أحد معارفي استقال قبل فترة بسيطة من وظيفة حكومية والآن جاته وظيفة حكومية أخرى، الي صاير إن الجهة الجديدة الي ناوي يتوظف فيها مستقعدين له، طالبين إخلاء طرف من جهة عمله السابقة حتى تتم إجراءات التعيين وبدء المباشرة.
المشكلة ومافيها إن إخلاء الطرف حتى يصدر من جهة عمله السابقة يبيله إفادة من البنك إن الشخص ليست عليه أي التزامات مادية، لكن الرجل مع الأسف عليه قرض بمبلغ مو سهل و صعب يسدده حاليا، مما يعني إن البنك مستحيل يعطيه إفادة لجهة العمل إن ما عليه أي التزامات.
والله ياأخوان الرجل ذبحه التفكير ووضعه صعب لأنه مرتبط بسفرة ضرورية بعد كم يوم ولازم ينهي الموضوع بسرعة والجهة الجديدة معطينه مهلة بسيطة يا يجيب إخلاء الطرف أو تطير عليه الوظيفة.
أنا ما أعرف لهذه المواضيع ولكن قلت أستشير أخواني الهوامير أصحاب الخبرة والرأي السديد عل الله يفتح على الرجال و تتيسر أموره و نكسب جميعا الأجر و المثوبة.
الخلاصة: هل توجد طريقة يقدر من خلالها يحصل على إخلاء الطرف من دون إفادة البنك بعدم وجود التزامات؟
المواضيع المتشابهه 
فزعتكم يا الربع: كيف الواحد ياخذ إخلاء طرف من جهة العمل من دون علم البنك؟ 
العرض الشجري
