السلام عليكم ورحمة الله وبركاته..
اسعد الله اوقاتكم بكل خير جميعا الرعيل الاول وهالجيل:hawamer5512
مدخل
قالـت امي كيف حالك يا ضناي ؟
قلت: حـالي نفس حالك يـا رضايّ
ان تبسمــتي غدى الكون بيدي
وان تـكدرتي .. يضايقني فضـــاي
وجودهم يجلى النكد و الصعايب
و يا حظ من يدرك حدى والدينه
ابوٍ كبير و له علومِ طرايب
و كل المراجل حازها في يمينه
و أمٍ إلى شافه تهون المصاعب
تسعد ببرّه لو يقبّل جبينه
ترفع يدينه للولي بالمطالب
وترجي ولي العرش يسعد سنينه
أقدامها تحته جنانٍ رطايب
و أبوك عزه في توالي سنينه
و بيتٍ بدون كبار مثل الخرايب
و اللي فقدهم قولوا الله يعينه
نورالبيوت ويجمعون الحبايب
وكل السلوم الطيبة جامعينه
فيهم لقسوات الليالي غلايب
مروضين الوقت ومطوعينه
اخضع لهم وانذلّ إن كنت راغب
في جنةٍ يا علنّا ساكنينه
و ازرع و تجني لكل شيٍ عقايب
وكلٍ يبي ياخذ على قد دينه
و احذر تقول اجيب واحد يراقب
ويخدم ابوي وراتبه دافعينه
وسلامتكم جميعا ..جمعكم ربي بوالديكم ومن تحبون ومن لهم حق عليكم في جنة عالية
تستطيع المشاركة هنا والرد على الموضوع ومشاركة رأيك عبر حسابك في الفيس بوك