منتديات شمس الحب - يا كاتب الحزن في قلبي وقاريه

الصمت يكفي ويشفي صدر راعيه
لا صار كل الحكي ماله معاني

..
والقلب ما عاد تعنيه المشاريه
والعين ما عاد تغريها الأماني
..

والخاطر العمس من يقدر يسليه
الناس والا الشعر والا الأغاني ؟؟

..
يا كاتب الحزن في قلبي وقاريه
في نظرتي.. في انفعالي .. في حناني

..
يا ليت حزني مجرد دمع وابكيه
ماهوب عايش معي بين المحاني

..
ماهوب يظهر علي واحاول اخفيه
وتصير نظرات حزني هي لساني

..
لو للسحايب سجن يا عبرة التيه
والله ما احبسك بخفاقي ثواني

..
مدري ذكرني زمان كنت ناسيه
مدري ذكرت الزمان اللي نساني

..
كنت اكره البحر واخاف الغرق فيه
واليوم احبه .. واخاف من المواني

..
كنت اعشق الجاي بأحلامه وأمانيه
ياما بنيت بخيالي له مباني

..
ياما رجيت العطا من مدة يديه
حتى خذا كل شيء وما عطاني