قالي اسمع عمرك سافرت عن طريق حمله ؟
قلت لا والله ومالي فيها ماحب اسافر في حمله قلق وتعب الطريق ،، قال ياخي انت عندك مشكله الشيء اللي ماتجربه تحكم عليه
قلت له يافلان والله مالي اني اسافر عن طريق حمله قال الا انا بعد ودي والله اعتمر وترى بخاويك شد حزاامك :hawamer3812
المهم اني رفضت اروح معه في حمله
دق علي اليوم الثاني قالي انزل بنروح انا وياك مكان رفض يعلمني ركبت معه قالي اذكر الله
الحين حنا بنروح نحجز .. اعرف لك حمله ممتازة تعاملهم راااااااقي جداً وفيها خدمااات وحاجات
قلت وش خدماتها قال يعطونك بالطريق عصير وموية
يقولها وهو صاادق
:hawamer1612
قلت انا بشتري كرتون موية وعصير وبخلي احد يوديني
قال لايبن الحلال السفرة لحالها عن طريق الباااص حاااجه فضيعه
وانا يامحاكيكم في حياتي ماعمري جربت بااص
ولاركبته
المهم اني وافقت على مضض ورحنا نحجز
باقي على الرحله 3 ايام والسفرة كانت الاربعاء
المهم
رجعني للبيت قال والله يا انت بتنبسط في الباص مررررريح على قوله كأنك بسسفييينه
ايه طيب يبو سفينة
قالي انت جب ملابسك ثلاث ثياب وملابس داخليه حقيت ابو يومين وحنا راجعين الجمعه
قالي وانا بجيب العده ،، انا جاء ببالي بيجيب زراديه ومفك 14 .. طبعاً يقصد بالعده انه بجيب شااي وقهوة وسكرر ،و " مكرونة " اعرف ان خوارزمية العزبة مضروبة لكن ماشي .. قلت لاتحسبني لا في مكرونة ولافي شيء .. شاي وقهوة فقط والاكل من برى
جاء موعد السفرة الاربعاء قالي بمرك الساعه 3 العصر نصلي عندكم هناك ونركب الباص
جاء الاربعاء
:hawamer3512 وانا شاد حزامي على اخر شيء
اول ماركبت قال والله يا انت بتشكرني قلت والله ان زيادة بربرتك هذي الظاهر الباص بيتعطل قال لا وين هذي يسوون لها صيانة وقام يمدح لي في البااص .. طبعاً يقولي اشياء موجودة في السيارة ،، يقولي فيه تكييف فضيع قلت ياخي مكيف الكامري مزبوط
صلينا في مسجد خلف نقطة التجمع حقت الباص
قالي شف بلبق موتري ورى ابخليه في الحارة علشان ماحد يشك اننا رايحين مع الحمله وتكون واقفه يومين قلت يلا رح
وانتظره واشوف واحد من بعيد يصاايح
جاي وشايل معه شنآط ،، كأنه عفش طقاقه
شنطه له وشنطه صغيرة حقت الرحلات حاشيهاا بيالات وابريق ودله وتمر وبهارات وقدر
كل مامرينا طلع صوت قربعتها من عند خلق الله
اللي يسمعنا بس مايشوفنا بيقول ذولي كاشتين للصماااان
وماسك بيده منشفه
قلت ليه ماتحطها بالشنطه قال والله مافيها مكااان قلت ليه الملابس قليلة ،
قال والله حاشيها مكروونـة بيتوني دواير جايب 4 اكياس !!!!!
4 اكياس هذي لو اطبخها تكفي اللي ساكنين على الدايري الشمالي
المهم بسم الله ركبناا وتوزعنا بالاماكن على حسب الرقم المطبوع
حطونا جنب بعض بعدين قالوا تدرون بنقسم الباص الحريم ورى وبنحط فاصل بينهم قمااش
والرجال قداام
وقمناا نتحرك اللي يقوم ويروح يمين ويسارر
تقول شطرنج
وهذا واقف بنص الباص يعطي اهله تعليمآت تحس من الوهله الاولى أنهم بيتلاقون بعد 1000 سنه يعني خلاص بينكم جوال وانتهى السالفة
لكن لابد من الخطط المدروسه :hawamer3812
ترتبنا وقعدناا قال خويي وش فيك ياخي قفلت اخلاقك والله يا انت متحسس مرة عادي ياخي علشان انهم رتبونا قلت ياخي الترتيب هذا اخذ ربع ساعه والمسألة ماتسوى
مشى البااص وهو يغسل عقلي بالراحه والخدماات
بيني وبينكم انا عجبني هدوء البااص
سألني قال صح كأنك في مكوك ؟
:hawamer3212
قال الا اذا لف تحس أنك في مركبة فضاائية
وهو يتكلم بضمير
قلت الحين ليه عكسنا الطريق وش فيه مامسك طريق مكه ،
قال لازم يرووح للعزيزيه وياخذ ورقة ومدري ايش بعدين نمشي
المهم زحمااات وشغلانه وانا خاطري ابتلش
وخويي مستمتع على الآخــر
طبعاً خويي اعطاني تقرير شآمل قال اذا مشينا العصر باذن 10 ساعات من مسكت الطريق الى 11 ساعه وحنا عند الكعبه نطوف ..
