بسم الله الرحمن الرحيم احترت فيك كل ما قلت يا نفس نسيت وسليت *** ناداني حبي القديم ارجع تراه يحتريك حرك اشجاني ذكرى قصيد بيت *** كل ما ذكرته هزني شوقي اليك ابين اشواقي وأقول ما غيرك هويت *** لعل قلبك يميل لمن يحبك ويغليك ليتني صديت يوم لمحتك واقفيت *** ولا اقبلت يمك وسرت في حراويك 1 ليتني لاقي جفوة منك كان ما بديت *** ولا قربت منك اكثر وشفت بلاويك 2 كني فراش دنا من نارك وهويت *** احسب ان نارك ضؤ ما دريت انها هليك3 قابض على جمر الغضى وانكويت*** أتصبر وحبي احرق اشجاني والقلب يرجيك ان كان تغليني فأنا أغليك ما حييت *** وان كان قلبك لغيري الله يسهل عليك ابقسى على قلبي وأتصبر لو هقيت4 *** انك راغب لغيري وأنا الاول الي مغليك لا تحسبني ابسلى عنك لو تخليت ***أبحتفظ بحبي وأبقيه في القلب ومانيب ناسيك لي سنين انتظر وما رديت *** ابي جواب صريح لاني بصراحة احترت فيك *** 1- حراويك : أي ضواحيك ويقال حراويها أي ضواحيها 2- بلاويك : من البلاء والابتلاء 3- هليك مشتقة من الهلاك
المواضيع المتشابهه 
قصيدة احترت فيك 
العرض الشجري
