البدو يفجعون ولا ينفجعون:hawamer0012 وكانت نصيحة أبي الخالده لي / إذا أقبلت على مجلس به لفيف من الجماعه ( أفجعهم بالسلام):hawamer0012 فالبدو يحبون الرجل الشرير على قولة القصبي والمصيبه انني الى يومي هذا (أسلم بالصياح) وكم من مؤمن غافل فجعته بسلامي:hawamer0012 وش أسوي ؟ مفجوع فاجع ركن هيك بده بابا
أنا ولد جده ومتربي في حي الروضه ويــــا أصحابي عيال شلبي وكتوعه وباميه وصرت مثل الغراب اللي ضاع بين مشيْة جدانـــــــه ومشيْة جيرانــــــه وكم أضناني وأتعبني الخوف من المنقود
عندما تخرجت من الثانويه بتقدير إمتياز علمي 96 % كان حلم والدي أن أكون دكتورا وكان حلمي هو (الدبوره) فأنا وللأمانه عاشق للهياط منذ صغري المهم قررت التقديم في الكليه الجويه والأمنيه وقبل ذهابي للرياض ألقى علي والدي محاضره طويله وأوصاني بأن أكون سبع بن سبع وأن تكون هرجتي في المجالس موزونه وأن يكون لي شنار وفنار
ومن كثر ما وصاني أبوي شعرت انني ذاهب لمعركه والله
المهم سافرت بمعية شايب أمحق رايح يقدم لولده في الامنيه ولده تقديره مقبول وشكله غير مقبول ومعه إعتماد من الأمير أحمد والأمير احمد لا يعطي إعتماد نهائيا يعطي توصيه بالقبول وفق الشروط يعني زحلقووووه وزحلقووووه فعلاً
المهم سافرنا للعاصمه وهي اول زياره لي لها نزلنا في المطار وإستبشرت خيرا بجماله:hawamer6912 وركبنا الليمو في يوم مغبر وإستبشرت شرا:hawamer3212 ركبنا والشايب قدام منفص ومتلطم:hawamer1412 وولده بجانبي متلطم ومنفص :hawamer1912 وولد جده مشخص على سنقة عشره
وطبعا جماعتنا ليس فيهم ولا منهم من يسكن العليا جميعهم عن بكرة أبيهم في حي النسيم :hawamer4112 VIP ومن عرف جده تضيق نفسه بالرياض ويوم دخلنا حي النسيم دقت النفسيه نسبه تحت:hawamer3112 النسيم كله بقالات ومطاعم وحلاقين وبس والأشارات غير معترف بها لدى الونيتات المغبره توقف بنا الليموزين عند بيتٍ لا اعرف صاحبه ولا أريد أن اعرف ومع نزولي من الليمو طارت الغتره :hawamer4112 وإلحق ما تلحق يافضحي من الجماعه كيف ادخل بدون شماغ؟ لحقتها وجبتها وتلطمت مثلهم ويا حياة الشقاء (رجعوني جده ) دخلنا بيت رفيقنا حزة إعصير رحب بنا الرجال وهلا وأجلسنا في الحوش والدنيا غبار ليه ما أدري ؟ المضير وعقود البلح امامنا وطاح العود وولده فيها ولقيت لفيف من الربع يعرفوني ولا اعرفهم أو أنني من الغبار لا أميز وهاتك .. - طيبين يا محمد - الحمد لله - ابوك طيب يا محمد - الحمد لله - عمك محمد طيب يامحمد - طيب طاب زينك - جاكم مطر يامحمد - لا والله - لا تعبت يا محمد - إلا تعبت والله:hawamer1912
عيوني راحت حُمر من الغبار وعيونهم ضد الغبار وتبرق نضاره وأنقذني ربي بصلاة المغرب والوضوء
المهم إستلمونا بالعزايم والشايب هذا كل من جاء يعزمه قال له الله يقويك :hawamer5712 وولده في جيبه ورقه يسجل فيها المواعيد أضنها وصلت شهر قدام المهم تعشينا عند راعي البيت وبعد العشاء أتيت للشايب وقلت له بهمس / يابو فلان أنا ودي أروح أستأجر في فندق .. قاطعني صائحا وقال/ أبك أبك أبك أنت صاحي؟ تبغانا نكب جماعتنا ونروح للفنادق ! قلت له /أنا بروح لحالي إنت وولدك تنسموا في النسيم قال / والله ماتروح وتكبنا أبك انت كيف تروح وتخلي خوياك ؟ ( الله لا يعيــــد هيــك خوه:hawamer5712)
