كنت أعتقد ان بنك الإنماء بنك إسلامي كما يدعي دائما هذا البنك وفي كل مناسبة خصوصاً وأنه قد جعل الشيخ الأطرم رئيساً لهيئته الشرعية ولكن للأسف إكتشفت حقيقة هذا البنك عندما حولت راتبي عليه من أجل اخذ تمويل أسهم وحقيقةً انا قد سألت عنه بعض الزملاء وكلهم أثنى عليه وعلى تعامله مع العملاء(الشركاء كما يقولون) كما أنني بحثت في النت ولم أجد أحداً قد ذمه في شيء بل بالعكس الكل يمدح فيه وينقل عنه تجربة إيجابية ولكن بكل امانة ومصداقية وبكل تجرد والله على ما أقول شهيد سوف أسرد لكم قصتي معه بكل التفاصيل والتي حدثت قبل حوالي شهرين وأترك الحكم لكم.... كان للبنك حملة لمنسوبي التعليم بهامش ربح 1.85% بدون رسوم إدارية مع منح البطاقة الذهبية المهم انتقلت للبنك على هذا الأساس وبالفعل تم الموافقة على طلبي لتمويل أسهم لخمس سنوات وحضرت لأحد فروع البنك لأخذ تمويل الأسهم ولكن والله ماأدري ليش ماكنت مرتاح لني شفت مافيه أي شاشه في البنك تعرض سعر الأسهم وفيه شاشات lcdمعلقة بس ماهي شغالة انا طبعا شاهدتها في كذا فرع لهم ماهي مشغله المهم خيرني الموظف بين سهم الراجحي وسهم سابك طبعا أخترت الراجحي وقلت له كم سعره قال لحظه ودق تلفون على الإدارة حقتهم وكلمني موظف من الهاتف وقال السعر 66.5 المهم قلت يله ووقعت العقد على هذا السعر وبعدين وقعني على رسوم تحويل الأسهم 70 ريال قلت هماكم تقولون بدون أي رسوم قال بس 70 ريال قلت يله ماهي مشكلة وبعدين جاب لي ورقة فيها عمولة شركة تداول اللي كلنا يعرفها 0.12% وطلع ناتجها 317.4435 تذهب لشركة تداول طبعا أنا وقت التعاقد أوقع بدون تدقيق في الحسابات وهي ثقة مني بما سمعت عن البنك وانه بنك إسلامي طبعا أخذت حوالي ساعه حتى وقعت الأوراق والعقد وقالي تبغى تبيع قلت كم السعر وكلم نفس الموظف وأعطاني السماعه وقلت كم سعر الراجحي قال 66 ريال قلت لاتبيع ومن هذه اللحظه حسيت إن الموضوع فيه إنّ ((والله انه شعور في لحظتها قبلها كل شيء كان طبيعي وكنت متطمن)) قلت للموظف انا أبغى فرع فيه صالة للأسهم قال فرع الطبيشي في الدمام فيه ودق وتأكد من الإدارة المهم دقيت علىرقمهم المجاني وقالي الموظف فرع الطبيشي فيه صالة لبيع الأسهم المهم وانا امشي في الطريق خطر في بالي أفتح على موقع تداول وأشوف كم سعر الراجحي وقت شرائي له وإذا هو 66.25 ريال وليس 66.5 كما وضعوها لي في العقد .....قلت إيه طيب نشوف في الصالة هالحين ونبيع ويوم جيت الفرع الا الموظف في استقبالي وش عندك وش عندك قلت عندي اسهم وابغى ابيعها من صالتكم قال ما عندنا صالة قلتله ادارتكم تقول الفرع هذا فيه صاله قال هذا أيام الأسهم زمان والحين قفلناها لكن تراك تقدر تبيع بالتلفون ورح لموظف خدمات العملاء يبيع لك
المهم يوم جيت للموظف قلت له بع بع قال وش ابيع قلت أسهم توي ماخذها من فرعكم الثاني قال ليش مابعت هناك قلت سعر شراء الأسهم في العقد خطأ قال وش دراك قلت شيكت السعر وطلع السهم أصلا ماوصل 66.5 ( كان سعر السهم حسب تداول محصور بين 66 --66.25)
يوم قلته والموظف يتخربط قال خلني أكلم الفرع اللي عمل لك التمويل قلت خذ راحتك المهم كلمهم قال وش أقوله قلت قله العميل يقول سعر الشراء خطأ
وقلت له بع الأسهم الحين قال لحظه وكلم لي الإدارة وكلمني نفس الموظف الأول اللي علمني السعر قلت كم سعر الراجحي الحين قال 66.25 قلت بع
وفعلا باع وجتني رساله على الجوال بسعر البيع وعدد الأسهم وخصمت عمولة تداول وكانت 317.4435 ريال من قيمة الأسهم أنا لست من الدمام ولكن أخذت التمويل من الدمام ويوم رحت البيت أخذت أراجع الحسابات ((طبعا انا مدرس رياضيات)) وكشفت لعبتهم من خلال عمولة تداول يعني : 317.44 قسمة 0.12% = سعر الأسهم الإجمالي سعر السهم الواحد = سعر الأسهم الإجمالي /عدد الأسهم =66.25 ريال وهو نفس سعر البيع والشراء كلمت رقم الإدارة وقلت لهم سعر شراء الأسهم خطأ قال سنرفع طلبك وفعلا بعد يومين كلمني الموظف اللي سوالي العقد وقالي معليش كان فيه خطأ في العقد وبنغير لك العقد وتعال للفرع ونغيره لك ولك مبلغ يساوي الفرق بين السعرين وهو998.25 ريال وفعلا ذهبت للفرع ويوم جيتهم قالوا من قالك اننا بنغير العقد موضوعك عند الإدارة هم بيكلمونك قلت ليش قلتوا لي تعال وانتم الآن تغيرون كلامكم المهم اعتذروا ومعليش وآسفين ومن هالكلام والموظف استعجل طبعا هم استدعوا لي مدير الفرع وهو اللي كان يتخاطب معي كل الموظفين خافوا ومتخربطين بعد اسبوع من تاريخ العقد رجعوا في حسابي 998.25 ريال وسجلت في العمليات الحسابية حوالة داخلية طبعا طلعت الفلوس اللي نزلت في حسابي اكثر من قيمة الأصل ((الأسهم )) وهذا أفتوني فيه المشايخ أنه ربا حسبي الله عليهم والله لو كنت في الدمام لانشب لهم واشتكيهم لين يعدلون العقد ليس من أجل الفرق فهو بسيط ولكن وربي من أجل أن يكون العقد بصورة اسلامية صحيحة لاحظ انهم لم يغيرون العقد بناءا على السعر الصحيح بل أعادوا مبلغ الفرق بين السعرين يعني هم اعطوني فلوس نقدا زيادة وحسبوها علي في الدين ((بيع نقد بنقد وهو عين الربا وذلك في مبلغ ال998.25) ولهذا حذاري ايها القراء من هذا البنك المخادع الكذاب
المواضيع المتشابهه 
إلى كل مخدوع مثلي ببنك الإنماء 
العرض الشجري
