 منذ /07-20-2013, 04:34 AM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  قالوا وحيد وقلت ما عندي اوناس.... رحمه الله جابها على الجرح
قصيده للامير الشاعر محمد الاحمد السديري ..... رحمه الله قالوا وحيد وقلت ما عندي اوناس
وقالوا غريب وقلت بارض بعيده
ابعدت ما بي اشوف ناسٍ من الناسٍ
بعدت عن بعض الملا وتعديده
مطاوع قلبي على كل الاجناس
والبعد عن شوف المكاره يفيده
اخترت بعد الدار عن قرب الانجاس
عن دارهم نلقى ديارٍ جديدة
في وسط نجد اتبع هوا كل نسناس
واطرب لشوف اطيورها وتغريده
اعشق ليالي نجد لوانها ادماس
وايامها عندي جنان سعيده
شمي لعشب رياضها يقعد الراس
وما فات من ساعات عمري يعيده
شوف الزهر يبعد عنا كل هوجاس
ويريح من قلب الشقا ما يكيده
وحس الرعد في رايح المزن رجاس
دقات عودٍ عند سمعي فريده
و إن قال لي بعض المخاليق لاباس
قلت الهضايم بالضماير مجيده
الله من همٍ بين أضلاع غطاس
لاقام وسط القلب و ابطى شديده
فكرت بالدنيا بتقدير و احساس
ولا جتني الدنيا على مانريده
اللي نبى تقطعت عنه الارماس
عنه اختقت كل العلوم الوكيده
القلب يبغض كل غادر و بلاس
اللي يلطخ دم الأجواد بيده
و أحب من يتعب على كل نوماس
ومنفيض جوده ما يمد الزهيده
اللي ليا كادت و الارياق يباس
يصبر على كود الأمور الشديدة
و للنفس عن طرق المثاني حباس
يتعب على كل العلوم الحميده
و احب نجد و كل حبي على ساس
حبٍ بقلبي له قصورٍ مشيده
عندي وعرها مع سهلها و الاطعاس
غابات وردٍ في زهورٍ نضيده
برياضها محلى هدد كل قرناس
ان شاف حفان الحباري يصيده
عدل المناكب لأبرق الريش دواس
ماناش في مخلاب كفه يجيده
يا حلو هداته ع الجول غلاس
ينحر كثيره و يتعدى الفريده
أجرد عديم الهايش الخرب فراس
و الطايره لو ترتفع ماتكيده
ايام عجات الهدد كله اوناس
يا حلو بالخد البياح اتهديده
تستطيع المشاركة هنا والرد على الموضوع ومشاركة رأيك عبر حسابك في الفيس بوك
rhg,h ,pd] ,rgj lh uk]d h,khs>>>> vpli hggi [hfih ugn hg[vp
|
|
|  |
المواضيع المتشابهه 
العرض الشجري
