رواتبنا كثيرة .. بسك ياوزارة بسك فلووووس ... واجازاتنا كثيرة لدرجة اني انسى اسماء زملائي من طول الاجازة فأتدارك الموقف واقول هلا ابو فلان كيف حالك ..
ومبانينا مكيفه وعندنا تجهيزات ووسائل تعليمية متطورة ولله الحمد .. يعني الشرح على السبورة الذكية وانا متكي رجل على رجل .. والطلاب مستانسين بالتقنية وحنا فرحانين بالنتائج النهائية المبهرة لتفوق الطلاب .. الا اثنين او ثلاثة طلاب ابوانهم دشير وسرابيت مايتابعونهم ونبلغ المرشد الطلابي ويتصل على ولي الامر ويهزأه ..
ونسوي لهم خطط علاجيه وتقويه في آخر اسبوعين وينجحون بفضل الله ثم بفضل مجهوداتنا المكثفة عليهم ..
وكل ثلاثاء نروح الاستراحة وعشانا مفطح وبعده ضحك وشاي اخضر .. طبعا عندنا في الاستراحة طاولة تنس .. وملعب كرة طائرة .. ياسلام ..
وعندنا صندوق في المدرسة في غرفة المدير لمساعدة الطلاب الفقراء والايتام وكلن يحط المبلغ اللي تجود به نفسه والحمد لله تطلع نهاية الشهر مبالغ بالآف الريالات منها نساعد طلابنا حبايبنا ... تفصيل ثياب لهم وتسديد فواتير كهرباء وشراء اثاث لهم وشراء بطانيات واكوات وقت البرد . ومصروف لفسحتهم ... اللهم لك الحمد .. خير من الله ..
والحمد لله لنا احترامنا في الدوائر الحكومية والدولة تستأمنا على اسرار الناس وتوظفنا في التعداد والانتخابات البلدية ... الخ وفي جميع الاعمال المسائية الحكومية يكون الطلب على شريحة المعلمين لانهم ثقات ..
وان جيت للبنوك والمستشفيات لك تخفيض خاص ولك احترامك وتقديرك عند ملاك العقار اذا جيت تستأجر منهم .. الكل يركض يبيك تستأجر عنده .. لدرجة ان بعضهم يطرح الف ريال او الفين علشان يغريك تسكن عنده ..
المواضيع المتشابهه 
ياكثر رواتبنا يالمعلمين اللهم لك الحمد والشكر 
العرض الشجري
