منتديات شمس الحب - اشواق حبي--اهداء لكم

السلام عليكم ورحمة الله وبركاته

اهديكم احد قصائدي اتمنى ان تنال اعجابكم

حَرّكَتْ أشْوَاق حبّي لِـكْ كتِيبَـهْ
مِن ْجِيُوشٍ هَاجَمَتْ رِمْشٍ عَصَاهَا

كِيفِ يِهْنَالِـي مَنَامِـي واهْتِنِيبَـه
ْ والْوفَى لِلْوَافِيَـهْ أَصْبَـح مُنَاهَـا

مِنْ يِسَاعِدْنِي عَلِيهَـا وانْتِخِيَبـهْ
وارْسُمَ البَسْمَة بِدَّمْي فِـي شِفَاهَـا

وَاكْتُبَ لرُوحِي حَياتِي مِنْ نَصِيبَهْ
واغْفِرَ التْقْصِير ولنَفْسِي خَطَاهَـا

كِنْت امْشِي فِي حَياتِـي مِلْتِهِيبَـهْ
لِين جَانِي مَاكِفَانِي مِـن جِفَاهَـا

يَاقِريبِه وانْتِي اقرَبْ مِـنْ قِرِيِبـهْ
مَاعَرَفْت الحُب إلا مِـن وَفَاهَـا

يَاحَيَاتِي إِنْتِـيَ الْبَسْمَـهْ وطِيبَـهْ
وانْتِيَ الفَرْحَة ونُورٍ فِـي سِمَاهَـا

عِيبِ عِينِي فِي غِيَابِكْ يَالْحَبِيبَـهْ
لا مِشِيتِي تِحْبِسَ الدَّمْعَهْ وَرَاهَـا

رِحْتِ أشْكِي قَالوا ارْجَعْ لِلْطَبِيبَـهْ
هِي تِدَاوِي وَالـدَّوى الله عَطَاهَـا

قِلْتِ يِمْكِنْ غِيرَهَا يِقْـدَرْ يِجِيبَـهْ
قَال قَلْبِي لَاتِحَـاوِلْ فِـي سِوَاهَـا

بَات جِسْمِي فِي فِرَاشَهْ بَعْدِ خِيبَـه
قَام يَرْجِفَ خُوفِ لَا يِصْبِحْ بَلَاهَا

شَابِ رَاسَهْ قَبْلِ لَا يِنَعَـدِ شِيبَـهْ
مَاعَرَفْ يِرْتَاح وارْتَاحَتْ عَسَاهَا

يُوم أَصْبَحْ لَمْلَمَ اطْرَافٍ عَطِيبَـهْ
شَدِّ عَزْمَهْ قَال يَالله فِي رِضَاهَـا

شَاف حبَه مِنْ جَمَالَه فَاح طِيبَـهْ
طَاب جَرْحَه والْسَعَادَهْ فِي مِسَاهَا

بَات عَارِفْ إِنْ وَصْفَتْهُمْ عَجَيبَـهْ
يُوم يِشْرَبْ رَشْفَتِينٍ مِـنْ دَوَاهَـا

إِسْتَهَلَّتْ بَعْدِ مَـا كَانَـت كَأيِبَـهْ
واسْتَهَلّ الخِير فِي ارْضٍ وطَاهَـا

تطْلُـبَ الله مَايِورْيِهُـمْ مُصِيبَـهْ
يُطْلبَ الله دُوم فِي الدنيـا معاهـا