المناسبه: اصابني مرض (الحزام الناري) في منطقة الكتف الايسر وهو اشد مرض اصابني في حياتي (والحمد لله) وهو عباره عن فيروس يتغلغل في مجمع اعصاب المنطقه المصابه ويبدا العمل عندما يهدى الجسم وخاصه اثناء النوم حيث تقوم اكثر من 10 مرات ليلياً من شدة الالم ولايوجد له علاج شافي 100% ويصاحب هذا المرض ظهور حبوب في المنطقه المصابه على شكل خطوط مستقيمه . اصابني المرض ولم أجد له علاج شافي انما مسكنات فقط واستمر المرض معي اكثر من شهرين حتى انها سائت حالتي النفسيه والجسميه واصبحت اكره الليل لما اعانيه من الالم . ذهبت لمدينة عرعر في عيد الضحيه وفي ثاني ايام العيد ذهبنا في رحله إلى حرة الحره وفي طريقنا وجدنا خباري مليئه بالماء (خباري عروس n310843 – e393307) وتجاوزناها وواصلنا طريقنا الى الحره. وبعد ذلك قررنا ان نتغدى عند الخباري (والخبرى: هي عباره عن مياه امطار مجتمعه في ارض شبه منبسطه) التي مررنا بها سابقا. حيث وجدنا ان ارتفاع الماء فيها حوالي 30سم والطبقه الطينيه أقل من 5مم فخضت بالسياره في الخباري وعند خروجي منها بدأ يتقاطر من السياره طين احمر كالدم ويجف بسرعه فاخذت قطعه من الطين ووضعتها بالنار (لقافه) وعند ملامستها للنار احدثت فرقعه قويه وتطاير الجمر في كل اتجاه فعند ذلك اقترح احد الشباب بأن اضع منها على كتفي المصاب وفعلا وضعت على كتفي من طين الخباري الاحمر حتى جف وازلته بعد ذلك وعدنا لعرعر. وعندما نهضت صباحاً تفاجئت انني لم استيقظ بالليل كالعاده من شدة الالم ومن تلك اللحظه إلى الان لم يعاودني الالم ولله الحمد والمنه. اهدي لكم هذه القصيده مجاناً مع العلاج تخليدا لهذه الخباري :
ياموتري والمطـر هتـان = والنفـس بالبـر مبلـيـه شد العزم تنطوي الريضان = وقت السحر طـي زوليـه يازين مشيٍ مـع الوديـان = باقصى الحـدود الشماليـه وطعوس لينه تقـل جيلان = حمرٍ مـن الخيـر مرويـه يا ما حـلا بــاذره لـحـان = وصارت به الارض مكسيه ومعي رفـيقٍ1 مثل ذيبـان = نشمي من عـيال مشريـه بس البـلا قايـد الغـزلان = ونفسـي لشوفـه هواويه احـن لصخيـف الذرعـان = حلو النبـا صافـي النيـه عذب السوالف شجي الحان = اغليـه واغلـي حكاويـه له بسمـةٍ تبعـد الاحـزان = تسعـد قلـوب الشقاويـه ياني على شوفتـه شفقـان = اشفـق مـن الام لصبيـه مافادنـي البـر بالنسيـان = ماينسـي واحــدٍ زيــه اذكـره لمالـت الاغصـان = ولغـردت كــل قمـريـه ولشق نور الصباح وبـان = ولهبـت الريـح شرقـيـه والفجـر يذكـرنـي الاذان = لجـا يسحـب مواطـيـه ونادى بصوته وهو نعسان = ياحـي صوتـه وياحـيـه لـولاه ماخلـي الـبـران = وماخلـي ارضٍ خـلاويـه واعيش عمري مع البدوان = وانسى المدينـه وبلاويـه اهل الكرم ذابحين الضـان = وابوسعد2 خـوش ماريـه انا اشهد ان الكريم امعـان = ربـك يقـدي خطـاويـه وين انت ياراعي النيسان3 = ترى الوعد جـال زعبيـه سلم على ربعك القصمـان = وقل من هو اللي يبي الجيه نبي خباري عروس ان كان = تسمح ظـروف الشقرديـه العام جيتـه وانـا تعبـان = وكتفي تقـل فيـه شبريـه صابن حزامٍ مـن النيران4 = ناره على الكتـف مطويـه حتى الطبيب قال لي حيران = ماله شفـى بكـل صحيـه مالـه عـلاجٍ لـحـد الان = غيـر المهـدي لراعـيـه جينا الخباري بـلا عنـوان = نمشي على غيـر ردميـه يسوقنـا يمهـا الرحمـان = نمشـي والاقـدار مخفيـه وطبيت في طينها فسقـان = وتعلـق الطيـن بيـديـه وحطيت منه على الامتـان = والكتـف واللـي حواليـه والصبح اصبحت ماكن كان = بالكتف امراض مـوليـه شفيـت واشفانـي المنـان = وعـادت حياتـي طبيعيـه الحمـد لله عظيـم الشـان = منشي عـروس وخباريـه ياعزتي لكاشـت الصمـان = ارضه من النـاس ممليـه تلقى البشر بالفياض الوان = حضـرن وبدو وحساويـه وتلقى من اهل اليمن وعمان = ومن مصر تلقى وسوريـه وهنود تلقى بهـا وافغـان = ورعيان مـن دون جنسيـه والناس فيها تقـل ديـدان = مابيـن راكـب ورجلـيـه حتى فياضه غـدة ريِغَـان = غبـرا تقـل خـد بوذيـه وبالليل كنك علـى بركـان = كلٍ قبس بالمسـاء ضيـه والبعض ناقص حيا وايمان = يرحـل ويتـرك قواطـيـه خلوا الزبايل على القيعـان = في كـل الارجـاء مرميـه وان جيتهم ناصحٍ باحسـان = ردوا بالـفـاظ سوقـيـه وامنين ماتلتفـت جيـران = صكـوا عليـك الزقرتيـه محشور في وسطهم بلشان = مالك مـع النـاس حريـه لكثروا النـاس بالخليـان = خل الخـلا وخـل اهاليـه وارجع لدارك قرير اعيـان = على الاقل بـه خصوصيـه يقـطـعـك ياماكل الضبان = ياخي ترى الضب سحـليـه يومٍ كفر بالرسول انسان = الضب اسلم عــــلانــيـــه مر الحقيقـه ولا البهتـان = قولـي ولا اقـول مرويـه
(نديم المجره)
1- اللواء / احمد بن ثامرالسعدون - الرياض 2- الاستاذ / بندر بن سعد القحطاني - لينه 3- النقيب / محمد بن عبدالله الجمعه - الدمام 4- المرض / الحزام الناري – الكتف الايسر
المواضيع المتشابهه 
قصة اكتشافي لعلاج الحزام الناري+هديه....... 
العرض الشجري
