منتديات شمس الحب - تفتيح الجسم بالكامل


	بسم الله الرحمن الرحيم تفتيح الجسم بالكامل(وصفات طبيعيه 100%) فيه كذا طريقة لتفتيح الجسم بالكامل.. تعالي وشوفي.. ماسكات الحنة الطريقة الأولى المقادير: نص فنجان حنة. ربع فنجان ترمس مطحون. شوية مية للعجن. الطريقة: اخلطي المقادير كلها مع بعض لغاية ما تبقى زي الكريمة، سيبي الخليط على الجسم 5 دقايق، وافركي الجسم بالليفة، واغسليه بالصابون اللي عملناه لغاية ما يزول لون الحنة تدريجيا، وادهني الجسم بخليط متساوي من زيت الأطفال وزيت اللوز المر وعصير ليمونتين. الطريقة التانية المقادير: 2 معلقة كبيرة حنة. عصير ليمونة. شوية زيت زيتون. الطريقة: اعجني الحنة بعصير الليمون وشوية زيت زيتون وسيبيها على الجسم دقيقتين أو تلاتة وشيليها بالمية والصابون. الطريقة المغربية لتفتيح الجسم المقادير: 5 معالق حنة. 8 معالق سكر. 5 معالق قرنفل مطحون. معلقة صغيرة كركم ناعم. زيت لوز أو سمسم. الطريقة: اخلطي المقادير الجافة كلها مع بعض، وحطيهم في علبة وعند الاستخدام خدي من الخلطة معلقتين، وضيفي ليها معلقة صغيرة زيت لوز أو زيت السمسم وسيبيه على الجسم ربع ساعة وبعدين شيليهم بمية كتيرة جدا، ويا سلام بقى لو تعملي بعد كده حمام مغربي ... وابقي ادعي لي. ماسك الفازلين المقادير: نص علبة فازلين صغيرة. فنجان زيت الخروع. فنجان زيت اللوز. 2 معلقة زيت السمسم. عصير ليمونة ونص. الطريقة: اخلطي المكونات دي كلها وخليها على الجسم طول الليل واغسليها الصبح بالمية والصابون. ماسك شمع العسل وده بقى ماسك روعة لتفتيح وتنعيم الجسم بالكامل. المقادير: 2 معلقة كبيرة زيت اللوز المر. 2 معلقة كبيرة زيت الورد. 1 معلقة كبيرة جلسرين سايل. 1 معلقة كبيرة شمع العسل. 1 معلقة كبيرة حلبة مطحونة. 1/4 معلقة عشبة الزيزفون مطحونة. الطريقه اخلطي قة:المكونات كلها مع بعض واعصري عليها نص ليمونة واستخدمي الخلطة دي يوميا لمدة أسبوع وبعدين مرة واحدة في الأسبوع وراح تشوفي الفرق