هيا اول ماشافتها قالت : وين اختفيتي دا كلو عشان تسخني اكل
لانا : يقلكم خالد اش تبغو ايس كريم
هيا : قلتيلي خالد وغمزتلها
لانا : بلا احراج
انتبهت ريم ليد لانا وقالتلها
ريم : اش صار فيدك
لانا : ولشيء بس اتحرقت
هيا : مين عملك الشاش مرا مزبوط انتي
ما تعرفي لدي الا شياء
لانا : خالد
هيا : قلتيلي خالد تاني وغمزتلها
لانا مسكت المخدة الي جمبها وورمتها على هيا
لانا : دحين اش تبغو تاكلو خالد يستنى
هيا : انا توفي
ريم : شوكلاتة
لانا : اوكي
وراحت لخالد : هياتوفي وريم شوكلاتة
خالد : وانتي
لانا : خالد كم مرة اقولك فانليا
خالد : طيب لا تعصبي
لانا : مني معصبة
خالد :رخي صوتك
لانا : مو شغلك
خالد : نشوف مين حيجبلك
لانا : مشكور مستغنية عن خدماتك
وطع خالد مين البيت
دخلت لانا غرفة هيا وهي معصبة
هيا : اش فيك دوبك كنتي زي العسل
لانا : اخوك الغبي
هيا : اخوي انا اش عمل
لانا : وحكتهم بكل الي صار
هيا : سبيكي منو كلي معايا
لانا : ما ابغى اكل من شيء هو جابو
هيا : على راحتك بس لا تعصبي
لانا : اوكي
بعد 10 دقائق دق جوال هيا
لانا : مين رشا
هيا : لا خالد
لانا : وع
هيا: دقيقة : الو خالد طيب دقيقة واجي
وبعد شوي دخلت هيا ومعاها كيس كبير
وجلست توزع
هيا : مين شوكلاتة
ريم : انا
اعطتها العلبة
هيا : وانا توفي
وطالعت في لانا وضحكت
انتبهت لانا : اش فيه
هيا : اعطتها علبة من المقاس الكبير كلها فانليا
لانا : لمين
هيا : لك اجل لمين
مسكت لانا العلبة وانتبهت انو عليها كرت
فتحت الكرت وكان مكتوب فيلو
(سوري بس ما حبينا نزعل
الحلوين مننا )
ضحكت لانا وقالت : اخوك تحفة
استغربت هيا و قالت : ليه
أعطتها لانا الكرت
بعد ما قراءت هيا الكرت:
صار فيه حبايب في البيت
مني نايمة إلا لما تنامي
ما نضمنك
ريم : ايش الحكاية
اعطتلها هيا الكرت : وقالت عقبالي يارب
وضحكو كلهم 0
0
0
0
0
نرجع لرشا
دخل بسرعة بدر باب الطوارئ
وشافتهم ممرضة قالتلهم بسرعة حطوها على السرير
حطها بدر وعلى طول جري بها
قالتلهم الممرضة يستنو قدام الغرفة الي دخلو رشا فيها
وبعد نص ساعة
طلعلهم الطبيب : انت تقرب للمريضة
بدر ايوا
الطبيب : وين ابوها
بدر : مهو موجود
طلا ل: البنت فيها شيء
الطبيب : لا بس عملنلها خياطة في راسها
وكان عندها كسر في رجلها
بدر : بس كانت بطنها تالمها
الطبيب : والله ما فيها شيء غير الي قلتلكم هوا
طلال : طيب متى نقدر ندخل على المريضة
الطبيب : تقدرو دحين
بدر : صاحية
الطبيب : ايوا
بس لازم واحد فيكم يعمل اجراءات
خروج المريضة ما ينفع تروح
كدا
طلال : ينفع ندخلها بعدين نعمل الاجراءات
الطبيب : ايوا ينفع ما في اي مشاكل
يالله عن اذنكم
طلال : اذنك معاك
بدر: يالله ندخل
طلال : هذا الي همك
بدر: الله يخليك لا تفشلنا عند البنت
ودق الباب
ودخل ودخل بعدو طلال
بدر : كيفك رشا
رشا : كويسة
وطالعت في طلال
