تم ايقاف المتكاملة حقت امريكا تعالو نشوف الامريكان وشلون جابو حقهم
بعد ماسكر السوق 3.30بتوقيت واشنطن الا ويقيم المسجد اللي بجنب البورصة لصلاة العصر يوم سلم الامام على اليسرا وينقز هاك النشمي من نشاما بوستن شكله وانامادري ماعلينا منين بكيفه امين من شيكاغو الوكاد نشمي وبس قال ياجماعة مايصير يضحك علينا ويوكل حلالنا وعيوننا طايرة طبعا الكلام كله بالأنجليزي امريكان بعد وشتبي الأنجليزي لعبتهم قال هاك الشقردي اللي يتطاير الشرار من عيونه وش تبي نسوي انت فصل وحنا نلبس برضه كله بالأنجليزي قال اسمعوا باكر الصبح الوعد البيت الأبيض نبي ندخل على اوباما ونبي ننخاه ونقوله مشكلتنا وعن المتكاملة وعن اللي اكلو حلالنا ترا كل اللي راح من كلام بالأنجليزي ياها الأمريكن يلعبون بالأنجليزي لعب والغريب حتى بزرانهم مثلهم قالو كلهم شورك وهدايت الله الوعد باكر قال هاه لاعين منكم تغيب بعد صلاة الفجر نبي نقعد له
المهم ماودي اطول عليكم اجتمعو بحديقة البيت الأبيض واجلسوا اللي معه قهوة واللي معه شاهي واللي معه كليجا واللي معه مصابيب بس بامريكا يدلعون المصابيب يسمونهن بان كيك واللي معه يبيس واللي معه بقل المهم فلوها بحديقة البيت الأبيض يبن لمنه يقوم اوباما ويروح للمكتب البيضاوي ويداوم علشان يدخلون عليه المهم صارو الضحى ومادروا الا مرة اوباما جاية تمشي مع الجادة اللي بالثيال وفوق راسه محدرةً صغيره وينطحه راعي بوستن ويصبحه بالخير قال وين اوباما قالة والله ابونا ماقام ايلا هالحين هذي بروح لم البقرة بعلفه وحلبه وشب على القهوه والحليب واقومه يغسل ايلا القهوه والحليب والفطور والمات يفطر ويطلع لكم قال راعي بوستن جمل الله حالك ايه هذي الحريم السنعة ماهي حريمنا ينفت حيلك ماقامت تفطر ماهو تفطر اهل البيت
المهم طلع لمهم اوباما يتاغر عابطه قهوه وسكري وحليب وشكله يتنقش يبد انه مصلحتن له مقلقل
قالهم خير وش مجمعكم ها الصبح
قالو شف ياطويل العمرحنا هنا من الفجر وتوك تطلع لمنا هالحين قاضبن اذانه يبي يذن الضهر شف باختصار حناحلالنا وكل ضحكوبنا بالمتكاملة ونت مايرضيك هالشي قال اوباما اناولد ابوي يوكل حلالكم وراسي يشم الغربي يالله عطون التويجري حق السوق ويجيبون له التويجري قاله شف لاتغيب شمس باكر الا كل واحد منهم دراهمه بجيبه قال التويجري حقهم سم طال عمرك وينقز هاك المطفوق قال ياطويل العمر انا ماعندي جيب عندي هايلكس غمارتين ديزل تصلح فضحك اوباما حتى تسلقا على ضهره من الضحك فضحك الجميع لضحك اوباما وقالهم تفضلو على غداكم وياللهول من الغداء ابلام ستيل نفرين عليه نص دجاجة دو ام رقبه طويلة بس الغريب انه مافيه الا نصين فيهن رقاب واكتشفنا السر بطول رقبة اوباما
المواضيع المتشابهه 
ايقاف المتكاملة حقت امريكا 
العرض الشجري
