تعرفون متقاعد وفاضي
ومن الطفش والملل لقطت محمد التركي بحكم انه يعرف لغتهم قصينا التذاكرب3300 وعلى تبليسي من يوم وصلنا هناك قلت دورلنا شقة ممتازة اخذنا شقة ب80 دولار يومي قلت نزل معاملينا وتمرنا اهم شئ واستاجرلنا سيارة بس والله عندهم برد الزبده جلست فيها يومين وقلت رجعنا لرياضنا قال محمد خل نطلع لتركيا قلت والله ماقعد ولادقيقة ابوك لي يومين ماسمعت الاذان وديرة سكارى حنا عندنا لدخلت لمحل يبيع اطياب يشممك من كل ريحة هم حتى بالبقالات يذوقك من كل نوع جغمة ببغيت اشربه بس اشوا احسبه عصير قال محمد انتبه تراه خمر قلت مابقي الاهي يعني تدخل للبقالة للسوق لااي محل تطلع سكران بلاش المهم انتم عارفين ديانتهم مسيحين متشددين لاوكانوا منغلقين يوم كانوا تبع الاتحاد السوفييتي وتوهم يشوفون الناس وعندهم تعصب ضد اي شئ اسمه مسلم اذا قلت انا مسلم هجوا عنك في نظرهم المسلم مجرم شراب دم ومن واجبه الديني يقتل اي واحد غير مسلم فالشعب منغلق على نفسه ولايحب يتعامل مع المسلمين اصل من يوم يعرف انك مسلم ماتشوف الا بياض رجليه الامن لاباس فيه وحنا مارحنا لاماكن الشبهات والتجمعات يجتمعون نساء ورجال في حديقة خلف فندق اسطنبول ومصمصة وقلت حيا شقتنا الله لايبارك فيها تطل على هالحديقة حتى بالشوارع فيه مناظر مخجلة فلاتصلح للعوائل نهائيا والشباب اللي يدور بنات ماتصلح له العلاقات بينهم علاقات صداقة وحب وغرام فلازم تعرف لغتهم وتنسجم معهم وبشرط ان لايعرفوا انك مسلم
قلت طيب وش قصة هاللي يمدحونها في منتديات السفر قالوا هذولا شلة عراقين وسوريين وليبين ومصريين مهاجرين لجورجيا يعرفون لغتهم ويشتعلون مترجمين وسماسرة شقق وفنادق يمدحونها لاجل يجون سواح الخليج لها ويزرفونهم الطبيعة فيها طبيعة بس صلالة احسن منها حبيت اعلمكم بعلومها انا اقول توها على السياحةوالاستثمارفيها يبي لها كم سنة حتى اهلها يتعودون على السياح
المواضيع المتشابهه 
جيت امس من جورجيا وجبت الزبدة عنها 
العرض الشجري
