 منذ /03-23-2013, 12:13 PM
|
#1 |
| رقم العضوية : 9523 | | تاريخ التسجيل : 23 - 9 - 2008 | | الجنس : ~ الاهلي | | المشاركات : 155,340 | | الحكمة المفضلة : Canada | | SMS : | |  الرخـــــــــوم رخوم حتى لو تباهـوا بالبشـوت
اياك ومصاحبه الرخوم
السلام عليكم ورحمه الله وبركاته
مساء / صباح الخير على الجميع
الرخوم
الرخوم اجارنا الله واياكم منهم جمع لكلمة رخمة.
والرخمة نوع من انواع الطيور يقال انها فصيلة من فصائل النسور
الا ان الرخمة لها إختصاص معين تتميز به
الا وهو آكل الجيف (اكرمكم الله)
فالرخمة تحلق فوق الارض بالساعات باحثة عن جيفه
او عن( حَرْمَه) والحرمة لمن لا يعرفها الحيوان الميت بدون تحليل شرعي
ولهذا يطلق لقب (حَرْمَـه) على غير الكفو من الرجال او النساء.
نرجع إلى الرخوم
فاقول ذا نوى احدكم برحلة ولو قصيره فعليه الابتعاد عن الرخوم
حتى ولو كانوا تكملة عدد. لان الرخمة يغث اللي حوله ، ويدبل كبد الكبير والصغير
الرخمة دائماً يفشّل في كلامه حتى فيمن يفزع معه يفشله، في جلوسه ، في أكله
وشربه في منـاحسه في كل شي.
والرخمة من الرجال يدبل الكبد في اي مكان ، ولكن في البر الوضع يختلف.
لان وجهك بوجه حتى ترجعون مقركم. يعني (أم بلابها الشيطان) اما
الرخوم اللي نقابل دايم
فامرهم هين ، كلها ساعه والا ساعتين في مجلس وكلٍ يروح في حاله .
والخوي عند الرجال العارفين له مكانته وقدره واحترامه وعاداتنا وتقاليدنا
تحثنا على مراعاة كل شي يخص الخوي.
ولهذا احذركم ونفسي من خوة الرخمة. اتركوا الرخوم على جنب. لانك اذا
خاويته
لازم تعطيه حق الخوة ورايح تبلش في خوته .
انظروا ماذا يقول الشعراء في الرخوم:
يقول احد الشعراء:
حالفن ما أرد شوري للجبـان @ مثل حلفي عن مخاواة الرخوم
ومايسبك في قفاك الا الجبان @ ((ومايذم الطيبين الاالرخوم))
ويقول الآخر:
لية يادنيا تعزين الرخوم
..................... والشجاع يعيش عمره في نكد
ويقول غيره:
ممساك في حيدٍ طويل الحناتيف أخير مـن ممسـاك زل ٍ وفلـه
مابين هطفان الرخوم المخاصيف اللّي تعيش انفوسهـا بالمذلـه
يقول احد الشعراء:
ولاياك تاخذ هرج بعض الرخومي....................الي اليا صديت بالكذب يقفاك
والآخر يقول :
حاذرك لا تتبع عيال الرخومي
يورطونك بين حاذف وحذاف
ويقول آخر:
حنا مراجلنا على هبـة الريـح @ لا خالف الواجب عيال الرخومي
ويقول آخر
المراجل ماتجي بلمع النجوم .. والحرار تبين وقت الهدد
والشوارب تنفتل وقت اللزوم.. ولايجيب النايفة كود الولد
والرخوم رخوم لوقامت تحوم.. مرجعة للدم لامنه برد
ممملتووووش :hawamer5412
الله يكفيني مصاحبة بنات الرخوم
تستطيع المشاركة هنا والرد على الموضوع ومشاركة رأيك عبر حسابك في الفيس بوك
|
|
|  |