منتديات شمس الحب - أبغى أخذ بيت عن طريق شركة عقار نصايحكم لي ..

السلام عليكم و رحمة الله و بركاته

صباح / مساء الخير

أنا بشتري بيت بدون ما يكون معاي متضامن و اللي اعرفه ان البنوك كلها تجبرك اذا بتشتري عن طريقها لازم يكون معاك شخص متضامن المهم رحت لشركة عقار و عطوني هالحسبة

606.541 ألاف ريال على راتبي 5900 ريال

طبعا على 27 سنة و عمري أنا 38 سنة و بيطلع الاجمالي مع الفوايد

طبعا هم وسيط بيني و بين البنك 1146.970 مليون و مية وست و أربعين و تسع مية و سبعين ريال

طبعا سئلت عن الفايدة و قالي 3 و نص %

طبعا أنا ادور بيت دور و قالي لو حصلت بيت دور بـ 450000 ألف ريال و تبغى
تأخذ 600000 ألف ريال عادي نشتري لك البيت و نعطيك الباقي كاش يعني 150000 ألف ريال

طبعا القسط 3540 ريال شهريا على 27 سنة

عندهم ميزة و اللي هي تقدر تدفع حق سنة و ما يسحبون من راتبك و لا ريال او تخليهم ياخذون شهريا

و لو لا سمح الله في حال الوفاة تطيح المديونية و كذلك العجز الكلي

طبعا اخواني بغيت استشيركم هل اخذ عن طرق هالشركة و هل البنوك فعلا ما يعطون الا أتضامن مع أحد و هل فايدتهم اكثر من البنوك مع العلم انهم وسيط للبنك بس قسطهم كويس ما هو زي البنك و هالمبلغ يجيب لي بيت دور في شرق الرياض او دور و شقة حتى لو قديم مو مشكلة

في انتظاركم