واحد من اصحابي جاني وقال لي
ان شاء الله زواجي الصيفيه الجايه قلت له من جدك انت
قال والله صادق
قلت طيب توك صغير على الزواج
قال ليش شايفني موب رجال
قلت له لا العفو بس الزواج مسؤليه ووجع راس ويبي له مصاريف
قال والله ياخوي انا مليت وذبحتني العزوبيه
اتزوج احفظ لي من الانحرف طبعا الرجال ملتزم (مطوع)
قلت له طيب من الي بيزوجك وين بتسكنون
قال فيه جناح في بيتنا نسكن انا وياها فيه إلين تتيسر اموري
قلت له والمصاريف قال ابوي عليه يزوجني وانا علي اصرف عليها
قلت ومن وين بتصرف عليها وانت توك طالب بالجامعه وباقي على التخرج وقت طويل
قال يقول الرسول صلى الله عليه وسلم (ثلاثة حق على الله عونهم وذكر منهم الناكح الذي يريد العفاف).
وانا رجال ابي العفاف
عندي مكافئة الجامعه وبدور لي شغله اضافيه إلين نتخرج وتتيسر الامور
وقال قبل ما اتزوج بشرط عليها ترى هذي حالتي يعني بنعيش على الميسور (مد ارجولك على قد الحافك)
طبعا ذا الي اتكلم عنه للحين ما دخل 21
صراحه كلامه مقنع وخاصه انه جاب كلام من الرسول صلى الله عليه وسلم
انتم وش رايكم كلامه صح ولا غلط
المواضيع المتشابهه 
العرض الشجري