الباص اول ساعتين سواليف وهذا يسولف مع الثاني واللي يقهويناا ويوزع حلى ،، الدعوة فرايحيه
انا ابي اوصل وبس
بس بعدين عرفت أنه لابد من الهيلمه علشان الطريق ينقطع
بعد 3 ساعات حسيت فيه ربشه في الباص اولهم خويي يقول للمشرف ياخي وش فيكم كذا ليه السواق مايسرع
وجاء واحد من ورى قال ياخي اخلصوا علينا ترى معنا بزارين
انا مادري طبعاً وش السالفة لاني اول مرة .. فطلع فعلاً ان السواق مايسرع حسب الرصد يقولون سرعته 60
:hawamer1312
قلت وش 60 ،، اقول بقلبي يمكن قصدهم 260 لان الباص طبيعي كبير فالسرعه تضيع فيه
اقول لخويي المطبات مالها حس لو اننا بالسيارة
كان تكسرت ظهورنا،، قالي انطم شوي " قالها بنفس اللفظ هذا هههههههه " وهو شاد بالكلام مع المشرف؟
فهمت الحين أني انا مظلووم سفرياً
واني مظلل فكرياً في البااص
واني ما انا الا عديم االاحساس
اتصل المشرف على المكتب قال ياجماعه قولوا للسواقكم يسسرع
قلت ياخي قله انت ، قال عيااا
ويكلمون المكتب قالوا السواق جديد واصبروا عليـــة
المهم قال المشرف خلاص بنوقف في محطه غير المحطه اللي احنا المفروض نوقف فيهاااا وكلمنا المكتب ووافق
وقفنا عند المحطه ويستغرق تقريبا الووقوف نص ساعه وخويي زعلااان قالي تدري اننا ماتعدينا ولا 260 كيلوو ..
جأني الخبر كالصااعقه .. قلت صادق قال والله العظيم ،، قال ماتحس انت قلت وش مدريني انا اول مرة اروح ،، قام يفتح الارشيف حق سفرياااته مع الحملات قال المفروض الان اننا فوق 400 كيلوو .. والمحطه هذي مانوقف فيها لازم نوقف في المحطه الثانيه اللي مدري وش اسمهااا وهذا دليل على انه متاخررر انا بروح اكلمه
ويروح يكلمه والسواق والله ماتقول الا ماله اذااني يتلفت يمين ويسار وساحب على الجميع
قال تدري بنقول للمشرف خلاص بننزل هنا وبنخلي وااحد يرجعنا للريااض
هههههههههههههههههههههههههههههههه
هيهاااات الحين حسيت اني فعلاً عرفت اللعبة خلاص دخلت في الفورمآ قلت نكمل بس .. قال والله مايصلح ترى الوضع مزري ومن هول الكلام حسيت انه بيطيح صاروخ عليناا
قلت موافق انا معك انت البروفيشنال تبعي
قال للمشرف خلاص بننزل هنااا والله يستر عليكم رد المشرف لا مايصير خلاص كلمت المكتب وكلموه والامور تمام الان
قام يسأل من هو الخ الخ ،، هل هوو قام يعطي خيارات للاجابة،، والمساافرين مأتشين ساحبين عليه
طبعاً فيه غريزة بشرية انا ما اعرف ليش ماتجي الا هاللحظة ،،
قلت للمشرف لو سمحت اعطني موية وعصير ،، فجآة الباص صار خليــه نحل الكل قام يبي عصير موية
ويجي وااحد الله يهديه بس ويفتح على قلبه من الاخير ويمشي كذا لو سمحتوا لو سمحتوا ويمشي الى نهايه الباص ويشيل كراتين الموية والعصاير ، ،
المهم انها قش كل شيء كأنه متقضي من العثيم
ومبتسم ولاحتى قال معليش ولاشيء
قال المشرف ياجماعه معليش الموية والعصير اخذهم الرجال ومعه عايلة كبيرة وخلصت لكن بنوقف عند المحطه ونجــيب
وانا من جواا اغلي من الغضضضضب الجااامح ،،
يعني لو اني ساكت ومرسل طلب الموية والعصير بحبر سري كان مشت الامور
وخويي ساااااااكت زعلااان
قالي والله انك حكيم ياليتناا مارحنا في الحمله ،
ايه الحين صرت حكيم انت ومكرونتك
طبعاً الفقرة اللي في بدايه السفرة
اللي هي تسأل اللي جنبك وسم طال عمرك وابشر وتفضل تقهوى تبي حلى ؟
هذي انتهت الحين لو تقول للي جنبك الساعه كم يمكن يطيح عليك صااروخ
