كيف حالكم اخواني و خواتي ... ان شاء الله تكونون بصحة و عافية
ندخل بالموضوع على الطول و ان شاء الله اخل الخير ما بيقصرون
عندي ولد عمتي مبتعث لكنده و صادفه فشل بالقلب وهو موجود بكنده
والحمدلله على قضائه و قدره و دخل على اثرها العناية المركزة
وتوقف على اثرها تائمينه الطبي للمبتعثين لانه تكلفة العلاج كبيرة
لاكن هناك دكتورة كندية تواصلت مع حكومتها و صار يتعالج على حساب حكومة كنده
طبعا حالته سيئة جدا بدات من فشل بالقلب الى اصابته بالسكر و الان غرغرينا بالرجل ولا يستطيع المشي و داخل العناية المركزة هناك من ثلاث اسابيع والحمدلله على كل حال
دكتوره تواصل مع السفارة السعودية بكنده على اساس نقله للسعودية و يكمل علاجه هناك و السفارة ما قصرت وافقت على تجهيز طائرة نقل طبي
ويرافقه دكتور و زوجته و عياله
بس الان ندخل بالمشكلة السفارة تنتظر مستشفى يقبل دخوله لديهم اول ما يوصل
اوراقه انرسلت لمستشفى الملك فيصل التخصصي بالرياض وتم رفض حالته
لانهم يقولون عدم وجود سرير لديهم
و الان جالسين نكلم مستشفى الملك عبد العزيز بالحرس الوطني الاحساء
بس باقي مستشفاه بكنده يرسل التقارير ويدرسون الحاله
مين يملك واسطة بمستشفى التخصصي بالرياض مبدئيا لانه التقارير موجودة عندهم
والي عنده واسطة بمستشفى الملك عبدالعزيز بالحرس الوطني بالاحساء يرسل رقمه لاحد ما توصل التقارير و نشوف رد المستشفى
حالته مرة مرة سيئة و والدته كل يوم تبكي عليه و تبيه يوصل هنا باسرع وقت علشان تشوفه
السفارة السعودية تنتظر فقط موافقة مستشفى وسيتم نقله طبيا باسرع وقت
مين يحب الخير و يكسب دعوووة طيبة من اسرته و امه واقاربه
ويسوي خير بالرجال
ويا ليت الي يعرف احد ما يقصر باسرع وقت وممكن يتواصل معي على الخاص
المواضيع المتشابهه 
عاااجل : أخوااني نحتاج أمر أو واسطة للعلاج 
العرض الشجري
