منتديات شمس الحب - على المشــراف سقــت الرجل طـــوعي

على المشراف سقت الرجل طوعي = بتالي عصير مقْفي عن ربوعي

أبي آ قـف براسه واتفـكّـر = وهاض الجاش من لحظة طلوعي

ذكرت اللي مضالي من حياتي = وعلى الذكرى تحدّرن الدموعي

طـــرالي وقتـنا بايّــامنا اوّل = وفاع القلب من بين الضلوعي

يمر بخاطري الفين صوره = صور في الذاكره من كل نوعي

سـقاك الله ياعصر ٍ تصرّم = عليه النفس من حبه تلوعي

رحـمك الله يابيـض النوايا = رحمك الله ياعز القنوعي

زمان الطهر والاخلاص عوّد = انا طالبك عود يالقطوعي

الا ياكثر ماشتقت وبكيتك = بوقتٍ فيه خلق الله هجوعي

وجاوبني الزمن وبكل حسره : = يقول آسف ترى صعب ٍ رجوعي

زمان اول تحول في الحقيقه = وصرنا في زمن شين ٍ يروعي

زمان الكـذب والتدليس والغش = زمان ٍ فيه خربن الـطبوعي

يعـيش الشخص هـمّه بس نفسه = ولاهمـه رفيقه لو يجوعي

ابو فيصل القريشي