إنثبرت مكرهاوعيوني دموعها شلال مدري من الغبار ولا من الدار ووقت النوم راح صاحب البيت وأتانا بمخدات حجريه (مساند) من اللي مكتوب عليها نوم الهناء وطبعا النوم في المجلس وقال/ صاحب البيت تصبحون على خير يالربع نظرت للشايب فإذا به قد تلطم وتمدد بثوبه:hawamer1312 وشماغه ونظرت لولده فإذا به قد رقدبثوبه وشماغه وزيه الرسمي ويشاخر إخرب بيوتكم انا ما اعرف انام كذا ! لازم أخلع لازم أحذف الثوب ! خفت أفسخ الثوب ويلحقني منقود !:hawamer1312 وأبوي يقول جماعتنا ناس نقاده وكرهت جماعتي بسبب النقطه هذه حاضر يابوي راح اتحمل عشانك:hawamer4112 تمددت مثلهم بثوبي وشماغي ويادوب النوم دخل عيني إلاو انا فاز على قدماي مفجوعامن صوت انفجار! للأسف المكيف الصحراوي كل نص ساعه يأتي بصوت تفحيطه:hawamer6112 الولد ما تحرك كأنه جنازه والشايب قال / لا إله الا الله وإنقلب :hawamer1912 وش العذاب هذا ؟ إقترب الفجر وانا مانمت ويادوب خفت عيني قبل الفجر إلا والعود واقف عند راسي و يرفسني بحوافر قدمه وهو يقيم الصلاه/ (زد قامت الصلاه زد قامت الصلاه) يقيم الصلاه ويرفس وش ذا يا جعلها تقوم قيامة العدو توضينا وصلينا وتمددت .. ولم يتمددوا! وجدت نفسي لوحدي متمدد إستحيت وجلست ونظرت للشايب وولده فإذا هم مثل الجن يستعرضون ورقة مواعيد العزائم! ناموا عساكم المرقد وللأسف مافيهم نوم جلست ممسكا برأسي وأفكر بطريقه للهرب وفجأه وإذا بالباب قد فُتِح رفسا واذا به صاحب البيت قد جاء بالدله اللي حفظت شكلها:hawamer1912 وقربع قربع وعقبها الفطور ( خبزه وعسل وشاي بالحليب) وجاءنا على الفطور رجل يشبه السناني اللي بطاش إسمه إبن مسلط عزمنا وطبعا وافقنا وتم جدولة إسمه وإعطاءه موعد قال صاحب البيت / يالربع انتم ماشفتم البيت اللي يعمره إبن مسلط ؟ قلنا / لابددددن ماشفناه قال / أرواح أرواح خلكم تشوفونه ركبنا في ونيت إبن مسلط الغمارتين واللي مافيه مكيف وتوجهنا فتره الضحويه لنلقي نظره على البيت اللي يـبـنيـه إبن مسلط في النظيم :hawamer4112 يالها من سعاده توقفنا عند بيت عظم في خلا خالي وأخذنا نتبع إبن مسلط وهو يفرجينا أروقه جحوره في درجه حراره 50 قال / هنا مجلس الرياجيل وهنيا مدخل الرياجيل وهنيا مغاسل الرياجيل والخزان عانوه هنيا .. وساقتي ساقتي (إتبعوني) أوريكم السطوح وطبعا وراه مافيها كلام ويوم جينا طالعين من قصر مادونا زلقت رجل الشايب وما وقع إلا في الخزان غطس وأخذ له ثواني ثم طلع علينا وهو يصيح / الماء دبج الماء دبج (يعني مالح) طلع قاصدها ويبغى يورينا إنه سبيح برك وضحكوا من هذه الدعابه ولم أضحك فلم يسرني خروجه:hawamer1912
قام العود خفيف الظل يتشمس ويتنشف في الشمس ورجعنا بعدها ( لنسيم عذابي) وتوجهناحسب الجدول للغداء عند واحد وضيعنا بيته والونيت بلا مكيف وربي يسلط على ابن مسلط وسموم الرياض جنان وبعد ساعه وصلنا وليتنا ماوصلنا 70 ونيت مغبر متوقفه في الخارج والظاهر انهم حضروا من الضحى دخلت عليهم أترنح وهم نشيطون
وبعد الغداء شالوني وانا مُغيب ورجعوا بي للحوش بتاع الغبار :hawamer3312 لا .. يرحم إمكم لا.. وهنا قلت للحياء تقلع وقلت للمنقود طز طز انا خبل جداوي بس فكوني وإستأذنت من الشايب لزيارة صديق لي وهمي في أم الحمام لقطت شنطتي وكأنني رفيق هارب وركبت ليموزين وأعطيته 100 يال وقلت له/ يرحم امك حط المكيف على اعلى درجه ولا توقف الا عند فندق البطحاء ونمت في الليموزين وماصحيت الا في البطحاء ورأيت الزيود وفرحت:hawamer1612 وشعرت بإنني في جده انتم جماعتي أنتم قماعتي:hawamer3812 والبدو يهبون:hawamer3912 نمت يومين بالفندق ومن يومها والى هذا اليوم وانا لا اتصور النسيم
ياسلامـــــــي على البطحـــاء وزيودهــــا @ ويــــا فرقــــا يانسيــــــم الحـــــره 
العرض الشجري