بدر : سوري هذا طلال
صاحب احمد منتي فكراه
رشا : لا
رشا : متى اطلع
بدر : دحين إذا تحبي
رشا : ياليت
بدر : بس انا وطلال نخلص الإجراءت ونجيكي
رشا : اوكي
طلال: لا انا حقعد عند رشا عشان لا يصير لها شيء
بدر : لا محيصير شيء انا ابغاك تجي معايا عشان اتفاهم مع الرجال
طلال : ليه ما تعرف تتفاهم
بدر : تعرفني مني شاطر في دي الاشياء
طلال : يوه شكلك مومعاك فلوس كان قلت من زمان
بدر: لا معايا اقلك : خلاص لاتجي
وخرج من الغرفة
دقيقة وطلع صوت مسج
فتح طلال الرسالة وكانت من بدر
( لو عملت فيها شيء يا سواد ليلك )
ضحك طلال وطالع في رشا :
منتي فكرتني
رشا : لا مين انت
طلال : ممكن إذا قربت منك حتفتكرني
ممكن اجلس في الكرسي الي جمبك
رشا : ايوا عادي
(طلال في عقلو يقول يا حليلك)
طلال : كم عمرك
رشا : اليوم او بالاصح امس كان التخرج حق الثانوي
طلال : مبروك
رشا : الله يباركك
طلال : نسيت الدكتور قال لازم احس حرارة يدك
رشا : ليه
طلال : هو يقول عشان الكسر الي في رجلك لا يأثر على
على حرارتك بعدين ترتفع
رشا : اها
طلال : طيب ينفع اقعد في السرير عشان اقدر احس
يدك وجبينك
رشا : ايوا تفضل وبعدتلو مكان عشان يجلس
طلال :شكرا وجلس 0
0
0
0
0عند بدر
خايف بدر ليعمل طلال في البنت شيء
بدر للموظف الي جالس يشتغل :
ممكن تسرع شويا
الموظف : معليه حصل ضرر في المكينة ولازم تستنى
قرابة ربع ساعة
بدر : طيب ما ينفع اروح اجلس في غرفة المريضة وترسلولي
الورقة مع النيرس
الموظف : لا ما يصير عشان دي اشياء مالية المعذرة تقدر تعذرنا
واتفضل تستريح في الكرسي
بدر : اوكي
(بدرفي نفسو : دي قريبته مهما كان محيعمل فيها شيء )
0
0
0
0
0
عند بيت هيا
هيا : اش رايكم نلعب لعبة
ريم :اوكي اش نلعب
لانا : انا عندي لعبة
نلعب
( حقيقة او جراءة )
هيا : اوكي
ريم : اوكي
وبداءت اللعبة وجاءت
على انو لانا تسال ريم
لانا : يالله اختاري اش تبغي
ريم : حقيقة
لانا : اش صار قبل يوم التخرج بيوميين
ريم : والله انك وحدة حيوانة
هيا : يالله ريم اش صار حمستيني
ريم : بالغلط حضنت قريبي وانا لابسة شورت
حسبت اخويا
بعدين جاء الدور على ريم تسال هيا
ريم : يالله اختاري
هيا : حقيقة
ريم : انا مني حيوانة زي بعض الناس
لانا : المهم اساءلي
ريم : متى اخر مرة حبيتي واحد من جد
لانا : من قبل يومين
ريم : السؤال لهيا
هيا : من قبل سنة
ريم : اها
بعدين جاء الدور على ريم تسأل لانا
ريم : يالله اختاري
لانا : جراءة
انا مني خوافة
ريم : اوكي نشوف
روحي لخالد واحضنو وقوليلو انا احبك
لانا : احضنو اوكي بس اقول انا احبك صعبة
ريم : لا يا خوافة
الشرط هو الشرط
لانا : انا مني خوافة وحتشوفو
وراحت لعند خالد
وقالت :
[COLOR="Purple"]انتهى البارت ويارب يعجبكم
الكاتبة : jolly
المواضيع المتشابهه 
(يهمك في ايه ) اول رواية لية ويارب تعجبكم 
العرض الشجري
