احبتي
الله يمسيكم بكل خير .

ايش اقول وايش اخلي بس ..
اللي بنسمعه ونقراه شي يقعشر البدن ..

مسكينة على نياتها .. دخلت عالم النت وماتدري فين راح يوديها ..

زيها زي بعض البنات كتبت موضوع وهاتك ياردود ويامديح مع انوو الموضوع ركيك ومو قد كدة ..

عضو مطفي النور مسوي قيس زمانه قال يعني اعجب في موضوعها وكانه سيبويه وهات يا اطراء يطيح الطير من السماا !!

صدقت حبيبة قلبي بسم الله عليهاههههه
ومن كتر الاعجاب ارسل لها رسالة !!
وشوية اضافة ،، والكلام يجر الكلام .. شوية وجوال وتواصل " برييء" جدن جدن هههههههههه

وطاح في المسكينة كلام معسول واوهمها انوو لقى مواصفات شريكة العمر فيها ويبغى يكمل نص دينه >>> هادا لو كان عنده ذرة دين واخلاق هههههههههههه
وبرضووو صدقت المسكينه !!

زكرتني قصتهم بصاحبنا عم " احمد شوقي" لمن قال :-

" نــظــرة ، فـابـتـسـامـة ، فــســـلامُ فـــكــــلام ، فــمـــوعـــد ،فَــلِـــقـــاءَ" .

وتم اللقاء وحصل اللي حصل واللي محد يتوقعه !!
حصل المحظوور ..

محد يتوقعه صحيح ..
لكن من ذئاب الشاشة والمفترسين عادي بيحصل ونسمع عنوو كتييير ..

آآخر الضحايا بنت في عمر الزهور في الثانوي وقبل ايام ..

http:///4y1fde

هادا كله من وسائل التواصل الاجتماعي واستخداماتها السيئة !!

صاحبنا عم احمد شوقي يقول:-
"
فَاتّقـوا الله فــي قُـلـوبِ اَلْـعَـذَارَى *** فــالــعـــذارى قُـلــوبُــهُــن هَـــــــواءُ

وستى الله يرحمها كانت تقول :-