قبل يومين وحدة من خواتي كانت تقولي عن زميلتها في الشغل (مسيحية )

انها سافرة فرنسا للعبادة .. و كانت تراويهم الصور .. و ان هناك تمثال السيدة مريم بدون عيون .. و هو الأصل ..

لأن بقية التماثيل في الكنائس الأخرى في العالم بعيون ..

المهم راوتها صورة حفرة في الارض و تحت الحفرة نبع ماء .. قالت لها هالماء مبارك ..

و قالت لها تعرفين قصة ابراهيم - عليه السلام - ردت عليها أختي هيه أعرفها ..

ردت عليها زميلتها هذا هو الماء اللي ظهر وقتها .. تقصد ماء زمزم :hawamer3612

و ان الناس يشربون منه لأنه علاج لأمراض كثيرة .. و في كثير ناس مقعدين يشربون من هالماء للعلاج ..

أختي قالت لها .. بس هالماء في السعودية هنا في بلاد العرب متى صار في فرنسا ؟..


سبحان الله .. في أمور ما أبي أفكر فيها .. بس راسي مو راضي يتوقف عن التفكير ..

كل ما حاولت اشغل نفسي .. يجي شي و يخليني ارجع افكر ..

في تساؤلات كثيرة في راسي .. ما أبي اطرحها و لا أبي ادور عليها لأنها راح تفتح لي أبواب ثانية ..

خلونا من الأفكار .. أبي اقولكم عن نظرتي في الديانات الأخرى .. كيف كانت و كيف صارت ..

بحكي لكم القصة من البداية .. متى قابلت أول مسيحية في حياتي .. و كيف كانت نظرتي لها ..

بخلي القصة على اجزاء لأن قصتي طويلة شوي من بداية المرحلة الابتدائية لغاية سفري لأمريكا ..

و ابيكم تعيشون معاي اللي عشته وقتها ..