ومن هنا انا بديت وقتهاا اعصب :hawamer5212
الساعه جات 2 وحنا تونا نمشي يالربع وش تسوون انتوا
المهم وصلنا الميقاات السااعه
9 الصباح
هههههههههههههههههههههههههههههههههههههههههههههههههههه
نمشي من 4 العصر ،، قايلكم محاولة طيران فااشلة
قلت لخويي العمره تكنسلت والله مافيني حيل
قال والله انك صادق خلاص خيرة
وحنا مهدوديييييييييييييين على اخر حااجه
شايل هم متى نوصل الفندق
وصلنا مكه بالضبط السااعه 11 الصبااح
يعني فوق 18 ساعه مشي ،، باقي بس خمس ساعات او عليها ونكمل 24 سااعه
دخلنا مكه وضيعوا الفندق كان معنا رااكب طوول في عررض ،، اقول في قلبي تكفى اذا وقفنا انزل لمخ السواااق
نهايه المطاف
حصلنا الفندق
قلت لخويي نصلي وننااام الفين سنه
قالي تبي مكرونة ؟ انا جوعااان
طبعاً طول الطريق لا اكل ولاشرررب
وجايب لي فصفص مالح ماغير نفصفص في الطريق ومعصبين ، حاسنا فيه حووس وحلوقنا تشققت من الملح ونفرغ فيه الغضب ،،
طبعاً فيه شيء حصل وحنا في الطريق صرنا في القائمة السوداء عند الركاب
قلت لخويي ماعد فيه محطه قال ايه بيوقف في الميقاات
جيت ابي الطف الجو
قلت طيب جبت معك دريل عرف اني ابي انكت
قال ليه ، قلت تسلق مع الدريشة وانزل على الرديتر واخرم فيه خرمين وصب لنا موويــة
هناا تفقعنا من الضحـــــــــــك
والركاب يناظرونا كأنهم .. تعرف وانت معصب والجو مشحون تشوف واحد يضحك ، يرتفع ضغطك ،، ،، ،، قال اللي ورى اووووف لاحول ولاقوة الا بالله ..
المهم نرجع للفندق
صلينا الظهر ،، قالي لاتنام خلنا نصلح مكرونـة
قلت له ماحب اكل من شخص اول مرة يطبخ ، قال سهله مايبي لها
وصلح مكرونـة
تغدينااا ،واسوء شيء انك تاكل شيء وانت مهدود ،،
نمنااا وصحينااااا بعد العشاء ،، حر وظلالالام ،، الكهرب مفصول عن الفندق له ثلاث ساعات وحنا ماندري
قمنا قلنا ذي بلووة ماهي بسفره
قالي نبي ننزل الحرم كيف تروح علينا العمره خلنا نصلي على الاقل
قلت والله يارجولي ماتشيلني وجسسمي مهدود
رح جب بنآدول
طبعاً يوم الوصول كان الخميس والمغادره الجمعه الظهر مافي وقت يعني
قلت انت جايبين تطبخ مكرونة ونرجع
قال معليش يبن الحلال مشيهاا
قال امش الحرم قلت والله تعبان قال تدري بنسدح شووي ونقوم
طبعاً رجعت الكهرب
كملنا النومه وصحينا 10 الصباح
كلمنا المشرف قال ابشركم غيرنا السوواق وجبنا السواق ابو محمد وخويي يعرف ابو محمد ،، يقول خويي للمشرف ايه ياشششيخ من اول هذاااا سواااق والله رحت مره اكثر من مرره انا عرفت ان ابو محمد هذاا شومآخرر الحمله
قالي والله يا انت بتنسى التعب هذا كللله وحنا راجعين بيرجعنااا الرجال يسووق ومدري ايش
قلت اوكي مافي مشكله
يوم جاء موعد المغادرة
نزلنا نتلفت ياولد كيف الكلام هذا قال المشرف البااص راااح
ههههههههههههههههههه
قال تأخرتوا ،،
قلت مدري عنكم ياتجيبون بطئ ياواحد مقلع
قال خلاص اللي راح عليهم الباص فيه حمله تابعه لنا ارجعوا معـه
قلنا وش لون الباص قال قدام الفندق لونه اسود قلنا مافيه الا برتقالي قال لا فيه اسود اصبروا بيجيكم ،،
قعدنا نص ساعه قلت لخويي ترى المشرف قصده البرتقالي قال لا يقول اسود يوم بدآ يحرك ويطمر خويي ياشر له ويكلمه قال انت تابع للحمله الفلانيه قال ايه ،،، قال المشرف يقول الباص اسود قال لا هو مكلمني يقول فيه اثنين بيركبون معك
المواضيع المتشابهه 
قصتي انا وخويي في سفرتنا لمكه 
العرض الشجري
