قبل أربعه أشهر وأنا أتصفح أحد المواقع الألكترونية وجدت أعلان عن مودم 4G من شركة موبايلي السرعة 6قيقا بسعر 812 ريال لمدة ستة أشهر وقلت ياولد خذ الأحداثية من خرائط القوقل وأنطلق لمكتب الشركة الرئيسي بطريق الملك عبدالله بالرياض .
ولما وصلت الشركة ووصل دوري عند الموظف أعطيته الأحداثية وقلت شف لي نسبة التغطية بالموقع ..
قال التغطية ممتازة جداً بل أفضل من ممتاز قلت توكل على الله وعطني أقوى سرعة عندك ..
أخذت المودم بكرتونه وأنطلقت للبيت وبرمجته حسب الكتيب الموجود معه ومأشتغل النت .
أتصلت على خدمة العملاء 1100 وقال لي حطه أوتوماتيكي .. لاتختار 4G قلت والسبب .قال موقعك غير مغطى بالجيل الرابع !!! (غش وتدليس ) قلت أمرنا لله .. وحطيته على الجيل الثالث وأشتغل لكن السرعة ماتتجاوز الـ3 قيقا..
وبعد مرور شهر أخذت السرعة تقل ختى وصلت إلى واحد ..
أتصلت عليهم وفتحت طلب صيانه
وبعد أسبوع أتصلت عليهم وقالوا الطلب تقفل ؟
قلت لماذا . قال الأحداثية غير صحيحة ..
قلت ماعندي غير هالأحداثية . قال الموظف خلاص نفتح طلب مرة أخرى ونحط نفس الأحداثية ونشوف وش يردون علينا الشبكات ..
وبعد مرور 3 أيام أتصلت وقال إلى الأن ماجاء رد ..
هنا فهمت أن الشركة تماطل .؟
وكل يوم وأنا أكلمهم
وبعد مرور أسبوعين قالوا الطلب تقفل .
قلت والمشكلة لم تحل إلى الأن .
قال الموظف منطقتك جاري العمل على تحديث أبراجها وأن شاء الله ستحل مشكلتك .
ومن 3 شهور إلى اليوم وهذا هو الرد ولم يفعلوا شيئاً .. والسرعة كما هي من 1 إلى واحد ونص ..
ناهيكم عن الأنفصال في المودم كل 10 دقايق يفصل لمدة نص دقيقة ..
هذا هو قياس السرعة .. من موقع الشركة .. وأذا دخل موقع speed test تطلع السرعة أقل ..
أرجو من لديه معلومة عن كيفية التقدم بشكوى على الشركة للجهات المختصة يفيدني مشكوراً
المواضيع المتشابهه 
سالفتي مع شركة موبايلي من الف وإلى الأن ماوصلت إلى الياء 
العرض الشجري
